އިއްޔެ ފުވައްމަުލަކުގައި ކާރެއް އަތުލައިގަނެ އެކްސިޑެންޓުކޮށްލި މީހާގެ ބަންދަށް 15 ދުވަސް ޖަހައިފި އެވެ.
މި މައްސަލައާ ގުޅިގެން ފުލުހުން ހައްޔަރުކުރީ އެ ސިޓީގެ މިިސްކިތްމަގު، އަންދާޒު، އަހުމަދު އައުނުالله އެވެ. އޭނާގެ ބަންދަށް 15 ދުވަސް ޖެހީ ފުވައްމަލަކު ކޯޓުންނެވެ.
ފުލުހުން ބުނީ، އިއްޔެ އިރުއޮއްސި 18:22 އެހައިކަންހާއިރު ފުވައްމުލަކު މޫޑިގެ ކުރިމަތިން ދުއްވާފައި ދިޔަ ކާރެއް، ސައިކަލެއްގައި ޖައްސައި އެކްސިޑެންޓް ކޮށްލާފައިވާ ކަމަށެވެ. އެ އެކްސިޑެންޓަށްފަހު މަޑުނުކޮށް ބާރު ދުވެލީގައި ދިޔަ އެ ކާރު އެ މަގުން ދަތުރުކުރި އެހެން ކާރެއްގައި އަދި ރުކެއްގައި ޖެހުނު ކަމަށް ފުލުހުން ބުންޏެވެ.
މި ކާރު ފުރަތަމަ ޖެއްސި ސައިކަލު ދުއްވަން އިން އަންހެން މީހާއަށާއި، ސައިކަލުގެ ފަހަތުގައި އިން އަށް އަހަރުގެ އަންހެން ކުއްޖާއަށް އެކިވަރުގެ އަނިޔާ ލިބިގެން ފުވައްމުލައް ހޮސްޕިޓަލުގައި ފަރުވާ ދީފައިވެ އެވެ. ނަމަވެސް އެ މީހުންގެ ހާލު ސީރިއަސް ނޫން ކަމަށް ހޮސްޕިޓަލުން މައުލޫމާތު ދީފައިވާ ކަމަށް ފުލުހުން ބުންޏެވެ.
ފުލުހުންގެ ތަހުގީގަށް މިހާތަނަށް އެނގިފައިވާ ގޮތުގައި، އެ މީހާ އެކްސިޑެންޓް ކުރި ކާރު ދުއްވާފައިވަނީ ކާރުގެ ވެރިފަރާތަށް އަނިޔާކޮށް، ކާރު ހަލާކުކޮށްލާނެ ކަމަށް ބުނެ އިންޒާރު ދިނުމަށްފަހު ގަދަކަމުން ކާރު އަތުލައިގެންނެވެ.
