ހިތަދޫ އުތުރު ދާއިރާގެ ބައި-އިލެކްޝަން ކާމިޔާބުކުރެއްވި އަބްދުﷲ ސޯދިގު (ސޯބެ) ގެ ކެމްޕޭނުގައި ހަރަކާތްތެރިވި ހިތަދޫ ޕޯޓް ލިމިޓެޑުގެ ދެ މުވައްޒަފުން ވަޒީފާއިން ވަކިކޮށްފި އެވެ.
މިއަދު ވަޒީފާއިން ވަކި ކޮށްފައި ވަނީ އެ ކުންފުނީގައި ހަ އަހަރާއި ހަ މަސްދުވަހު ވަޒީފާ އަދާކުރި މުހައްމަދު އާރިފް އާއި ހަތަރު އަހަރާއި ހަތް މަސްދުވަހު އެ ކުންފުނީގައި ވަޒީފާ އަދާކުރި އަހުމަދު ޝިރުހާން އެވެ. އާރިފްއަކީ ސޯބެއާ އާއިލީ ގުޅުން އޮންނަ މީހެކެވެ.
މިއަދު ވަޒީފާއިން ވަކިކުރި އާރިފްއަކީ އެޗްޕީއެލްގެ ސީނިއާ ސެކިއުރިޓީ އޮފިސަރެކެވެ. ޝިރުހާންއަކީ އެސިސްޓެންޓް މެނޭޖަރެކެވެ.
އަދަދު އާ ވާހަކަ ދައްކަމުން އާރިފް ބުނީ، ވަޒީފާއިން ވަކިކުރިކަން އެންގީ މިއަދު ހެނދުނު ކަމަށެވެ.
"ރޭގައި އަޅުގަނޑު ނައިޓް ޑިއުޓީގައި ހުރީ، ޑިއުޓީ ނިންމާފައި ހެނދުނު ގެއަށް ދާން ނައްޓާލިތަނާ ގުޅާފައި ބުނީ، އަޅުގަނޑު ނުދަން ޗިޓާ ހަވާލުވާކަށް، އެހެން މީހަކު މެދުވެރިކޮށް ހަވާލުވީ،" އާރިފް ބުންޏެވެ.
ސޯބެގެ ކެމްޕެއިންގައި އުޅުނު މީހުން ވަޒީފާތަކުން ވަކިކުރަނީ
ހިތަދޫ އުތުރު ދާއިރާގެ ބައި-އިލެކްޝަން ކާމިޔާބުކުރެއްވި އަބްދުﷲ ސޯދިގު (ސޯބެ) އަށް ތާއީދުކުރި ބައެއް މީހުން ސަރުކާރުގެ ވަޒީފާތަކުން ވަކިކުރަން ފަށާފައިވާއިރު، މީގެ ތެރޭގައި ސްޓެލްކޯގެ ވަޒީފާއިން ވަކިކުރި މަހުފޫޒު ހުސްނީ ހިމެނޭ. އޭނާ ވަކިކުރި ސަބަބެއްގެ ގޮތުގައި ބަޔާންކޮށްފައިވަނީ ޕީސީބީން ޚަރަދު ކުޑަކުރުމަށް ނެރެފައިވާ ސާކިއުލާއަށް.
އެޗްޕީއެލްގެ ވަޒީފާއިން އޭނާ ވަކިކުރީ ކީއްވެތޯ ސުވާލުކުރުމުން، ޖަވާބުގައި އެއީ ކުންފުނި އިސްލާހުކުރަން ގެނައި ބަދަލެއް ކަމަށް ބުނި ކަމަށް އާރިފް މައުލޫމާތު ދިނެވެ.
"ބުނީ ކުންފުނި އިސްލާހު ކުރަންވެގެން ކުރި ކަމެއް ކަމަށް، ހަނގުރާމައާ ގުޅިގެން ހަރަދު ކުޑަކުރަން ކުރިކަމެއް ކަމަށް، ޕީސީބީގެ ސާކިއުލާއަކަށް ރިފާކޮށްފައި އޮތީ،" އާރިފް ބުންޏެވެ.
