ޑޮލަރު އިތުރަށް މާރުކުރުމާއި ޓެކްސްގެ ބަދަލު މަޑުޖައްސާލަން ޑެސްޓިނޭޝަން ފިއުޗާއިން ގޮވާލައިފި

ޑެސްޓިނޭޝަން ފިއުޗާއިން އިންތިޒާމުކޮށްގެން ބޭއްވި "ފިއުޗާ ސަމިޓު" ގެ ތެރެއިން: އެ ޖަމިއްޔާއިން ވަނީ ސަރުކާރަށް ހައްލުތަކެއް ހުށަހަޅާފައި --- ފޮޓޯ: ޓޫރިޒަމް މިނިސްޓްރީ

ޑެސްޓިނޭޝަން ފިއުޗާއިން އިންތިޒާމުކޮށްގެން ބޭއްވި "ފިއުޗާ ސަމިޓު" ގެ ތެރެއިން: އެ ޖަމިއްޔާއިން ވަނީ ސަރުކާރަށް ހައްލުތަކެއް ހުށަހަޅާފައި --- ފޮޓޯ: ޓޫރިޒަމް މިނިސްޓްރީ

ސަރުކާރުން ނިންމާފައިވާ ގޮތަށް އަންނަ މަހުން ފެށިގެން ޑޮލަރު މާރުކުރާ މިންވަރު 40 ޕަސެންޓަށް މަތިކުރުމާއި ޑެސްޓިނޭޝަން ޕްރިންސިޕަލްގެ ދަށުން ބޭރުގެ ޓުވާ އޮޕަރޭޓަރުންނާއި ޓްރެވަލް އެޖެންޓުންގެ ޓެކްސް ނެގުން އިހަށް މަޑުޖައްސާލަން ޓޫރިޒަމް އެޑްވޮކަސީ ޖަމިއްޔާ، ޑެސްޓިނޭޝަން ފިއުޗާއިން ގޮވާލައިފި އެވެ. 

ޑެސްޓިނޭޝަން ފިއުޗާއިން ސަރުކާރަށް ހުށަހެޅި ކަރުދާހެއްގައި މިހެން ގޮވާލީ، މި ބަދަލުތަކަކީ ޓޫރިޒަމް ސިނާއަތުގެ އަދުގެ ހާލަތާ ނުބައްދަލު ބަދަލުތަކެއް ކަމުގެ ކަންބޮޑުވުން ފާޅުކުރަމުންނެވެ. އެ ޖަމިއްޔާއިން ވަނީ މިއީ އިއާދަނުކުރެވޭ ވަރުގެ ގެއްލުމެއް ލިބިމުގެ ފުރުސަތު ބޮޑު ބަދަލުތަކެއް ކަމަށް ސިފަކޮށްފަ އެވެ.

ސަރުކާރަށް ހުށަހެޅި ކަރުދާހުގައި ޑެސްޓިނޭޝަން ފިއުޗާއިން ވަނީ ސިޔާސަތު ކަނޑައަޅަން ތިބި މީހުންނަށް އެނގެން ޖެހޭ މުހިންމު ހަ ކަމެއް ނުވަތަ "ފެކްޓް" ބަޔާންކޮށްފައިވެ އެވެ. މި ކަންކަމުގެ ތެރޭގައި ރިސޯޓުތަކަަށް މިހާރު ހުރި ގޮންޖެހުންތަކާއި، ބޭރުގެ އޮޕަރޭޓަރުންނާއި އެޖެންޓުންގެ ހުރި ކަންބޮޑުވުންތަކުގެ އިތުރުން މިހާރު ގެނެސްފައިވާ ބަދަލުތައް ތަންފީޒު ކުރަން ހުރި ހުރަސްތައް ހިމެެނެ އެވެ.

އެ ކަރުދާހުގައި، ރިސޯޓުތަކަށް އޮތް އެންމެ ބޮޑު ގޮންޖެހުމެއްގެ ގޮތުގައި އޮތީ އޮކިއުޕަންސީ ދަށްވުމެވެ. ތަފާސްހިސާބުތަކުން ދައްކާ ގޮތުގައި މި އަހަރުގެ ޖެނުއަރީން ފެށިގެން ޖޫންގެ ނިޔަލަށް އޮކިއުޕަންސީ ވަނީ 69.1 ޕަސެންޓުން 64.9 ޕަސެންޓަށް ވެއްޓިފަ އެވެ.

