ހަތް އަހަރު ފަހުން އިންޑިއާ އިން ހަ ވަނަ ފަހަރަށް ސާފް ވިމެންސް ޗެމްޕިއަންޝިޕް ކާމިޔާބުކޮށްފި

Jun 7, 2026, 12:03 AM
ސާފް ވިމެންސް ޗެމްޕިއަންޝިޕްގެ ތަށްޓާ އެކު އިންޑިއާ އިން އުފާފާޅުކުރަނީ. ---- ފޮޓޯ: ސާފް

ސާފް ވިމެންސް ޗެމްޕިއަންޝިޕްގެ ތަށްޓާ އެކު އިންޑިއާ އިން އުފާފާޅުކުރަނީ. ---- ފޮޓޯ: ސާފް

ފައިނަލުގައި އެންމެ ފަހުން ދެ ފަހަރުގެ ޗެމްޕިއަންކަން ހޯދި ބަންގްލަދޭޝް އަތުން 3-1 އިން މޮޅުވެ، އިންޑިއާ އިން ހަތް އަހަރު ފަހުން ހަ ވަނަ ފަހަރަށް ސާފް ވިމެންސް ޗެމްޕިއަންޝިޕްގެ ޗެމްޕިއަންކަން ހޯދައިފި އެވެ. 

ސާފްގެ އަންހެން ފުޓްބޯޅަ މުބާރާތް ޖުމްލަ އެކު، އަށް ފަހަރު ބޭއްވިއިރު ހަ ފަހަރު ތަށި ހޯދީ އިންޑިއާ އިންނެވެ.

ދެކުނު އޭޝިއާގެ ފުޓްބޯޅަ ފެޑެރޭޝަން، ސާފް އިން އަންހެން ފުޓްބޯޅަ މުބާރާތްތައް ބާއްވަން ފެށީ 2010 ވަނަ އަހަރު އެވެ. އެ އަހަރުން ފެށިގެން އިންޑިއާ އިން ޖެހިޖެހިގެން ފަސް މުބާރާތުގެ ތަށި ހޯދި އެވެ. އެއީ، 2010، 2012، 2014، 2016 އަދި 2019 ވަނަ އަހަރު އެވެ. އެކަމަަކު، އޭގެ ފަހުން، 2022 އާއި 2024 ގައި ތަށި އުފުލާލީ ބަންގްލަދޭޝް އިންނެވެ. އެކަމަކު، ޖެހިޖެހިގެން ތިން ވަނަ ފަހަރު ތަށި ހޯދަން ބަންގްލަދޭޝް އިން ކުރި މަސައްކަތް ކާމިޔާބެއްނުވި އެވެ. 

Advertisement

އިންޑިއާގެ ގޯއާގައި ކުރިއަށްދިޔަ މި ފަހަރުގެ ސާފް ވިމެންސް ޗެމްޕިއަންޝިޕްގައި ހަ ގައުމު ކުޅުނުއިރު، އިންޑިއާ އާއި ބަންގްލަދޭޝާ އެކު ދެން އެ ގްރޫޕްގައި އޮތީ ރާއްޖެ އެވެ. އިންޑިއާ އާއި ބަންގްލަދޭޝް އިން ގްރޫޕްގެ ފަހު މެޗުގައި ބައްދަލުކުރަން ޖެހުނުއިރު، އެ މެޗަށް ކުރިމަތިލިއިރު ވެސް އެ ދެ ޓީމު ވަނީ ސެމީ އަށް ގޮސްފަ އެވެ. އެއީ، އިންޑިއާ އިން 11-0 އިން ރާއްޖެ ބަލިކުރިއިރު، ބަންގްލަދޭޝް އަށް ރާއްޖޭގެ މައްޗަށް ކުރިހޯދުނީ 4-2 އިންނެވެ. 

ގްރޫޕް ސްޓޭޖުގައި އިންޑިއާ އިން 3-0 އިން ބަންގްލަދޭޝް ބަލިކުރި އެވެ. ސެމީގައި އިންޑިއާ އިން 1-0 އިން ބޫޓާންގެ މައްޗަށް ކުރިހޯދިއިރު، ފަހު ވަގުތު ލަނޑު ޖަހައި، ބަންގްލަދޭޝް އިން 2-1 އިން ނޭޕާލް ބަލިކޮށް ފައިނަލަށް ދަތުރުުކުރި އެވެ. 

