އަދަދު ނޫހުން އުފެއްދި "އައިޝާ" ޑޮކިއުމެންޓްރީގެ ވާހަކަ ދެއްކުން ހުއްޓުވުމަށް ކްރިމިނަލް ކޯޓުން ނެރުނު އަމުރާ ގުޅޭ ހަބަރެއް ލިޔުނު މި ނޫހުގެ ނޫސްވެރިޔާ ލީވާން އަލީ ނާސިރު އާއި ރައީސް މުހައްމަދު މުއިއްޒު އާ ސުވަލުކުރުމުން ނޫސްވެރިޔާ މުހައްމަދު ޝަހުޒާނަށް އިއްވި ޖަލު ހުކުމުގެ އިސްތިއުނާފު އަޑުއެހުން ހައި ކޯޓުން ސިއްރުކޮށްފި އެވެ.
ޝަހުޒަން އާއި ލީވާންގެ ފަރާތުން ހައި ކޯޓުގައި އިސްތިއުނާފުކުރި އެ މައްސަލައިގެ އަޑުއެހުން ތާވަލުކޮށްފައިވަނީ މިއަދު ހެނދުނު ހެނދުނު 10:15 އަށެވެ.
ހައި ކޯޓުގެ ވެބްސައިޓުގައި އެ އަޑުއެހުން ސިއްރު ކަމަށް ލިޔެފައިނެތެވެ. ނަމަވެސް ކޯޓުގެ އިންފޮމެޝަން އޮފިސަރު އަމީން ފައިސަލް ވިދާޅުވީ އަޑުއެހުން ސިއްރުކުރަން ނިންމާފައިވާ ކަމަށެވެ.
ޝަހުޒާން 15 ދުވަހަށް ޖަލަށް ލުމަށް އަދި ލީވާން 10 ދުވަހަށް ޖަލަށް ލުމަށް، މޭ 11 ވަނަ ދުވަހު ކްރިމިނަލް ކޯޓުން ހުކުމްކުރީ އަވަސް އަރުވާލައިގެން ބޭއްވި ސިއްރު އަޑުއެހުމެއްގަ އެވެ.
އަޑުއެހުމުގެ އިސްތިއުނާފު ފަށާއިރު ދެ ނޫސްވެރިން ވެސް ތިބީ ޖަލުގެ މުއްދަތު ހަމަކޮށް މިނިވަންވެފަ އެވެ. އެ ދެ ނޫސްވެރިން ޖަލަށް ލުމުގެ އިތުރުން ޖޫރިމަނާ ވެސް ކުރި އެވެ. ލީވާން ޖޫރިމަނާ ކުރީ 28،800ރ އިންނެވެ. ޝަހުޒާން ކުރީ 26،800ރ އިންނެވެ.