މިހެން އޮއްވާ މިހާރު ތަރައްގީކުރަމުން އަންނަ 165 ރިސޯޓި ނިމޭ ވަރަކުން އެނދުތައް އިތުރުވެ، ސަޕްލައި ޕްރެޝަރު އިތުރުވާނެ ކަމަށް ޑެސްޓިނޭޝަން ފިއުޗާއިން ބުންޏެވެ. އަދި، މި ސަޕްލައި އިތުރުވާއިރު ޑިމާންޑެއް ވެސް އޮންނަން ޖެހޭނެ ކަމަށް އެ ޖަމިއްޔާއިން ބުންޏެވެ. 

އިތުރު ޓެކްސް ދައްކަން ޖެހިއްޖެއްޔާ ރާއްޖެ ވިއްކުން ހުއްޓާލާނެ ކަމަށް އެޖެންޓުން ބުނެފި

ޓޫރިޒަމްގެ ޚިދުމަތްތަކުން ޓެކްސް ނަގާ އުސޫލަށް ގެންނަ ބަދަލާ ގުޅިގެން، ބޭރުގެ ޓްރެވަލް އެޖެންޓުންގެ ފައިދާއިން ޓެކްސް ދައްކަންޖެހޭތީ އެ ފަރާތްތަކުން ކަންބޮޑުވުން ފާޅުކުރި. މި ބަދަލުގެ ސަބަބުން އެއް ފައިދާއަކުން ދެ ގައުމަށް ޓެކްސް ދައްކަންޖެހޭ (ޑަބަލް ޓެކްސޭޝަން) މައްސަލަ ކުރިމަތިވާތީ، މިގޮތަށް އަމަލުކުރާނަމަ ރާއްޖެ ވިއްކުން ހުއްޓާލާނެ ކަމަށް ބުނި.

މި ޑިމާންޑަށް ސަޕްލައިކުރާ ވިއުގައިގެ ތެރޭގައި ބޭރުގެ ޓުއާ އޮޕަރޭޓަރުންނާއި ހޯލްސޭލަރުންނާއި އޮންލައިން ޓްރެވަލް އެޖެންސީތަކުގެ އިތުރުން ޓްރެވަލް އެޑްވައިޒަރުންނާއި އެއާލައިންތަކާއި ޗާޓަރު އޮޕަރޭޓަރުން ހިމެނެ އެވެ. އަދި، އެ މީހުން އެކަން ކުރަނީ މާކެޓިން އާއި ޓެކްނޮލޮޖީ އާއި ކަސްޓަމަރުން ހޯދުން ފަދަ ކަންކަމަށް އިންވެސްޓުކޮށް، ރިސްކު ނަގައިގެންނެވެ. 

ޑެސްޓިނޭޝަން ފިއުޗާއިން ބުނީ، ރާއްޖެއަށް ޓޫރިސްޓުން ފޮނުވަން މި ހުރިހާ ހަރަދެއްކޮށްފަ، ލިބޭ ކުޑަ ފައިދާއިން އިތުރު 17 ޕަސެންޓު ދޭން ޖެހުމުގެ ބުރަ އެޅެނީ ސީދާ އެޖެންޓުންނާއި އޮޕަރޭޓަރުންގެ ކޮނޑުގައި ކަމަށެވެ. އަދި، މިކަމާ ގުޅިގެން އެ މީހުން ތަމްސީލުކުރާ ބޭރުގެ ޖަމިއްޔާތަކާއި ރާއްޖޭގެ މޯލްޑިވްސް އެސޯސިއޭޝަން ފޯ ޓްރެވަލް އެޖެންޓްސް އެންޑް ޓުއާ އޮޕަރޭޓާސް (މަޓާޓޯ) އިން ވެސް ކަންބޮޑުވުން ފާޅުކޮށްފައިވާ ކަމަށް ޑެސްޓިނޭޝަން ފިއުޗާއިން ބުންޏެވެ. 