ގޯއާގެ ޖަވާހަރްލާލް ނެހްރޫ ސްޓޭޑިއަމްގައި މިރޭ ކުޅުނު ފައިނަލުގައި، އިންޑިއާ އިން ފުރަތަމަ ހާފުގެ ފުރިހަމަ ވަގުތު ހަމަވާން ތިން މިނިޓަށް ވެފައި ވަނިކޮށް ޕިޔާރީ ޒާޒާގެ ލަނޑުން ލީޑުނެގި އެވެ. އެކަމަކު، ފުރަތަމަ ހާފުގެ އިތުރު ވަގުތުގެ ތެރޭގައި ރީތޫ ޕޯރްނާ ޗަކްމާ ވަނީ ބަންގްލަދޭޝް އަށް އެއްވަރުކޮށްދީފަ އެވެ. ދެ ވަނަ ހާފުގެ ކުޅުން ފެށިގެން 40 ސިކުންތު ތެރޭގައި އިންޑިއާ އިން ލަނޑެއް ޖަހައި އަލުން ލީޑުނެގި އެވެ. އެ ޓީމުގެ ލަނޑު ޖެހީ، ސަންފިދާ ނޮންގްރަމް އެވެ. އަދި، މެޗުގެ ފުރިހަމަ ވަގުތު ހަމަވާން އަށް މިނިޓަށް ވެފައި ވަނިކޮށް ބަދަލަކަށް ކުޅެން އެރި ލިންޑާ  ކޯމް ސެރްތޯ ވަނީ އިންޑިއާގެ ފަހު ލަނޑު ޖަހައިފަ އެވެ. 

ފަހުގެ ޚަބަރު

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

އެފްއޭއެމްގެ އޮފިޝަލެއް ނެތް، ޓްރޮފީއާ ހަވާލުވީ ނޫސްވެރިއެއް!

ބަންގްލަދޭޝްގައި ބޭއްވި ސާފް ޗެމްޕިއަންޝިޕްގެ ފެއާ ޕްލޭ ޓްރޮފީ ރާއްޖެއަށް ލިބުނުއިރު، އެފްއޭއެމްގެ އޮފިޝަލަކު ނެތުމުން އެއާ ހަވާލުވީ ދިވެހި ނޫސްވެރިއެއް. އެފްއޭއެމް އިން ބުނި ގޮތުގައި ޓްރޮފީ ލިބޭކަން ސާފް އިން އެންގީ ވަރަށް ކުޑަ ވަގުތުކޮޅެއް އޮއްވާ ކަމަށާއި، ނޫސްވެރިއަކު ސްޓޭޖަށް އެރީ ސާފްގެ އޮފިޝަލުން އެދިގެން

އިންފަންޓީނޯގެ ޝަރުތު ހަމަވޭތޯ ގާނޫނީ ގޮތުން ބެލި

ފީފާގެ ރައީސްކަމަށް ހަތަރުވަނަ ދައުރަކަށް ކުރިމަތިލައްވާފައިވާ ޖިއާނީ އިންފަންޓީނޯގެ ޝަރުތު ހަމަވޭތޯ އިނގިރޭސި އެފްއޭއިން ގާނޫނީ ގޮތުން ބަލައިފި. ފީފާ ކައުންސިލުން ނިންމާފައިވަނީ އިންފަންޓީނޯގެ ފުރަތަމަ ދައުރަކީ ބާކީ އޮތް މުއްދަތެއް ފުރިހަމަކުރުން ކަމަށްވާތީ، އޭނާއަށް އިތުރު ދައުރަކަށް ކުރިމަތިލެވޭނެ ކަމަށް

އުމުރުން 38 އަހަރުގައި މަޓާ ފުޓްބޯޅަ ކުޅުން ހުއްޓާލައިފި

ސްޕެއިނާއެކު ވޯލްޑް ކަޕާއި ޔޫރޯ ކާމިޔާބުކޮށް، ޗެލްސީ އާއި މެންޗެސްޓާ ޔުނައިޓެޑް ފަދަ ބޮޑެތި ކްލަބްތަކަށް ކުޅުނު ހުއާން މަޓާ އުމުރުން 38 އަހަރުގައި ފުޓްބޯޅަ ކުޅުން ހުއްޓާލައިފިއެވެ. ކުޅުމުން ރިޓަޔާކުރި ނަމަވެސް، ކުރިއަށް އޮތް ތަނުގައިވެސް ފުޓްބޯޅައިގެ ދާއިރާއިން ފެންނާނެ ކަމަށް އޭނާ ވަނީ ބުނެފައެވެ.

ޕާކިސްތާން ފުޓްބޯޅަ ކުރިއަރާނީ ޕްރޮފެޝަނަލް ލީގެއް އޮވެގެން

ޕާކިސްތާން ފުޓްބޯޅަ ކުރިއެރުވުމަށްޓަކައި އެ ގައުމުގައި ވަރުގަދަ ޕްރޮފެޝަނަލް ލީގެއް އޮތުން މުހިންމު ކަމަށް ގައުމީ ކޯޗު ނޮލްބާޓޯ ސޮލާނޯ ބުނެފި. އޭނާ ފާހަގަކުރި ގޮތުގައި ހަމައެކަނި ބޭރުގައި ކުޅޭ ކުޅުންތެރިންނަށް ބަރޯސާވުމުގެ ބަދަލުގައި، ލޯކަލް ކުޅުންތެރިން ކުރިއެރުވޭނީ ގަވާއިދުން ކުޅޭނެ ލީގެއް އޮވެގެން

Newsletter

Get the latest news delivered straight to your inbox