އިންފޮމޭޝަން ކޮމިޝަނަރުގެ މަގާމަށް އައްޔަނުކުރުމަށް އަބްދުލްއަޒީޒް ޖަމާލު އަބޫބަކުރުގެ ނަން ރައީސުލްޖުމްހޫރިއްޔާ މުހައްމަދު މުއިއްޒު ރައްޔިތުންގެ މަޖިލީހަށް މިއަދު ފޮނުވައިފި އެވެ.
އަބްދުލް އަޒީޒް ޖަމާލު އަބޫބަކުރު، މާޒީ، ލ. މާވަށް އަކީ ރާއްޖޭގެ ފުރަތަމަ އިންފޮމޭޝަން ކޮމިޝަނަރެވެ. އޭނާ އެ މަގާމު 2014 ވަނަ އަހަރުން 2019 ވަނަ އަހަރުގެ ނިޔަލަށެވެ.
އަބްދުލްއަޒީޒް ޖަމާލު އަބޫބަކުރު މި ވަގުތު ހުންނެވީ މި ސަރުކާރުގެ ހެރިޓޭޖް މިނިސްޓްރީގެ ސްޓޭޓް މިނިސްޓަރެއްގެ މަގާމުގަ އެވެ.
އިންފޮމޭޝަން ކޮމިޝަނަރުގެ މަގާމަށް ބޭފުޅަކު އައްޔަނުކުރަން މަޖިލީހަށް ނަމެއް މުއިއްޒު ފޮނުއްވާފައި މިވަނީ އެ މަގާމުގައި މިހާރު ހުންނެވި، އަހުމަދު އާހިދު ރަޝީދުގެ މަގާމު ސެޕްޓެމްބަރު 6، ގެ ނިޔަލަށް ހަމަވާތީ އެވެ.
ރައީސް އޮފީހުން އާރްޓީއައި ގާނޫނު "މިސްޔޫޒް" ކުރާ ކަމަށް އާހިދު ވިދާޅުވެއްޖެ
މައުލޫމާތު ހޯދައި ލިބިގަތުމުގެ ގާނޫނުގައިވާ މުއްދަތުތަކަށް ރައީސް އޮފީހުން އިހުތިރާމު ނުކުރާތީ، އެ އޮފީހުން ގާނޫނު "މިސް ޔޫޒް" ކުރާ ކަމަށް އިންފޮމޭޝަން ކޮމިޝަނަރު އަހުމަދު އާހިދު ވިދާޅުވެއްޖެ. އާހިދު ފާހަގަކުރެއްވި ގޮތުގައި ރައީސް އޮފީހަކީ މިއަހަރުގެ މިހާތަނަށް މައުލޫމާތު ނުދީގެން އެންމެ ގިނައިން ޝަކުވާ ހުށަހެޅިފައިވާ އިދާރާ.
އިންފޮމޭޝަން ކޮމިޝަނަރުގެ މަގާމަށް އައްޔަނުކުރަން މި ސަރުކާރުގެ އިސް މަގާމެއްގައި ހުންނެވި އަބްދުލްއަޒީޒު ޖަމާލު އަބޫބަކުރުގެ ނަން މުއިއްޒު މަޖިލީހަށް ފޮނުއްވާފައިވާއިރު، ދައުލަތުގެ ވުޒާރާތަކުންނާއި ރައީސް އޮފީހުން މައުލޫމާތު ހާމަުނުކުރާ މައްސަލަ ވަނީ ބޮޑުވެފަ އެވެ.
އެގޮތުން، މައުލޫމާތު ހޯދައި ލިބިގަތުމުގެ ގާނޫނުގެ ދަށުން ރައީސް އޮފީހުން ހޯދަން އެދޭ މައުލޫމާތުތައް ފޯރުކޮށްދޭން ދޭ މުއްދަތުގައި އެ މައުލޫމާތުތައް ފޯރުކޮށްނުދޭ މައްަސަލައިގައި މިދިޔަ ޖުލައި 13، ގައި ވަނީ އެ އޮފީސް ޖޫރިމަނާކޮށްފަ އެވެ.
އާހިދު ވިދާޅުވީ ރައީސް އޮފީހުން މައުލޫމާތު ފޯރުކޮށްނުދީގެން ބާއްވާ ފުރަތަމަ އަޑުއެހުންތަކުގައި މައުލޫމާތު ފޯރުކޮށްދޭން އަންގާ މުއްދަތުތަކުގައި އެ މައުލޫމާތު ފޯރުކޮށްނުދިނުމަކީ އިންފޮމޭޝަން ކޮމިޝަނަރުގެ ވާޖިބަށް ހުރަސްއެޅޭފަދަ އަމަލެއް ކަމަށެވެ.