"ވިޔަފާރީގެ ބޮޑެތި އިދާރާތަކުން މިހާރު ވެސް އެދަނީ އަހަރަމެންނަށް އިންޒާރު ދެމުން. ޑީއާރުވީ، އޭބީޓީއޭ، އީސީޓީއޭ އަދި މަޓާޓޯ އިން ވަނީ ކަންބޮޑުވުން ފާޅުކޮށްފަ. އޭބީޓީއޭ އާއި އީސީޓީއޭއޭ އިން ވަނީ ތަންފީޒު ކުރުން ލަސްކޮށް، މިހާރު ވިއްކާފައިވާ ވިޔަފާރިތަކަށް އިންތިގާލީ އިންތިޒާމުތަކެއް ހަމަޖައްސަން އެދި އެދިފަ،" ޑެސްޓިނޭޝަން ފިއުޗާއިން ބުންޏެވެ.

ސަރުކާރުން އަވަސް އަރުވާލައިގެން މި ބަދަލުތައް ގެންނަން އުޅޭއިރު، ސަރުކާރުން ލިބޭނެ ކަމަށް އަންދާޒާކުރާ އަދަދާއި މި ޓެކްސް ނެގުމުގެ އިދާރީ ކަންކަން ހަމަޖައްސަން ހަރަދު ވާނެ ކަމަށް ބުނި އަދަދާ މެދު ޑެސްޓިނޭޝަން ފިއުޗާއިން ސުވާލު އުފެއްދި އެވެ. 

ޓެކްސް ގާނޫނު ބަދަލުކުރަން ރައްޔިތުންގެ މަޖިލީހަށް ހުށަހެޅި ބިލުގައި ސަރުކާރުން ލަފާކުރީ، މި ގޮތަށް ޓެކްސް ނަގައިގެން އަހަރަކު އިތުރަށް 1.6 ބިލިއަން ރުފިޔާ ލިބޭނެ ކަމަށެވެ. އަދި މި ބަދަލުތައް ގެންނާތީ ހަރަދު ކުރަން ޖެހޭނީ އަހަރަކު 5.1 މިލިއަން ރުފިޔާ ކަމަށެވެ. ޑެސްޓިނޭޝަަން ފިއުޗާއިން ބުނީ، ޓެކްސް ނެގޭ-ބޭސް އާއި، ކޮމްޕްލައިންސް އަދި ކަލެކްޝަން އަންދާޒާތައް ޝާއިއުކޮށް ސްޓްރެސް ޓެސްޓް ކުރަން ޖެހޭ ކަމަށެވެ. 

މަޓީގެ ހޫނު ބައްދަލުވުމެއް، ބިދޭސީ އޯނަރުންނަށް ވެސް ޑޮލަރު މާރުކުރުން ކަމު ނުދިޔަ

ރިސޯޓު އާމްދަނީގެ 40 އިންސައްތަ ޑޮލަރު މާރުކުރަންޖެހޭ ގޮތަށް ހަމަޖެއްސުމާ ގުޅިގެން، މި ބަދަލަކީ މުދާ ހޯދުމާއި ގެންގުޅުމުގެ ހައްގާ ބެހޭ ގާނޫނު އަސާސީގެ 40 ވަނަ މާއްދާއާ ހިލާފު ކަމެއް ކަމަށް ބުނެ، ގިނަ އިންވެސްޓަރުން ވަނީ މި ނިންމުމާ ދެކޮޅަށް ޝުއޫރު ފާޅުކޮށްފަ.

މި ބަދަލުތަކުގެ ހުރި ގެއްލުމާ ގުޅުވާ ޑެސްޓިނޭޝަން ފިއުޗާއިން ބުނީ މި ކަމުގެ ސަބަބުން ލިބެން އޮތީ "ހިމޭން، އިއާދަަނުކުރެވޭ" ވަރުގެ ގެއްލުމެއް ކަމަށެވެ. ސަބަބެއް ކަމަށް ބުނީ، އާންމުކޮށް އިއުލާންކޮށްގެން ރާއްޖެ ދޫކޮށްފައި ނުދިޔަޔަސް، ރާއްޖެއަށް ޓޫރިސްޓުން ފޮނުވާ މީހުން އެ މީހުންގެ ވިޔަފާރި ވާދަވެރި މަންޒިލުތަކަށް ގެންދާނެ ކަމަށެވެ.

