ފޭސްބުކް އާއި އިންސްޓަގްރާމަށް މައްސަލައެއް ޖެހި، އެ ދެ ސޯޝަލް މީޑިއާ ޕްލެޓްފޯމަށް ނުވަދެވޭ ކަމަށް ދުނިޔޭގެ އެކި ހިސާބުތަކުން ރިޕޯޓު ކުރަން ފަށައިފި އެވެ.
ފޭސްބުކަށް ދިމާވެގެން އުޅެނީ ލޮގިން ކުރުމުގެ މައްސަލައެކެވެ. މައްސަލަ ޖެހިފައިވަނީ ޑެސްކްޓޮޕް ވާޝަންގަ އެވެ. އިންސްޓަގްރަމްގައި ފީޑް ލޯޑުނުވާ މައްސަލައެއް
ވެބްސައިޓްތަކުގެ ހާލަތާ ބެހޭ އެންމެ ފަހުގެ މައުލޫމާތު ވަގުތުން ފޯރުކޮށްދޭ އޮންލައިން ޕްލެޓްފޯމެއް ކަމަށްވާ "ޑައުންޑިޓެކްޓަރ" އިން ދައްކާ ގޮތުގައި، އާދިއްތަ ދުވަހުގެ ހެނދުނުން ފެށިގެން ފޭސްބުކް ބޭނުންކުރާ ގިނަ އަދަދެއްގެ މީހުން ވަނީ މައްސަލަތައް ރިޕޯޓްކޮށްފަ އެވެ.
އޭގެ އިތުރުން،ފޭސްބުކް މެސެންޖާ އަދި އިންސްޓަގްރާމް ބޭނުންކުރުމުގައި ދިމާވި މައްސަލަތައް ރިޕޯޓްކުރި މިންވަރު ވެސް އާދަޔާ ހިލަޔަށް އިތުރުވެފައިވާ ކަމަށް އެ ސައިޓުން ދައްކަ އެވެ.
އެ މައްސަލަ ހައްލު ކުރުމުގެ މަސައްކަތްތައް މިހާރު ކުރަމުން އަންނަ ކަމަށް މެޓައިން ވަނީ ހާމަކޮށްފަ އެވެ.
