ޕީއެންސީ ކޮންގްރެސްގައި ނެގި ހުރިހާ ވޯޓެއްގެ ނަތީޖާ އައީ މީގެ ދެ ދުވަސް ކުރިން ލީކުވި ލިސްޓާ އެއްގޮތަށް

ޕީއެންސީގެ ކޮންގްރެސްގައި ރައީސް މުއިއްޒު ބައިވެރިވެވަޑައިގަންނަވަނީ: ވޯޓަށް ނުފޫޒު ފޯރުވި ކަމަށް ބައެއް ކެންޑިޑޭޓުން ވެސް ބުނޭ -- ފޮޓޯ: ޕީއެންސީ

ޕީއެންސީގެ ކޮންގްރެސްގައި ރައީސް މުއިއްޒު ބައިވެރިވެވަޑައިގަންނަވަނީ: ވޯޓަށް ނުފޫޒު ފޯރުވި ކަމަށް ބައެއް ކެންޑިޑޭޓުން ވެސް ބުނޭ -- ފޮޓޯ: ޕީއެންސީ

ވެރިކަން ކުރާ ޕީއެންސީގެ ކޮންގްރެސްގައި މިއަދު ނެގި ހުރިހާ ވޯޓެއްގެ ނަތީޖާ މީގެ ދެ ދުވަސް ކުރިން ލީކުވި ލިސްޓާ އެއްގޮތަށް އައުމުން އިންތިހާބަށް ލީޑާޝިޕުން ނުފޫޒު ފޯރުވައި ބޭނުންވި ގޮތަކަށް ނަތީޖާ ނެރުނު ކަމުގެ ތުހުމަތުތައް އަމާޒުވެއްޖެ އެވެ. 

ޕީއެންސީގެ ކޮންގްރެސްގައި ވަކި ބަޔަކަށް ވޯޓުލާން ޕާޓީގެ ލީޑާޝިޕްގެ ފަރާތުން އަންގަމުންދިޔަކަން އަދަދު އަށް ވެސް ވަނީ ޔަގީންވެފަ އެވެ. އަދި ޕާޓީގެ މެންބަރުންނަށް ލީޑާޝިޕްގެ ފަރާތުން ފޮނުވަމުންދިޔަ ލިސްޓުގެ ކޮޕީއެއް އަދަދު އަށް ވެސް ވަނީ ލިބިފަ އެވެ. މިއަދު ނެގި ހަތަރު ވޯޓުގެ ނަތީޖާތައް ވެސް އައީ އެ ލިސްޓާ އެއްގޮތަށެވެ. 

ލިސްޓާ ދިމާނުވީ އެންމެ ދެ މަގާމެވެ. އެއީ ޒުވާނުންގެ ފަރާތުން މެންބަރުންގެ މަޖިލީހަށް ހޮވުނު މީހަކާއި އާންމުންގެ ފަރާތުން މެންބަރުންގެ މަޖިލީހަށް ހޮވުނު މީހެވެ. 

"ސީދާ ރައީސް [މުހައްމަދު] މުއިއްޒުގެ ފަރާތުން ކަމަށް ބުނެ މި ލިސްޓު ފަތުރަނީ. އެންމެންނަށް ވެސް އަންގާފަ އޮތީ މި ލިސްޓަށް ވޯޓު ދޭން،" ޕީއެންސީގެ ސީނިއާ މެންބަރަކު ނޫހުގައި ނަން ނުޖެހުމަށް ޝަރުތުކޮށް ބުންޏެވެ. 

ވޯޓުގެ ނަތީޖާ ވަކި ގޮތަކަށް އަނބުރާލުމަށްޓަކައި ޕީއެންސީގެ ހުރިހާ ލެވެލަކަށް ވެސް ލީޑާޝިޕުން ނުފޫޒު ފޯރުވަމުންދިޔަ ކަމަށް މި ނޫހާ ވާހަކަ ދެއްކި މަސްދަރުން ބުންޏެވެ.  

ޕީއެންސީގެ ނައިބު ރައީސުންގެ މަގާމަށް އަށް ކެންޑިޑޭޓުން ކުރިމަތިލެއްވިއިރު ހޮވުނީ ސަރުކާރުން ބެހި ލިސްޓުގައި ހިމެނިފައިވާ ހަ ކެންޑިޑޭޓެވެ. މެންބަރުންގެ މަޖިލީހަށް ކުރިމަތިލި 22 އަންހެން ކެންޑިޑޭޓުންގެ ތެރެއިން ހޮވުނީ ލިސްޓުގައި ހިމެނުނު 10 ކެންޑިޑޭޓުންނެވެ. 

