ރެފްރީ އެންތަނީ ޓޭލާ ތުރުކީ ފުޓްބޯޅަ ފެޑެރޭޝަނާ ގުޅިއްޖެ

Aug 4, 2026, 8:33 PM
ރެފްރީ އެންތަނީ ޓޭލާ: އޭނާ ވަނީ ތުރުކީ ފުޓްބޯޅަ ފެޑެރޭޝަންގެ ރެފްރީސް ޑިރެކްޓަރު ކަމާ ހަވާލުވެފައި.

ރެފްރީ އެންތަނީ ޓޭލާ: އޭނާ ވަނީ ތުރުކީ ފުޓްބޯޅަ ފެޑެރޭޝަންގެ ރެފްރީސް ޑިރެކްޓަރު ކަމާ ހަވާލުވެފައި.

އިސްތަންބޫލް، ތުރުކީ (އޮގަސްޓް 4) - ދާދި ފަހުން ރެފްރީކަމުން ރިޓަޔާކުރި އިންގްލެންޑްގެ ތަޖުރިބާކާރު ރެފްރީ، އެންތަނީ ޓޭލާ، ތުރުކީ ފުޓްބޯޅަ ފެޑެރޭޝަންގެ ޑިރެކްޓާ އޮފް އެލީޓް ރެފްރީންގެ ޒިންމާއާ ހަވާލުވެއްޖެ އެވެ. 

ރެފްރީކަން ކުރުމުގައި 20 އަހަރު ހޭދަކުރި، އުމުރުން 47 އަހަރުގެ ޓޭލާ ވަނީ މި ފަހަރުގެ ފީފާ ވޯލްޑް ކަޕްގައި އިންސާފުކުރުމަށް ފަހު، ރެފްރީކަން ކުރުމުން ރިޓަޔާކޮށްފަ އެވެ. އެ ގޮތުން، ރެފްރީކަން ކުރުމުގައި ހަރަކާތްތެރިވިއިރު، ޓޭލާ ވަނީ ޖުމްލަ އެކު، 831 މެޗުގައި ރެފްރީކަން ކޮށްފަ އެވެ.

އިނގިރޭސި ޕްރިމިއާ ލީގުގެ ރެފްރީއެއްގެ ގޮުގައި، 2010 ވަނަ އަހަރު ޕްރޮމޯޓްވި ޓޭލާ ވަނީ 16 ސީޒަން ފުރިހަމަކުރިއިރު، 432 މެޗުގައި ރެފްރީކަން ކޮށްފަ އެވެ. އިނގިރޭސި ފުޓްބޯޅައިގައި ޓޭލާ އިންސާފުކުރި ފައިނަލް މެޗުތަކުގެ ތެރޭގައި، 2017 އާއި 2020 ވަނަ އަހަރުގެ އެފްއޭ ކަޕް ފައިނަލާއި 2015 ވަނަ އަހަރުގެ ލީގު ކަޕް ފައިނަލް ހިމެނެ އެވެ. އެންމެ ފަހުން، ރެފްރީކަން ކުރި މެޗަކީ، މި ނިމިދިޔަ ފީފާ ވޯލްޑް ކަޕްގެ ގަދަ 16 ބުރުގައި، ޕޯޗުގަލް އަތުން 1-0 އިން ސްޕެއިން މޮޅުވި މެޗުގަ އެވެ. 

Advertisement
ރެފްރީ އެންތަނީ ޓޭލާ، ވޯލްޑް ކަޕްގައި ޕޯޗުގަލް އާއި ސްޕެއިން ކުޅުނު މެޗުގެ ތެރެއިން: އޭނާ ވަނީ ތުރުކީ ފުޓްބޯޅަ ފެޑެރޭޝަންގެ ރެފްރީސް ޑިރެކްޓަރު ކަމާ ހަވާލުވެފައި.
ރެފްރީ އެންތަނީ ޓޭލާ، ވޯލްޑް ކަޕްގައި ޕޯޗުގަލް އާއި ސްޕެއިން ކުޅުނު މެޗުގެ ތެރެއިން: އޭނާ ވަނީ ތުރުކީ ފުޓްބޯޅަ ފެޑެރޭޝަންގެ ރެފްރީސް ޑިރެކްޓަރު ކަމާ ހަވާލުވެފައި.

ތުރުކީ ފުޓްބޯޅަ ފެޑެރޭޝަނުން، ޓޭލާ ހަމަޖައްސާފައިވާ ޑިރެކްޓާ އޮފް އެލީޓް ރެފްރީންގެ ޒިންމާތަކުގެ ތެރޭގައި، ތުރުކީގެ ސުޕަ ލީގުގެ މެޗުތަކުގައި ރެފްރީންގެ ކަންކަން އެސެސް ކުރުމުގެ އިތުރުން، ބައިނަލްއަގުަވާމީ ލެވަލްގައި ހަރަކާތްތެރިވާ ތުރުކީގެ ރެފްރީންގެ ނިސްބަތް އިތުރުކުރެވޭނެ ގޮތަކަށް، ތުުރުކީގެ ރެފްރީންގެ ޑިވެލޮޕްމަންޓްގެ ޕްލޭނެއް އެކުލަވާލުން ހިމެނެ އެވެ. 

އެންމެ މުހިންމު ކަމެއްގެ ގޮތުގައި، ދުނިޔޭގެ މައި ފުޓްބޯޅަ އިދާރާ، ފީފާ އާއި ޔޫރަޕްގެ ފުޓްބޯޅަ ޖަމިއްޔާ، ޔުއެފާ އިން ބަލައިގެންނަ މިންގަނޑަށް ހޮވޭ ތުރުކީގެ ރެފްރީންގެ އަދަދު އިތުރުކުރުމަކީ ވެސް ޓޭލާ އަށް ތުރުކީ ފުޓްބޯޅަ ފެޑެރޭޝަނުން ދީފައިވާ ޒިންމާ އެކެވެ. 

