މެކްސިކޯގެ އިންފްލުއެންސަރަކު ލައިވްކުރަމުން ދަނިކޮށް ބަޑިޖަހައި މަރާލައިފި

Aug 6, 2026, 7:00 AM
ފޮޓޯ: އިންސްޓަގްރާމް

ފޮޓޯ: އިންސްޓަގްރާމް

މެކްސިކޯގެ މަޝްހޫރު ސޯޝަލް މީޑިއާ އިންފްލުއެންސަރެއް ކަމަށްވާ ސީޒާ ގަސްޓެލުމް، ޓިކްޓޮކްގައި ލައިވްކުރަމުން ދަނިކޮށް ބަޑިޖަހައި މަރާލައިފި އެވެ.

އަންގާރަ ދުވަހުގެ ހަވީރުގެ ވަގުތެއްގައި ގަސްޓެލުމް އޭނާގެ ދެ އެކުވެރިންނާއެކު، މެކްސިކޯގެ އުތުރުގެ ސިޓީއެއް ކަމަށްވާ ކުލިއަކާންގެ ޓްރެސް ރިއޯސްގައި ހުންނަ ފާސްޓް ފުޑް ރެސްޓޯރަންޓެއްގެ ބޭރުގައި ވީޑިއޯ ނަގަން ހުއްޓާ، ސައިކަލެއްގައި އައި ދެ މީހަކު ވަނީ އޭނާއާ ދިމާލަށް ކައިރިން ބަޑިޖަހާފަ އެވެ.

ޓިކްޓޮކްގައި ބައި މިލިއަނަށްވުރެ ގިނަ ފޮލޯވަރުން ތިބޭ ގަސްޓެލުމް އަކީ އާންމުކޮށް މަޖާ ވީޑިއޯތައް ގެނެސްދޭ ފަރާތެކެވެ.

މިއީ މެކްސިކޯގައި ސޯޝަލް މީޑިއާ އިންފްލުއެންސަރަކު މަރާލި ފުރަތަމަ ފަހަރެއް ނޫނެވެ. މިދިޔަ އަހަރުގެ ތެރޭގައި ވެސް އުމުރުން 23 އަހަރުގެ ވަލޭރިއާ މާކޭޒް ނަމަކަށް ކިޔާ އިންފްލުއެންސަރަކު، ބިއުޓީ ސަލޫނެއްގައި ހުރެ ޓިކްޓޮކް ލައިވް ކުރަމުން ދަނިކޮށް ވަނީ ބަޑިޖަހައި މަރާލާފަ އެވެ.

ގަސްޓެލުމް މަރާލި ވަގުތު އޭނާ އާއި އޭނާގެ އެކުވެރިން ތިބީ ޑެލިވަރީ ކުރާ މީހުން އާންމުކޮށް ބޭނުންކުރާ ފަދަ އޮރެންޖު ކުލައިގެ ކޯޓާއި ދަބަސް އަޅައިގެންނެވެ.

މެކްސިކޯގެ މީޑިއާތަކުން ރިޕޯޓްކޮށްފައިވާ ގޮތުގައި، އެމީހުން ތިބި ހެދުމުގެ ސަބަބުން ފުރަތަމަ ފުލުހުންނަށް ހީވީ އެއީ ޑެލިވަރީ ކުރާ މީހެއް ކަމަށެވެ. ނަމަވެސް ފަހުން އޭނާގެ ވަނަވަރު ކަމާބެހޭ ފަރާތްތަކަށް ވަނީ އެނގިފަ އެވެ.

މި ހާދިސާއާ ގުޅިގެން މިހާތަނަށް އެއްވެސް މީހަކު ހައްޔަރުކޮށްފައި ނުވާއިރު، ސައިކަލުގައި އައި ދެ މީހުން ވަނީ އެ ސަރަހައްދުން ފިލާފަ އެވެ.

ގަސްޓެލުމްއަށް މީގެ ކުރިން އެއްވެސް ކަހަލަ އިންޒާރެއް ލިބިފައިވޭތޯ އަދި ސާފެއް ނުވެ އެވެ.

އޭނާގެ އިންސްޓަގްރާމް އެކައުންޓަށް ބަލާއިރު، އޭނާ ކުރާ ދަތުރުތަކާއި، ރޭގަނޑުގެ ވަގުތުތަކުގައި ބޭރަށް ގޮސް އުޅޭ ފޮޓޯތަކުގެ އިތުރުން އަގުބޮޑު ކާރުތަކުގެ ކުރިމަތީގައި ނަގާފައިވާ ފޮޓޯތައް އާންމުކޮށް ހިއްސާކުރެ އެވެ.

އޭނާ ހިއްސާކޮށްފައިވާ އެއް ފޮޓޯއަކުން ފެންނަނީ "އެލް ގޯޑޯ ޕެރޫސީ" ގެ ނަމުން މަޝްހޫރުވި އިންފްލުއެންސަރު ލިއޯބާޑޯ އައިސްޕޫރޯގެ މަހާނަ ކައިރީގައި ހުއްޓަ އެވެ.