އެ ދެ މީހުން ވަޒީފާއިން ވަކިކުރިކަން އަންގައި ފޮނުވި މެމޯ މި ނޫހަށް ވަނީ ލިބިފަ އެވެ. އެ މެމޯގައި އެ ދެ މީހުން ވަޒީފާއިން ވަކި ކޮށްފައި ވަނީ އޭޕްރިލް 18 2026 ގައި ޕްރައިވަޓައިޒޭޝަން އެންޑް ކޯޕަރައިޓޭޝަން ބޯޑު (ޕީސީބީ) އިން ނެރުނު ސާކިއުލާއަކާ ހަވާލާދީ އެވެ.
ނަޝީދުގެ އިންޒާރެއް: މުވައްޒަފުންނަށް ބޭއިންސާފުން އެޅި ފިޔަވަޅުތައް އުވާނުލައިފި ނަމަ އޮފީސްތައް "ހިސޯރު"ކުރާނަން!
އެމްޑީޕީގެ އިންތިޚާބާ ގުޅިގެން ސަރުކާރު ކުންފުނިތަކުގެ މުވައްޒަފުންނަށް އެޅި ފިޔަވަޅުތައް އުވާނުލައިފިނަމަ، އެ ކުންފުނިތަކުގެ ހެޑް އޮފީސްތައް "ހިސޯރު" ކުރާނެ ކަމުގެ އިންޒާރު ރައީސް ނަޝީދު ދެއްވައިފިއެވެ. ނަޝީދު ވިދާޅުވީ ކެމްޕޭން ހަރަކާތްތަކުގައި ބައިވެރިވުމުން މުވައްޒަފުން ސަސްޕެންޑްކޮށް ވަޒީފާ ބަދަލުކުރުމަކީ ބޭއިންސާފެއް ކަމަށާއި، އެކަންކަން އިސްލާހު ނުކޮށްފިނަމަ ސީދާ ހަރަކާތަށް ނުކުންނަވާނެ ކަމަށެވެ.
އެ ސާކިއުލާގައި އަންގާފައި ވަނީ އިރާން ހަނގުރާމައާ ގުޅިގެން ކުރިމަތިވާނެ އިގުތިސާދީ ދަތިތައް ކުޑަކުރުމަށްޓަކައި މުވައްޒަފުންގެ އަދަދު 33 ޕަސެންޓަށް މަދު ކުރުމަށާއި ކުންފުނިތަކުން ވަޒީފާ ދިނުމުގައި ތައުލީމާއި ތަޖުރިބާއަށް އިސްކަން ދިނުމަށެވެ.
އާރިފް ބުނީ އެ މީހުން ވަޒީފާއިން ވަކިކުރީ އެއްވެސް އެސެސްމެންޓެއް ވެސް ހެދުމެއް ނެތި ކަމަށެވެ.
"ހަރަދު ކުޑަކުރަން ވަޒީފާއިން ވަކިކުރަންޖެހޭނީ ހަމައެކަނި ސޯބެގެ ކެމްޕޭނުގައި އުޅުނު މީހުންނެއް ނޫންތާ، އަނެއްކާ ވަޒީފާއިން ވަކިކުރިއިރު އެއްވެސް އެސެސްމެންޓެއް ވެސް ނުހަދާ،" އާރިފް ބުންޏެވެ.
އެ ދެމީހުންގެ އިތުރުން ވެސް ސޯބެގެ ކެމްޕޭނުގައި އުޅުނު މީހުންނާމެދު ސަރުކާރުން ވަނީ ފިޔަވަޅު އަޅައިފަ އެވެ. އެގޮތުން ސޯބެގެ ކެމްޕޭނުގައި އިސްކޮށް ހަރަކާތްތެރިވި މަހުފޫޒު ހުސްނީ ވަނީ ޖޫން 8، ގައި ސްޓެލްކޯގެ ވަޒީފާއިން ވަކިކޮށްފަ އެވެ.
އޭގެ އިތުރުން، ނިމިދިޔަ އެމްޑީޕީގެ ޗެއާޕާސަން އިންތިހާބުގެ ކެމްޕޭނުގައި ކުރީގެ ރައީސް ނަޝީދަށް ތާއީދުކޮށް ނުކުތް ސަރުކާރު މުވައްޒަފުންނަށް ވެސް ފިޔަވަޅު އަޅައިފައިވެ އެވެ.