މިހާރަށް މި ފިޔަވަޅުތައް އެޅުން މަޑުޖައްސާލަން ގޮވާލި ކަމުގައި ވިޔަސް، ޑެސްޓިނޭޝަން ފިއުޗާއިން ވަނީ ތަންކޮޅެއް ރޭވި، އިންތިޒާމު ވެގެން މި ބަދަލުތައް ގެންނަން އިއުތިރާޒު ނުކުރާ ކަން ހާމަކޮށްފަ އެވެ.

ޑެސްޓިނޭޝަން ފިއުޗާއަކީ ޓޫރިޒަމް ސިނާއަތުގައި ފުންނާބު އުސް، ފަންނީ ދިވެހިންނާއި އިންޑަސްޓްރީގެ ތަޖުރިބާކާރުން ގުޅިގެން އުފައްދާފައިވާ ޖަމިއްޔާއެކެވެ. އެ މީހުންގެ ފަރާތުން ސަރުކާރަށް ހުށަހެޅި ކަރުދާހުގައި، މިހާރު އަޅާފައިވާ ފިޔަވަޅުތައް އެޅުން ދެކޮޅު ނުޖެހޭ ސަބަބުތައް ވަރަށް ތަފުސީލުކޮށް ބަޔާންކޮށްދީފައި ހުއްޓެވެ.

ޓޫރިޒަމް ވިޔަފާރިތަކަށް އިތުރު އުނދަގޫތަކެއް ކުރިމަތިވާނެ ކަމަށް އެ ވިޔަފާރިތަކުން ބުނާ މި ބަދަލުތަކާ ދެކޮޅަށް ރިސޯޓުތަކާއި ރާއްޖެއަށް ޓޫރިސްޓުން ފޮނުވާ ވިޔަފާރިތަކުން ވެސް އަންނަނީ ކަންބޮޑުވުން ފާޅުކުރަމުންނެވެ. މި ކަމުގެ މައުލޫމާތު ދޭން ބޭއްވި ބައްދަލުވުމެއްގައި ބައެއް ޓުވާ އޮޕަރޭޓަރުންނާއި ޓްރެވަލް އެޖެންޓުން ވަނީ ރާއްޖެ ވިއްކުން ހުއްޓާލާނެ ކަމަށް ބުނެފަ އެވެ. 

ކޮމެންޓް

ފަހުގެ ޚަބަރު

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

ގޫގަލް ޕިކްސެލް އަށް އުރީދޫ 5ޖީ

ގޫގުލް ޕިކްސެލް ފޯނުތަކަށް ރާއްޖޭގައި 5ޖީގެ ޚިދުމަތް ފޯރުކޮށްދޭ ފުރަތަމަ ނެޓްވޯކަކަށް އުރީދޫ މޯލްޑިވްސް ވެއްޖެއެވެ. ނޮވެންބަރު މަހުގެ ސޮފްޓްވެއާ އަޕްޑޭޓާއެކު ޕިކްސެލްގެ އެކި މޮޑެލްތަކަށް 5ޖީ އާއި ވީއޯއެލްޓީއީގެ ޚިދުމަތް މިހާރު ލިބޭނެއެވެ.

ޓޫރިޒަމް ފަހަތަށް، މާލީ ދާއިރާ އާއި އިމާރާތް ކުރުން ކުރިއަށް

މާލީ ދާއިރާ އާއި އިމާރާތްކުރުމުގެ ދާއިރާއަށް އައި ބޮޑު ކުރިއެރުމާއެކު، ރާއްޖޭގެ އިގުތިސޯދު ވަނީ ހަތަރެއް ޕަސެންޓަށް ކުރިއަރާފަ. ޓޫރިޒަމްގެ އިތުރުން މަސްވެރިކަމުގެ ދާއިރާވެސް ވަނީ މި މުއްދަތުގައި ވަރަށް ބޮޑަށް ދަށަށް ގޮސްފަ.