އައިސްޕޫރޯ ބަޑިޖަހައި މަރާލާފައިވަނީ 2024 ވަނަ އަހަރުގެ ޑިސެމްބަރު މަހުގެ ތެރޭގަ އެވެ. ފުލުހުން ބުނާ ގޮތުގައި އެ މަރަކީ ސިނަލޯއާ ކާޓެލްގެ ދެ ފެކްޝަނެއްގެ މެދުގައި އޮތް ދެކޮޅުވެރިކަމާ ގުޅުންހުރި މަރެކެވެ.

ކޮމެންޓް

ފަހުގެ ޚަބަރު

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

ގްލެޑިއޭޓާ 2" ގެ ސެޓުގައި ހިނގި ހާދިސާއަކާ ގުޅިގެން ކޯޓަށް

"ގްލެޑިއޭޓާ 2" ގެ މަންޒަރެއް ކުޅެމުން ދަނިކޮށް ހިނގި އަލިފާނުގެ ހާދިސާއެއްގައި ހަށިގަނޑުގެ 15 އިންސައްތަ ފިހުނު އެކްޓަރަކު، ފިލްމު އުފެއްދި ކުންފުންޏާ ދެކޮޅަށް ކޯޓުގައި ދައުވާކޮށްފިއެވެ. މި ހާދިސާގެ ޒިންމާ ފިލްމީ ކުންފުނިން އުފުލި ނަމަވެސް، ލިބުނު އަނިޔާތަކަށް ބަދަލުގެ ގޮތުގައި އެދިފައިވާ 200،000 ޕައުންޑް ދިނުމަށް އެ ކުންފުނިން ވަނީ އިންކާރުކޮށްފައެވެ.

ދިގުވާހަކަ: ބުނާށޭ ލޯބި ނުވަނީހޭ

މި ވާހަކައިގައި ކިޔައިދެނީ އިވާން އާއި މައިރާގެ މެދުގައި ހިނގި ލޯބިވެތި ވަގުތުކޮޅެއްގެ ވާހަކައެވެ. ނަމަވެސް، ކޮޓަރީގެ ބޭރުން ނަދާލް ގޮވައިލި އަޑަށް އެ ދެމީހުންގެ ހަރަކާތްތަކަށް ހުއްޓުމެއް އައިސް، މައިރާ ނަދާލަށް ޖަވާބުދީ އެތަނުން ދާން މަސައްކަތް ކުރެއެވެ.

ދުނިޔެ ވަށާ ހިނގުމުގައި 28 އަހަރު ހޭދަކުރި މީހެއް އެނބުރި ގެއަށް

ދުނިޔެ ވަށައި ހިނގުމަށް 28 އަހަރު ދުވަހު 31،000 މޭލުގެ ދަތުރެއް ކުރި އިނގިރޭސިވިލާތުގެ ކާލް ބުޝްބީ، އޭނާގެ ދަތުރު ނިންމާލުމަށްފަހު އެނބުރި ގައުމަށް ގޮސްފިއެވެ. އަމިއްލަ ބާރުގައި އެކި ބައްރުތަކާއި ކަނޑުއޮޅިތައް ހުރަސްކޮށް އޭނާ ކުރި މި ދަތުރު ނިންމާލުމުން، އާއިލާ އާއި ގިނަ އަދަދެއްގެ ބަޔަކު ވަނީ އޭނާއަށް ހޫނު މަރުހަބާއެއް ކިޔާފައެވެ.

ޖަޕާނުގެ ބޮޑީބިލްޑަރެއް އުމުރުން 90 އަހަރުގައި ވެސް ސްޓޭޖަށް

ޖަޕާނުގެ އުމުރުން 90 އަހަރުގެ ޓޮޝިސުކޭ ކަނަޒާވާ، ސްޕެއިންގައި ބޭއްވި ބޮޑީބިލްޑިން މުބާރާތެއްގައި ވާދަކޮށް، އުމުރަކީ ދުޅަހެޔޮކަމަށް އޮތް ހުރަހެއް ނޫންކަން ސާބިތުކޮށްދީފިއެވެ. އޭނާގެ ދުޅަހެޔޮކަމުގެ ސިއްރަކީ ޖަޕާނުގެ ސަގާފީ ކެއުންތައް ކަމަށްވާ ބްރައުން ރައިސް އާއި މިސޯ ސޫޕް ފަދަ ތަކެތި ބޭނުންކުރުން ކަމަށްވާއިރު، އޭނާގެ އަމާޒަކީ އުމުރުން 93 އަހަރުގައިވެސް މުބާރާތެއްގައި ވާދަކުރުމެވެ.

Newsletter

Get the latest news delivered straight to your inbox