މެންބަރުންގެ މަޖިލީހަށް ކުރިމަތިލި 13 ޒުވާނުންގެ ތެރެއިން ލިސްޓުގައި ނަން އޮތް ހަ ކެންޑިޑޭޓަކު ހޮވުނެވެ. ލިސްޓުގައި ނަން އޮތް އެއް ކެންޑިޑޭޓަކު ކުޑަ ތަފާތަކުން ވަނީ ބަލިވެފަ އެވެ. 

ޕާޓީގެ މެންބަރުންގެ މަޖިލީހަށް އިންތިހާބު ކުރާ 18 މަގާމަށް 73 ކެންޑިޑޭޓަކު ވާދަ ކުރިއިރު، ލިސްޓުގައި ނަން އޮތް 17 މީހަކު މަގާމުތަކަށް ހޮވުނެވެ. ލިސްޓުގައި ނަން އޮވެ އިންތިހާބުނުވީ އެންމެ މެންބަރެކެވެ. 

މި ނޫހަށް ލިބުނު ލިސްޓު މީގެ ދެ ދުވަސް ކުރިން ސޯޝަލް މީޑިއާގައި ވެސް ވަނީ ލީކުކޮށްލައިފަ އެވެ. އެ ލިސްޓު ލީކުކޮށްލީ އިދިކޮޅު ޕީޕަލްސް ނެޝަނަލް ފްރަންޓުގެ ސީނިއާ މެންބަރެއް ކަމަށްވާ އަހުމަދު މުސްތަފާ އެވެ.

އޭނާ ބުނެފައި ވަނީ އެ ލިސްޓުތަކަކީ ރައީސް އޮފީހުގެ މިނިސްޓަރު އަބްދުﷲ ނާސިރު އާއި މަޖިލީހުގެ ރައީސް އަބްދުﷲ އަބްދުއްރަހީމް އާއި މެންބަރު އިބްރާހިމް ފަލާހު ފަތުރަމުންދާ ލިސްޓެއް ކަމަށެވެ. 

ޕީއެންސީގެ އެތެރޭގެ މަގާމަކަށް ވާދަކޮށް ނާކާމިޔާބުވި ކެންޑިޑޭޓަކު އަދަދު އާ ވާހަކަ ދައްކަމުން ބުނީ މިއަދު ހުރިހާ އިންތިހާބެއް ވެސް އޮތީ އޮޅުވާލާފައި ކަމަށެވެ. އަދި ވޯޓު އޮޅުވާލީ ޕާޓީގެ ލީޑާޝިޕްގެ ފަރާތުން ކަމަށް ވެސް އޭނާ ތުހުމަތު ކުރި އެވެ. 

"އެމީހުން ބޭނުންވި ގޮތަކަށް ވޯޓުގެ ހުރިހާ ކަމެއް ވެސް ގެންދިޔައީ. ބޮޑު އޮޅުވާލުމެއް މިއީ،" ނޫހުގައި ނަން ނުޖެހުމަށް ޝަރުތުކޮށް އޭނާ ބުންޏެވެ. 

ޕީއެންސީގެ ކޮންގްރެސްގައި ބޭއްވި އިންތިހާބުތަކަށް ނުފޫޒު ފޯރުވިކަމަށް އެނގުނު ނަމަވެސް އިންތިހާބުތައް ކުރިއަށްދިޔައިރު ކޮންގްރެސްގެ ރިޔާސަތު ބެލެހެއްޓެވި މެންބަރު ފަލާހު ވިދާޅުވީ އިންތިހާބުގައި އެއްވެސް އޮޅުވާލުމެއް ނެތް ކަމަށެވެ. 

"އާދެ، އަޅުގަނޑު މި ޗެކުކޮށްލަނީ މިއަދު ރިޔާސަތުގައި އިނީ އަޅުގަނޑުކަމަށް ވާތީ ފަހަރެއްގައި އެއްވެސް ކަހަލަ ގޯހެއް އެއްވެސް ދިމާލަކުން ހިނގާފާނެތީ އަޅުގަނޑުގެ ވަރަށް ބޮޑު މަސްއޫލިއްޔަތެއް ވަރަށް ބޮޑު ޒިންމާއެއް ހުރިހާ ކަމެއް ވެސް ގޯހެއް ނުހިނގާނެ ގޮތަށް ހުރިހާ ބޭފުޅުންގެ ހައްގުތައް އެންމެ ރަނގަޅަށް ކަށަވަރު ކުރެވޭނެ ގޮތަށް، ހުރިހާ ކަމެއް ގެންދިޔުމަކީ. އެހެންވެ އަޅުގަނޑު ފުރަތަމަ ބަލައި ޗެކުކޮށްލާފައި މި އިންތިހާބު ކޮމިޓީއާ ދިމާލަށް މި ނަތީޖާ އިއުލާނުކުރަން ފޮނުވަނީ އިނގޭތޯ؟،" ފަލާހު ވިދާޅުވި އެވެ. 

