ރާއްޖޭގައި ކުޅިވަރު ސާމާނު ވިއްކުމުގައި މަޝްހޫރު ސޮނީ ސްޕޯޓްސްއިން ކޮންމެ އަހަރަކު ކުރިއަށްގެންދާ "ފައްކާ ހަފުތާ" ޕްރޮމޯޝަން ފެށިއްޖެ އެވެ.
ގިނަ ބަޔަކު އިންތިޒާރުކުރާ މި ޕްރޮމޯޝަން ކުރިއަށް ދާނީ ޖުލައި 1-10 ގެ ނިޔަލަށް ޖަނަވަރީ މަގުގައި ހުންނަ ސޮނީ ސްޕޯޓްސްގެ ފިހާރައިގަ އެވެ.
ސޮނީ ސްޕޯޓްސް އިން ބުނީ ފައްކާ ހަފުތާ ޕްރޮމޯޝަންގައި ދުނިޔޭގެ މަޝްހޫރު ބްރޭންޑްތައް ކަމަށްވާ ނައިކީ އާއި އެޑިޑާސް ފަދަ ބްރޭންޑްތަކުގެ ބޫޓާއި، ހެދުމާއި، އަދި ކުޅިވަރުގެ އެކި ސާމާނުން ބޮޑު ޑިސްކައުންޓެއް ލިބޭނެ ކަމަށެވެ.
ހޮވާލެވޭ ބައެއް ތަކެތިން 80 ޕަސަންޓާ ހަމައަށް ޑިސްކައުންޓް ލިބޭނެ ކަމަށް ފާހަގަކޮށް ސޮނީ ސްޕޯޓްސް އިން ބުނީ މިއީ ކުޅިވަރުގެ ސާމާނާއި ފެޝަންގެ އުފެއްދުންތަކަށް ލޯބިކުރާ މީހުންނަށް ލިބޭނެ ރަނުގެ ފުރުސަތެއް ކަމަށެވެ.
ކަސްޓަމަރުންނަށް ބޭނުންވާ ތަމްރީނު ބޫޓުތަކާއި، ކުޅިވަރު ކުޅޭއިރު ބޭނުންކުރާ ހާއްސަ ހެދުންތަކުގެ އިތުރުން، އާންމު ދިރިއުޅުމުގައި ބޭނުންކުރާނެ ސްނީކާސް ފަދަ ތަކެތި މި ސޭލްގެ ތެރެއިން ލިބެން ހުންނާނެ ކަމަށްވެސް ސޮނީ ސްޕޯޓްސް އިން ބުންޏެވެ.
ސޮނީ ސްޕޯޓްސް އިން މިދިޔަ އަހަރު ފައްކާ ހަފްތާ ޕްރޮމޯޝަން ދެ ފަހަރެއްގެ މަތިން ކުރިއަށް ގެންދިޔަ އެވެ. އެ ދެފަހަރުވެސް ޕްރޮމޯޝަނަށް ބޮޑު ތަރުހީބެއް ލިބުނުކަން ފާހަގަކުރެވެ އެވެ.
ސޮނީ ސްޕޯޓްސްއަކީ ރާއްޖޭގައި ކުޅިވަރާއި ދުޅަހެޔޮކަމުގެ ސާމާނު ފޯރުކޮށްދިނުމުގައި ގިނަ ދުވަސްތަކެއް ވަންދެން އިތުބާރު ހޯދާފައިވާ ކުންފުންޏެކެވެ. ފައްކާ ހަފްތާގެ މަގްސަދަކީ ކަސްޓަމަރުންނަށް އެންމެ ފެންވަރު ރަނގަޅު އުފެއްދުންތައް އެންމެ ހެޔޮ އަގުގައި ފޯރުކޮށްދިނުން ކަމަށް އެ ފިހާރައިން ބުންޏެވެ.
