އައްޑޫ ސިޓީ ފޭދޫ ސްކޫލުގައި ކުރިއަށްދިޔަ ކޭމްޕެއްގައި ބައިވެރިވަމުންދިޔަ ގިނަ އަދަދެއްގެ ދަރިވަރުންތަކެއް ކާނާ ވިހަވެ، ފަރުވާ ދޭން ފަށައިފި އެވެ.
އަދަދު އަށް މައުލޫމާތު ލިބިފައިވާ ގޮތުގައި 31 ދަރިވަރަކަށް އަންނަނީ ފަރުވާ ދެމުންނެވެ. އޭގެ ތެރެއިން 12 ކުދިންނަށް މަރަދޫ ހެލްތު ސެންޓަރުގައި ފަރުވާ ދެމުން އަންނައިރު ފޭދޫ ހެލްތު ސެންޓަރުގައި ވެސް އަންނަނީ 12 ކުދިންނަށް ފަރުވާ ދެމުންނެވެ. ބާކީ ހަތް ކުދިންނަށް ފަރުވާ ދެމުން އަންނަނީ އައްޑޫ އިކުއެޓޯރިއަލް ހޮސްޕިޓަލުގަ އެވެ.
އެ ކުދިން ކާނާ ވިހަވުމަށް މެދުވެރިވީ ކޮން އެއްޗެއް ކައިގެން ކަމެއް މިހާތަނަށް އެނގިފައެއް ނުވެ އެވެ. އަދަދު އަށް މައުލޫމާތު ލިބިފައިވާ ގޮތުގައި ހުރިހާ ދަރިވަރުންގެ ހާލު ވެސް އަންނަނީ ރަނގަޅުވަމުންނެވެ.
Advertisement