މި އިންތިހާބުގައި ވޯޓުލުން ކުރިއަށް ގެންގޮސްފައި މޯބައިލް އެޕްލިކޭޝަނެއް ބޭނުންކޮށްގެންނެވެ. މެންބަރުން ވޯޓުލާންޖެހެނީ ކިއުއާރް ކޯޑެއް ސްކޭންކޮށްގެންނެވެ. އަދި ވޯޓުލުމަށް ދީފައި ވަނީ ފަސް މިނެޓުގެ ވަގުތުކޮޅެކެވެ. ވޯޓު ނިމުމުން ކުޑަ ވަގުތުކޮޅެއްގެ ތެރޭގައި ނަތީޖާ ވަނީ އިއުލާނުކޮށްފަ އެވެ. ނަތީޖާ އިއުލާންކޮށްދެއްވީ ޕީއެންސީގެ އިންތިހާބު ކޮމިޓީގެ ފަރާތުން ފުއާދު ތައުފީގެވެ. 

ކޮމެންޓް

ފަހުގެ ޚަބަރު

ލޯ ޑިގްރީ އިމްތިހާނަށް މާލެ އަންނާކަށް ނުޖެހޭނެ: ބާ ކައުންސިލް

ލޯ ޑިގްރީގެ އިމްތިހާނުތައް ހެދުމަށް މާލެއަށް ނުވަތަ ވަކި ހާއްސަ ރަށަކަށް ހާޒިރުވުން ލާޒިމު ނޫން ކަމަށާއި، ދަރިވަރުން ދިރިއުޅޭ ރަށެއްގެ ސްކޫލް ނުވަތަ ކައުންސިލް މެދުވެރިކޮށް އިމްތިހާނު ހެދޭނެ މަގު ބާ ކައުންސިލުން ފަހިކޮށްދީފިއެވެ. އަންނަ އަހަރުން ފެށިގެން އަމަލުކުރާ މި އުސޫލުގެ ދަށުން އިމްތިހާނު ހަދާ ގޮތަށް ބަދަލު އައި ނަމަވެސް، ކޯހުގެ މަންހަޖާއި ކިޔަވައިދޭ މުއްދަތަށް އެއްވެސް ބަދަލެއް ނާންނާނެއެވެ.

ތަރައްގީގެ އެއްވެސް ކަމެއް ކުރުމަށް ލާރިއެއް ނެތް: ޝާކިރު

އަންނަ އަހަރުގެ ބަޖެޓުގައި ރިކަރަންޓް ހަރަދަށް ކެނޑުމަށްފަހު ތަރައްގީގެ މަޝްރޫއުތަކަށް ފައިސާ ނެތް ކަމަށް ވިދާޅުވެ މެންބަރު އަހުމަދު ޝާކިރު ކަންބޮޑުވުން ފާޅުކުރައްވައިފިއެވެ. އޭނާ ވިދާޅުވީ ދައުލަތުގެ އާމްދަނީގެ ބޮޑުބައެއް ހަރަދުވަނީ ރިކަރަންޓް ކަންކަމަށް ކަމަށާއި، މަޝްރޫއުތައް ހިންގަން ޖެހެނީ އިތުރަށް ދަރަނި ނަގައިގެން ކަމަށެވެ. މީގެ އިތުރުން ސަރުކާރު ކުންފުނިތަކުން ބޮޑެތި ގެއްލުންވަމުންދާ ދިއުމަށްވެސް އޭނާ ވަނީ ފާޑުވިދާޅުވެފައެވެ.

