އެމްއެމްޕީއާރުސީ އާއި ވެންޓިލޭޓަރުގެ މައްސަލަ ބަލަން މުއިއްޒު ގޮވާލައިފި

ޕީއެންސީގެ ޖަލްސާއެއްގައި މުއިއްޒު އާއި ސަރުކާރުގެ ވެރިން

ޕީއެންސީގެ ޖަލްސާއެއްގައި މުއިއްޒު އާއި ސަރުކާރުގެ ވެރިން

ކުރީގެ ތިން ރައީސުން ގުޅިވަޑައިގެން ސަރުކާރާ ދެކޮޅަށް ސިޔާސީ ހަރަކާތްތައް ވަރުގަދަކުރަމުންދާ ދަނޑިވަޅެއްގައި، ރައީސް މުހައްމަދު މުއިއްޒު ވަނީ އިދިކޮޅު ފަރާތްތަކަށް ވަރުގަދަ ރައްދެއް ދެއްވައި، ރާއްޖޭގައި ހިންގާފައިވާ ބޮޑެތި ކޮރަޕްޝަންގެ މައްސަލަތައް ބެލުމަށް މިނިވަން މުއައްސަސާތަކަށް ގޮވާލައްވާފައެވެ.

ރޭ ބޭއްވި ޕީއެންސީގެ ޖަލްސާގައި މުއިއްޒު ވިދާޅުވީ ސަރުކާރުން މަސައްކަތް ކުރަނީ ނިޒާމުގެ ތެރެއިން ކޮރަޕްޝަން ނައްތާލުމަށް ކަމަށާއި، އެ މަސައްކަތް ކުރާތީ ބައެއް ފަރާތްތަކުން ސަރުކާރާ ދެކޮޅަށް ނުކުމެ އުޅެނީ ކަންބޮޑުވާތީ ކަމަށެވެ.

މުއިއްޒު ފާހަގަކުރެއްވި ގޮތުގައި، ރާއްޖޭގައި މިހާތަނަށް ހިންގި އެންމެ ބޮޑު ވައްކަން ކަމަށްވާ އެމްއެމްޕީއާރުސީގެ މައްސަލަ ނިމިދިޔަ ސަރުކާރަށް އެކަށީގެންވާ ގޮތެއްގައި ބެލިފައެއް ނުވެއެވެ. އަދި އެ ވައްކަމުގައި އެންމެ އިސްކޮށް ތިބި މީހުން ދޫކޮށްލާފައިވާ ކަމަށް ވިދާޅުވެ، މުއިއްޒު ވަނީ އެކަމަށް ފާޑުވިދާޅުވެފައެވެ. މީގެ އިތުރުން ކޮވިޑް-19 ގެ ތެރޭގައި ގެންނަން އުޅުނު ވެންޓިލޭޓަރުތައް ނުލިބި ފައިސާތައް ގެއްލުނު މައްސަލައަކީ ރައްޔިތުން ހަނދާން ނެތޭނެ ކަމެއް ނޫން ކަމަށާއި، އެ މައްސަލައިގައި ބައިވެރިވި ފަރާތްތަކަށް ހައްގު އަދަބު ދޭންޖެހޭނެ ކަމަށް އެމަނިކުފާނު ވިދާޅުވިއެވެ.

Advertisement

"އަޅުގަނޑު އުއްމީދުކުރަން ކަމާބެހޭ މިނިވަން މުއައްސަސާތަކުން އެ މައްސަލަ ބަލައި އެކަމުގައި ހަގީގަތުގައި ބެދޭ ފަރާތްތަކަށް އަދަބު ދޭނެ ކަމަށް. ހަމަ އެފަދައިން އެމްއެމްޕީއާރުސީގެ ވައްކަމާއި މިހެން ގޮސް އޭރުގައި ހިންގާފައި ހުރިހާ ވައްކަމެއް ހިންގި ހުރިހާ ފަރާތްތަކަށް މިނިވަން ހުރިހާ މުއައްސަސާތަކުން ވަރުގަދަ މަސައްކަތްކެއް ކޮށް އަޅުގަނޑުމެން އެންމެންނަށް އޭގެ ހައްގު ހޯދައިދޭން އަޅުގަނޑު ގޮވާލަން،" މުއިއްޒު ވިދާޅުވި އެވެ. 

