މައިންޑްޗޭމްޕްސް އިންޓަނޭޝަނަލް ޕްރީސްކޫލުން އިންތިޒާމުކޮށްގެން ކުޑަކުދިންގެ ދުވަހާ ގުޅުވައިގެން ބާއްވާ ހާއްސަ ހަރަކާތްތަކެއް އަންނަ ހޮނިހިރު ދުވަހު ހަވީރު އާޓިފިޝަލް ބީޗުގައި ބޭއްވުމަށް ނިންމައިފި އެވެ.
ކުޑަކުދިންގެ ދުވަހާ ގުޅުވައިގެން ރާއްޖޭގެ ހުރިހާ ކުޑަކުދިންނަށް ހުޅުވާލައިގެން ބާއްވާ މި އާއިލީ ހަވީރު ފެށުމަށް ހަމަޖެހިފައިވަނީ ހަވީރު 16:00 ޖަހާއިރެވެ. އެ ހަވީރަކީ ކުޑަކުދިންގެ ދުވަހުގެ އުފާވެރިކަން ހުރިހާ ކުދިންނަށް ފޯރުކޮށްދިނުމަށް
މައިންޑްޗޭމްޕްސް އިން ބުނީ މި ހަރަކާތުގެ މައިގަނޑު މަގުސަދަކީ ކުޑަކުދިންގެ ދުވަހުގެ އުފާވެރިކަން ހުރިހާ ކުދިންނަށް ފޯރުކޮށްދީ، އާއިލާތަކާއެކު އުފާވެރި ވަގުތުކޮޅެއް ހޭދަކުރުމުގެ ފުރުސަތު ދިނުގެ އިތުރުން މައިންޑްޗޭމްސް އިންޓަނޭޝަނަލް ޕްރީ ސްކޫލްއާއި ބެހޭ މައުލޫމާތު ފަސޭހައިން ބެލެނިވެރިންނަށް ލިބޭނެ ގޮތް ތަނަވަސްކޮށްދިނުން ކަމަށެވެ.
"މި ހަވީރުގައި ކުޑަކުދިންނާ ގުޅޭ ތަފާތު ގިނަ ކުޅިވަރުތަކާއި މުނިފޫހިފިލުވުމުގެ ހަރަކާތްތައް ކުރިއަށް ދާނެ. ކުޅިވަރުތަކުގައި ބައިވެރިވާ ކުދިންނަށް ހާއްސަ އިނާމުތަކެއް ދިނުމަށް ވެސް ވަނީ ހަމަޖެހިފައި،" މައިންޑްޗޭމްޕްސް އިން ބުންޏެވެ.
މި ހަރަކާތް މެދުވެރިކޮށް މައިންޑްޗޭމްޕްސް ޕްރީސްކޫލުގެ ޓުއާއެއްދީ، ޕްރީސްކޫލާ ބެހޭ މައުލޫމާތުތައް ވެސް ދިނުމަށް ވަނީ ހަމަޖެހިފަ އެވެ. އަދި އިވެންޓުގެ ތެރެއިން ކުރިއަށްދާ ހަރަކާތްތަކުގެ ތެރޭގައި ވަރަށް ގިނަވައްތަރުގެ މުދާ އެކުލެވޭ ޖަމްބަލް ސޭލްއެއްވެސް ކުރިޔަށްދަން ވަނީ ހަމަޖެހިފަ އެވެ.
މި ސޭލްގައި ކުޑަކުދިންނާއި ބޮޑެތި މީހުންނަށް ބޭނުންވާނެ ތަފާތު އެކި ބާވަތުގެ ތަކެތި ހެޔޮ އަގުގައި ލިބެން ހުންނާނެ ކަމަށާއި މިއީ ގިނަ ބަޔަކަށް ބޭނުންތެރި ސާމާނު އެއްތަނަކުން ފަސޭހަކަމާއެކު ގަތުމަށް ލިބޭނެ ރަނގަޅު ފުރުސަތެއް ކަމުގައި މައިންޑްޗޭމްޕްސްއިން ބުންޏެވެ.
މި ހަވީރަށް ޒިޔާރަތްކުރާ މީހުންނަށް އަދި ވަކިން ހާއްސަކޮށް ކުޑަކުދިންނަށް މީރު ކެއުންތަކާއި ބުއިންތައް ލިބޭނެ ހާއްސަ ކެންޓީނެއް ވެސް އެ ސަރަހައްދުގައި ގާއިމުކުރެވިފައި ހުންނާނެ ކަމަށް އެ ޕްރީސްކޫލުން ބުންޏެވެ.
މީގެއިތުރުން ތަފާތު ސްޓޯލްތަކެއްގެ ހިދުމަތްތައް މި ހަވީރުގަ ބައިވެރިވާ ކުޑަ ކުދިންނަށް ހުޅުވާލެވިފައި ހުންނައިރު، އޭގެ ތެރޭގައި ވައިޓަލް ކެއާ އިން ޖެނެރަލް ސްކްރީނިން އަދި ދަތުގެ ސްކްރީނިން ހިލޭ ހެދޭނެ އިންތިޒާމު ވަނީ ހަމަޖައްސާފަ އެވެ.