"ސިޓިޒަންސް ކޮމްޕްލެއިންޓްސް" ލައުންޖުތަކެއް ގާއިމުކޮށްފި

ރައްޔިތުންގެ ޝަކުވާތަކާއި ކަންބޮޑުވުންތައް ސަރުކާރަށް ހުށަހެޅުމަށްޓަކައި މާލެ އާއި ހުޅުމާލޭގައި "ސިޓިޒަންސް ކޮމްޕްލެއިންޓްސް" ބިއުރޯގެ ދެ ލައުންޖެއް މިއަދު ވަނީ ހުޅުވައިފައެވެ. ސަރުކާރު ބަންދު ނޫން ކޮންމެ ދުވަހަކު ޚިދުމަތް ދޭ މި އޮފީސްތަކަކީ ރައީސުލްޖުމްހޫރިއްޔާގެ އޮފީހުގެ ދަށުން ހިންގާ، ރައްޔިތުންގެ މައްސަލަތަކަށް ހައްލު ހޯދައިދިނުމަށް ގާއިމުކުރި ތަންތަނެވެ.

ރިއަލް އެސްޓޭޓު ބިލު މަޖިލީހަށް ބަލައިގަނެފި

މި ބިލު ބަލައިގަންނަން ވޯޓު ދިނީ 42 މެންބަރުން. ބިލާ ދެކޮޅަށް ވޯޓު ދެއްވީ އެމްޑީޕީގެ 13 މެންބަރުން. މި ބިލު ދިރާސާކުރާނީ ގައުމީ ތަރައްގީ އާއި ތަރިކައިގެ ކޮމިޓީން. މިއީ ގާނޫނުއަސާސީގެ ހިމާޔަތްތައް ނައްތާލައި، ތާއަބަދަށް ނުވަތަ ހުސްނުވާ ގޮތަށް ބޭރު މީހުންނަށް ބިން މިލްކުކުރެވޭނެ ގޮތް ހެދުމަށް އިންތިޒާމުތަކެއް ހިމަނާފައިވާ ބިލެއް

ބޮޑެތި ޖޫރިމަނާތަކެއް ހިމަނާފައިވާ އަބުރުގެ ބިލު ކޮމިޓީއަށް

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ހިއްސާކޮށްފިނަމަ 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް ހުށަހެޅި އަބުރުގެ ބިލު މަޖިލީހަށް ބަލައިގަނެ ކޮމިޓީއަށް ފޮނުވައިފިއެވެ. މި ބިލުގައި ބަހާއި، ފޮޓޯއާއި، އިޝާރާތް އަދި ފިލްމު ފަދަ ވަސީލަތްތައް މެދުވެރިކޮށް އަބުރާ ބެހުމުގެ ދައުވާ ކުރެވޭނެ ގޮތްތައް ބަޔާންކޮށްފައިވެއެވެ.

މަރުގެ އަދަބު ތަންފީޒު ކުރާ ބިލު ބަލައިގެންފި

ދަންޖައްސައިގެން މަރުގެ އަދަބު ތަންފީޒުކުރާ ގޮތަށް ސަރުކާރުން ހުށަހެޅި ބިލު ރައްޔިތުންގެ މަޖިލީހަށް މިއަދު ބަލައިގެންފިއެވެ. މި ބިލުގައި މަރުގެ އަދަބު ތަންފީޒުކުރާނެ ގޮތާއި، އެކަން ހިންގާނެ ޕެނަލެއް އެކުލަވާލުމުގެ އިތުރުން، ބަލިވެއިނުމާއި ދަރިފުޅަށް ދެ އަހަރު ފުރުން ފަދަ އަދަބު ތަންފީޒުނުކުރެވޭނެ ހާލަތްތައް ބަޔާންކޮށްފައިވެއެވެ.

ތިން ކުންފުންޏެއްގެ މަނީ އެކްސްޗޭންޖު ލައިސަންސް ބާތިލްކޮށްފި

މަނީ ޗޭންޖިން ގަވާއިދާ ތަކުރާރުކޮށް ހިލާފުވި ތިން ކުންފުންޏެއްގެ ލައިސަންސް އެމްއެމްއޭ އިން ބާތިލުކޮށް، އެ ކުންފުނިތައް ބޮޑެތި އަދަދުތަކުން ޖޫރިމަނާކޮށްފިއެވެ. މި ފިޔަވަޅަކީ ބޭރު ފައިސާގެ ބާޒާރު ކޮންޓްރޯލްކޮށް، ގަވާއިދާ ހިލާފު މުއާމަލާތްތައް ހުއްޓުވުމަށް އެމްއެމްއޭ އިން ކުރަމުންދާ މަސައްކަތުގެ ތެރެއިން އެޅި ފިޔަވަޅެކެވެ.

Newsletter

Get the latest news delivered straight to your inbox