"އަޅުގަނޑުމެންނަށް މުހިންމު މީހެއް ނުހުންނާނެ. އޭގެން އެއްވެސް ފަރާތަކީ އަޅުގަނޑުމެންނަކަށް އެފަރާތަކަށް ވުރެ ގައުމު ދޫކޮށްލާފައި އިސްކުރާނެ ފަރާތެއް ނޫން."

އެމްއެމްޕީއާރުސީގެ މައްސަލަ ބަލާނެ ކަމަށް މުއިއްޒު 2024 ގައި ވެސް ވިދާޅުވި އެވެ. އެ ވާހަކަ އަށް ރައްދު ދެއްވައި، އެ މައްސަލަ މި ސަރުކާރުން ބަލަން ނުކެރޭނެ ކަމަށް  ޔާމީން ތަކުރާރުކޮށް ވިދާޅުވެފަ އެވެ. 

ފަހުގެ ތާރީހުގައި ރާއްޖޭގައި ހިންގި އެންމެ ބޮޑު ހިޔާނާތް ކަމަށްވާ އެމްއެމްޕީއާރުސީ ހިޔާނާތުގައި ގެއްލުނު 1.4 ބިލިއަން ރުފިޔާގެ ތެރެއިން 14.6 މިލިއަން ރުފިޔާ ބޭނުންކުރި މީހުން ހޯދިފައިވާ ކަމަށް ރައްޔިތުންގެ މަޖިލީހުގެ ނައިބު ރައީސް އަހްމަދު ނާޒިމް މިދިޔަ އަހަރުގެ އޮގަސްޓު މަހު ވިދާޅުވެފައިވެ އެވެ.

 އެމްއެމްޕީއާރްސީގެ ހިޔާނާތުން ގެއްލުނު ހުރިހާ ފައިސާއެއް ހޯދައި، އެ ވައްކަމުގައި ކޮންމެ މީހަކު ބައިވެރިވެފައި އޮތަސް އެމީހަކަށް އަދަބު ދެއްވާނެ މުއިއްޒު ވިދާޅުވިތާ ދެ އަހަރަށް ވުރެ ގިނަ ދުވަސް ވެފައިވާއިރު އެ މައްސަލައިގައި މާ ބޮޑު ކުރިއެރުމެއް ނެތެވެ.

އެމްއެމްޕީއާރުސީގެ ފައިސާ ލިބުނު ކަމަށް ތުހުމަތުކުރެވޭ ގިނަ ބަޔަކު ސަރުކާރުގެ އިސް ސަފުގައި

ރައީސް އާދިއްތަ ދުވަހުގެ ރޭ ދެއްކެވި ވާހަކައާއި އަމަލު ދިމާކުރައްވަން ބޭނުންފުޅުވާނަމަ ފަށަން މިޖެހެނީ އަމިއްލަ ނައިބު ރައީސް އާއި މަޖިލީހުގެ ރައީސް އާއި ހިސާބުންނެވެ. ކެބިނެޓުގެ އެތައް މިނިސްޓަރަކާއި މަޖިލީހުގެ ގިނަ މެންބަރުންތަކަކާއި ހިސާބުންނެވެ.

އެ ލިސްޓުގައި ހިމެނޭ ގިނަ އަދަދެއްގެ ބަޔަކު ތިބީ މި ސަރުކާރުގެ އިސް މަގާމުތަކުގައަ އެވެ. 

މަޖިލީހުން އާންމުކުރި އެމްއެމްޕީއާރުސީގެ ލިސްޓުގައި ހުރި މި ސަރުކާރުގެ ވެރިންގެ ނަންތަކާއި ލީކުވި ލިސްޓުގައި ހުރި ފައިސާގެ އަދަދުތައް މަތީގައި އެވާ ހަބަރުގެ އެތެރޭގައި ހުންނާނެ އެވެ. 

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox