ޓްރަމްޕް ހުށަހަޅުއްވާ ސައުދީ ނިއުކްލިއާ އެއްބަސްވުމުގެ ޝަރުތަކީ އިޒްރޭލާ ގުޅުން ގާއިމްކުުރުން

Aug 26, 2026, 1:27 PM
ފޮޓޯ: ރޮއިޓާސް

ފޮޓޯ: ރޮއިޓާސް

އިސްރާއީލާއެކު ސައުދީ އަރަބިއްޔާއިން ގުޅުން ގާއިމުނުކުރާހާ ހިނދަކު އަމަލީ ސިފައެއް ނާންނާނެ ކަމަށް ޝަރުތުކޮށް، މަދަނީ ނިއުކްލިއާ ހަކަތައިގެ އެއްބަސްވުމެއް އެމެރިކާގެ ރައީސް ޑޮނަލްޑް ޓްރަމްޕް އެ ގައުމުގެ ކޮންގްރެސްއަށް ހުށަހަޅުއްވައިފި އެވެ.

ނަން ހާމަނުކުރުމަށް އެދި އެ އޮފިޝަލް ރޮއިޓާޒް ނޫހަށް ވިދާޅުވި ގޮތުގައި، އެމެރިކާގެ ކުންފުނިތަކަށް ސައުދީ އަރަބިއްޔާއަށް މަދަނީ ނިއުކްލިއާ ޓެކްނޮލޮޖީ އެކްސްޕޯޓް ކުރުމުގެ ހުއްދަ ލިބޭ މި އެއްބަސްވުމަކީ މިދިޔަ ޖުލައި މަހު އެކުލަވާލި އެއްބަސްވުމެކެވެ. އަދި މި އެއްބަސްވުން ކޮންގްރެސްއަށް ހުށަހަޅާފައިވަނީ މިދިޔަ ހޯމަ ދުވަހު އެވެ.

މިކަމާ ގުޅޭގޮތުން ވޮޝިންޓަންގައި ހުންނަ ސައުދީ އެމްބަސީއިން ވަކި އެއްޗެއް ނުބުނެ އެވެ.

Advertisement

މި އެއްބަސްވުމާ މެދު ގޮތެއް ނިންމުމަށް ކޮންގްރެސްއަށް 90 ދުވަހުގެ މުއްދަތެއް ލިބޭއިރު، މި އެއްބަސްވުން ކޮންގްރެސްއަށް ހުށަހެޅުއްވުމުން ޓްރަމްޕް ބޭނުންފުޅުވާ މަގްސަދުތައް ހާސިލުވާނީ ކިހިނެއްކަން އަދި ސާފެއް ނުވެ އެވެ.

އެމެރިކާ ސަރުކާރުގެ އޮފިޝަލަކު ފޮނުއްވި އީމެއިލެއްގައި ވިދާޅުވީ، ސައުދީ އަރަބިއްޔާއިން "އަބްރަހަމް އެކޯޑްސް" ގައި ބައިވެރިވެގެން ނޫނީ މި އެއްބަސްވުން ކުރިއަށް ނުގެންދެވޭނެ ކަމަށް ރައީސް ގެންގުޅުއްވާ ސިޔާސަތަށް އެއްވެސް ބަދަލެއް ނާންނަ ކަމަށެވެ. "އަބްރަހަމް އެކޯޑްސް" އަކީ އިސްރާއީލާއި އަރަބި އަދި މުސްލިމް ގައުމުތަކާ ދެމެދު ގުޅުން ގާއިމުކުރުމަށް އެމެރިކާ މެދުވެރިވެގެން ވެފައިވާ އެއްބަސްވުންތަކެކެވެ.

މި އެއްބަސްވުންތަކަކީ 2020 އަދި 2021 ވަނަ އަހަރު އިސްރާއީލާއެކު ޔުނައިޓެޑް އަރަބް އެމިރޭޓްސް (ޔޫއޭއީ)، ބަހްރޭން، މޮރޮކޯ އަދި ސޫދާނުން ސޮއިކުރި އެއްބަސްވުންތަކެކެވެ.

މިދިޔަ ޖުލައި މަހު ސައުދީ ނިއުކްލިއާ އެއްބަސްވުން އެކުލަވާލިތާ މަދު ދުވަސްކޮޅެއްގެ ތެރޭގައި ޓްރަމްޕް ވަނީ، އެ އެއްބަސްވުން ތަންފީޒު ކުރުމުގެ ޝަރުތަކީ އިސްރާއީލާއެކު ގުޅުން ގާއިމުކުރުން ކަމަށް ކަނޑައަޅުއްވާފަ އެވެ. ޓްރަމްޕްގެ ފުރަތަމަ ދައުރުގައި ވެސް މިފަދަ އެއްބަސްވުމެއް އެކުލަވާލުމުގެ މަސައްކަތް ކުރެއްވި އެވެ.

ކުރީގެ ރައީސް ޖޯ ބައިޑަން ވެސް ވަނީ ނިއުކްލިއާ އެއްބަސްވުމެއް އެކުލަވާލުމަށް ބާރުއަޅުއްވައި، އެކަން އަބްރަހަމް އެކޯޑްސްއާ ގުޅުވަން މަސައްކަތް ކުރައްވާފަ އެވެ. ޑިޕްލޮމޭޓުން ގަބޫލުކުރި ގޮތުގައި 2023 ވަނަ އަހަރު ސައުދީން އިސްރާއީލާއެކު ގުޅުން ގާއިމުކުރުމާ ވަރަށް ގާތަށް ދިޔަ ނަމަވެސް، އޮކްޓޯބަރު 2023 ގައި އިސްރާއީލުން ގާޒާއަށް ދޭން ފެށި ހަމަލާތަކާ ގުޅިގެން އެ މަޝްވަރާތަކަށް ވަނީ ބަދަލުތަކެއް އައިސްފަ އެވެ.

ސައުދީ އަރަބިއްޔާއިން ބުނަމުންދަނީ އިސްރާއީލު ބަލައިގަނެވޭނީ ފަލަސްތީނުގެ މިނިވަން ދައުލަތެއް އުފެއްދުމަށްޓަކައި ސާފު މަގެއް ފެންނަން އޮތުމުން ކަމަށެވެ.

ކޮމެންޓް

ފަހުގެ ޚަބަރު

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

ކްރައިމިއާ ބްރިޖަށް ހަމަލާދީ ބޮޑު ބައެއް ވައްޓާލައިފި

ރަޝިއާއިން ހިފާފައިވާ ކްރައިމިއާއާ ގުޅުވައިދޭ މުހިންމު ބްރިޖަށް ޔޫކްރޭނުން ވަރުގަދަ ހަމަލާއެއްދީ، ބްރިޖުގެ ބޮޑު ބައެއް ކަނޑަށް ވައްޓާލައި ރަޝިއާގެ ސިފައިންނަށް ބޭނުންވާ މައިގަނޑު ސަޕްލައި މަގަށް ބޮޑު ހުރަހެއް ކުރިމަތިކުރުވައިފިއެވެ. މި ހަމަލާއާ ގުޅިގެން ރަޝިއާއިން ބަދަލުހިފުމުގެ ގޮތުން ޔޫކްރޭނުގެ ވެރިރަށް ކީވްގެ އިންފްރާސްޓްރަކްޗަރަށް އަމާޒުކޮށް ވަރުގަދަ ހަމަލާތަކެއް ދީފައިވާއިރު، މިއީ ދެ ގައުމުގެ ދެމެދުގައި އޮތް ހަނގުރާމަ އިތުރަށް ވަރުގަދަވެގެންދިޔަ ކަމެކެވެ.

ޓްރަމްޕް ފިލިޕީންސަށް ވަޑައިގެންފި

އެމެރިކާގެ ރައީސް ޑޮނަލްޑް ޓްރަމްޕް އޭޝިއާއަށް ކުރައްވާ ދަތުރުފުޅުގައި ފިލިޕީންސަށް ވަޑައިގެން، އިންޑިއާ، ޖަޕާން އަދި އޮސްޓްރޭލިއާ ހިމެނޭ ކުއަޑް ގްރޫޕުގެ ލީޑަރުންނާ ބައްދަލުކުރައްވައިފިއެވެ. މި ބައްދަލުވުމުގައި އިންޑޯ-ޕެސިފިކް ސަރަހައްދުގެ އަމާންކަމާއި ގުޅުން ބަދަހިކުރުމާ ގޮތުން މަޝްވަރާކުރެއްވިއިރު، އެމެރިކާގެ އަމާޒަކީ ޗައިނާގެ ނުފޫޒު ކުޑަކޮށް މި ގައުމުތަކާއެކު އޮންނަ އިގްތިސާދީ އަދި ޓެކްނޮލޮޖީގެ ގުޅުން ވަރުގަދަކުރުމެވެ.

ހަގިން ފޭސްއަށް ދިން ހަމަލާއާ ގުޅިގެން ދައުވާކޮށްފި

އެކަށީގެންވާ ރައްކާތެރިކަމުގެ ފިޔަވަޅުތަކެއް ނެތި އޭއައި މޮޑެލްތައް ތަރައްގީކޮށް އާންމުން ނުރައްކަލަށް ހުށަހެޅި ކަމަށް ބުނެ، ކެލިފޯނިއާގެ އެޓާނީ ޖެނެރަލް އޯޕަންއޭއައިއާ ދެކޮޅަށް ދައުވާ އުފުލައިފިއެވެ. މި ދައުވާގެ މައިގަނޑު އަސާސަކީ އޯޕަންއޭއައިގެ އެޖެންޓުންތަކެއް "ހަގިން ފޭސް" ގެ ނިޒާމަށް ވަދެ ދިން ހަމަލާއަކަށްވާއިރު، މިއީ އެމެރިކާގެ ސްޓޭޓަކުން އޭއައި ކުންފުންޏަކާ ދެކޮޅަށް ކުރި ފުރަތަމަ ދައުވާއެވެ.

އިންޑިއާ: އޭއައި ބޭނުންކޮށް ބިމާއި މަގުގެ މައްސަލަތަކަށް ހައްލު

އިންޑިއާގެ ސްޓާޓްއަޕްތަކުން އޭއައި ބޭނުންކޮށްގެން ބިމުގެ ރެކޯޑުތައް ބެލެހެއްޓުމާއި، މަގުތަކުގައި ހުންނަ ވަޅުގަނޑުތައް ދެނެގަތުން ފަދަ އިޖުތިމާއީ ބޮޑެތި މައްސަލަތަކަށް އަންނަނީ ހައްލު ހޯދައިދެމުންނެވެ. މީގެ އިތުރުން ސިއްހީ ދާއިރާގައި ލެބް ރިޕޯޓުތައް ތަރުޖަމާކުރުމާއި ބަލިމަޑުކަން ދެނެގަތުމަށް ވެސް މި ޓެކްނޮލޮޖީގެ އެހީގައި ލުއިފަސޭހަ ނިޒާމުތަކެއް ވަނީ ގާއިމުކޮށްފައެވެ.

Newsletter

Get the latest news delivered straight to your inbox