ޑީއެމްއާރްއާރްގައި ޕްލާސްޓިކް ބޭނުން ނުކުރުމަށް ދިރާގު އިލްތިމާސް

މި މަހުގެ 20 ގައި ބާއްވާ "ދިރާގު މޯލްޑިވްސް ރޯޑް ރޭސް" ގައި އެއްފަހަރު ބޭނުންކޮށްފައި އުކާލާ ޕްލާސްޓިކް ބޭނުން ނުކުރުމަށް ދިރާގުން އިލްތިމާސްކޮށްފިއެވެ. ތިމާވެށި ހިމާޔަތްކުރުމުގެ މަގުސަދުގައި ކުރިއަށްގެންދާ މި ހަރަކާތުގައި ފެން ފޯރުކޮށްދޭނީ ކަރުދާސް ތަށީގައި ކަމަށާއި، ދުވުންތެރިން އަމިއްލަ ފުޅި ގެންގުޅުމަށް އެ ކުންފުނިން ބާރުއަޅައެވެ. މި އިސްނެގުމުގެ ސަބަބުން ކޮންމެ އަހަރަކު ގާތްގަނޑަކަށް 18،000 ޕްލާސްޓިކް ފުޅި މަދުކުރެވޭނެ ކަމަށް ދިރާގުން ލަފާކުރެއެވެ.

ކުޑަ ސަރަހައްދަކުން އުދުއްސާލެވޭ އާދަޔާ ހިލާފު ބޯޓެއް

އެމެރިކާގެ އިލެކްޓްރާ ކުންފުނިން ދަނީ ރަންވޭއެއް ނެތް ކުޑަ ސަރަހައްދުތަކުން އުދުއްސާލެވޭ ފަދަ ހައިބްރިޑް-އިލެކްޓްރިކް މަތިންދާބޯޓެއް އުފައްދަމުންނެވެ. މި ބޯޓުގެ ސަބަބުން ކައިރި މަންޒިލްތަކަށް ކުރާ ދަތުރުތަކުގެ ޚަރަދު ކުޑަވެ، އެއާޕޯޓުތަކަށް ބަރޯސާނުވެ ސީދާ އެއް ތަނުން އަނެއް ތަނަށް އަވަހަށް ދަތުރުކުރުމުގެ ފުރުސަތު ލިބިގެންދާނެއެވެ.

އިސްލާމިކް ބޭންކިންގެ ކްރެޑިޓް ކާޑު ޕޯޓްފޯލިއޯ ތައާރަފުކޮށްފި

މޯލްޑިވްސް އިސްލާމިކް ބޭންކް (އެމްއައިބީ) އިން ޝަރީއާގެ ހަމަތަކަށް ފެތޭ ގޮތަށް ފަރުދުންނާއި ވިޔަފާރިތަކަށް ހާއްސަ ހަތަރު ކެޓަގަރީއެއްގެ އައު ކްރެޑިޓް ކާޑު ޕޯޓްފޯލިއޯއެއް ވަނީ ތައާރަފުކޮށްފައި. މި ކާޑުތަކަށް 12,000ރ. އާއި 300,000ރ. އާ ދެމެދުގެ ކްރެޑިޓް ލިމިޓެއް ކަނޑައަޅާފައި.

ސިނެޓެކްސްގެ ވެބްސައިޓް އަލުން ފަރުމާކޮށްފި

ދިވެހި ތިން ޒުވާނުން އުފެއްދި "ސިނެޓެކްސް" ކުންފުނިން ބައިނަލްއަގުވާމީ ބާޒާރަށް އަމާޒުކޮށް އެ ކުންފުނީގެ ވެބްސައިޓް އަލުން ފަރުމާކޮށްފިއެވެ. މި ކުންފުނީގެ މައިގަނޑު މަގުސަދަކީ ދިވެހިބަހާ އެއްގޮތަށް ޑިޖިޓަލް ވަސީލަތްތައް މަދު ބަސްތަކަށް އޭއައި މޮޑެލްތަކާއި ސައިބަރ ސެކިއުރިޓީ ހައްލުތައް ފޯރުކޮށްދިނުމެވެ. އެގޮތުން 'ތާނަ އޭއައި' މެދުވެރިކޮށް ލިބޭ ހިދުމަތްތައް ފުޅާކޮށް، ކުރިއަށް އޮތް "ސްލަޝް 2026" ކޮންފަރެންސްގައި ދުނިޔޭގެ ފެންވަރުގައި މި ޓެކްނޮލޮޖީ ތައާރަފުކުރުމަށް އެ ކުންފުނިން ދަނީ ތައްޔާރުވަމުންނެވެ.

Newsletter

Get the latest news delivered straight to your inbox