ފީފާގެ ރެފްރީއެއްގެ ގޮތުގައި ޓޭލާ ވަނީ 14 އަހަރު ފުރިހަމަކޮށްފަ އެވެ. އެ މުއްދަތުގައި އޭނާ ވަނީ ދެ ފީފާ ވޯލްޑް ކަޕާއި ދެ ޔޫރޯ ފުޓްބޯޅަ މުބާރާތާއި ދެ ފީފާ ކްލަބް ވޯލްޑް ކަޕްގައި މަސައްކަތްކޮށްފަ އެވެ. ވޯލްޑް ކަޕަށް ބަލާއިރު، 2022 ވަނަ އަހަރު ގަތަރުގައި ބޭއްވި ވޯލްޑް ކަޕާއި މި ފަހަރު އެމެރިކާ، މެކްސިކޯ އަދި ކެނަޑާގައި ބޭއްވި ވޯލްޑް ކަޕްގަ އެވެ. ޔޫރޯގައި އެންމެ ފަހުން، 2021 އާއި 2024 ވަނަ އަހަރު ބޭއްވި މުބާރާތުގަ އެވެ. ކްލަބް ވޯލްޑް ކަޕްގައި 2022 އާއި މިދިޔަ އަހަރު ބޭއްވި މުބާރާތުގަ އެވެ. 

ކޮމެންޓް

ފަހުގެ ޚަބަރު

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

އެފްއޭއެމްގެ އޮފިޝަލެއް ނެތް، ޓްރޮފީއާ ހަވާލުވީ ނޫސްވެރިއެއް!

ބަންގްލަދޭޝްގައި ބޭއްވި ސާފް ޗެމްޕިއަންޝިޕްގެ ފެއާ ޕްލޭ ޓްރޮފީ ރާއްޖެއަށް ލިބުނުއިރު، އެފްއޭއެމްގެ އޮފިޝަލަކު ނެތުމުން އެއާ ހަވާލުވީ ދިވެހި ނޫސްވެރިއެއް. އެފްއޭއެމް އިން ބުނި ގޮތުގައި ޓްރޮފީ ލިބޭކަން ސާފް އިން އެންގީ ވަރަށް ކުޑަ ވަގުތުކޮޅެއް އޮއްވާ ކަމަށާއި، ނޫސްވެރިއަކު ސްޓޭޖަށް އެރީ ސާފްގެ އޮފިޝަލުން އެދިގެން

އިންފަންޓީނޯގެ ޝަރުތު ހަމަވޭތޯ ގާނޫނީ ގޮތުން ބެލި

ފީފާގެ ރައީސްކަމަށް ހަތަރުވަނަ ދައުރަކަށް ކުރިމަތިލައްވާފައިވާ ޖިއާނީ އިންފަންޓީނޯގެ ޝަރުތު ހަމަވޭތޯ އިނގިރޭސި އެފްއޭއިން ގާނޫނީ ގޮތުން ބަލައިފި. ފީފާ ކައުންސިލުން ނިންމާފައިވަނީ އިންފަންޓީނޯގެ ފުރަތަމަ ދައުރަކީ ބާކީ އޮތް މުއްދަތެއް ފުރިހަމަކުރުން ކަމަށްވާތީ، އޭނާއަށް އިތުރު ދައުރަކަށް ކުރިމަތިލެވޭނެ ކަމަށް

އުމުރުން 38 އަހަރުގައި މަޓާ ފުޓްބޯޅަ ކުޅުން ހުއްޓާލައިފި

ސްޕެއިނާއެކު ވޯލްޑް ކަޕާއި ޔޫރޯ ކާމިޔާބުކޮށް، ޗެލްސީ އާއި މެންޗެސްޓާ ޔުނައިޓެޑް ފަދަ ބޮޑެތި ކްލަބްތަކަށް ކުޅުނު ހުއާން މަޓާ އުމުރުން 38 އަހަރުގައި ފުޓްބޯޅަ ކުޅުން ހުއްޓާލައިފިއެވެ. ކުޅުމުން ރިޓަޔާކުރި ނަމަވެސް، ކުރިއަށް އޮތް ތަނުގައިވެސް ފުޓްބޯޅައިގެ ދާއިރާއިން ފެންނާނެ ކަމަށް އޭނާ ވަނީ ބުނެފައެވެ.

ޕާކިސްތާން ފުޓްބޯޅަ ކުރިއަރާނީ ޕްރޮފެޝަނަލް ލީގެއް އޮވެގެން

ޕާކިސްތާން ފުޓްބޯޅަ ކުރިއެރުވުމަށްޓަކައި އެ ގައުމުގައި ވަރުގަދަ ޕްރޮފެޝަނަލް ލީގެއް އޮތުން މުހިންމު ކަމަށް ގައުމީ ކޯޗު ނޮލްބާޓޯ ސޮލާނޯ ބުނެފި. އޭނާ ފާހަގަކުރި ގޮތުގައި ހަމައެކަނި ބޭރުގައި ކުޅޭ ކުޅުންތެރިންނަށް ބަރޯސާވުމުގެ ބަދަލުގައި، ލޯކަލް ކުޅުންތެރިން ކުރިއެރުވޭނީ ގަވާއިދުން ކުޅޭނެ ލީގެއް އޮވެގެން

Newsletter

Get the latest news delivered straight to your inbox