ޕީއެންސީއަށް ވޯޓުނުދިނީ ދީން އިސްނުކުރާ މީހުން ކަމަށް ނުބުނާ ކަމަށް ވިދާޅުވެ މުއިއްޒު ދޮގުހައްދަވައިފި

ރައީސް އޮފީހުގައި އޮތް ނޫސްވެރިންގެ ބައްދަލުވުމުގައި ރައީސުލްޖުމްހޫރިއްޔާ ވާހަކަދައްކަވަނީ -- ފޮޓޯ: ރައީސް އޮފީސް

ރައީސް އޮފީހުގައި އޮތް ނޫސްވެރިންގެ ބައްދަލުވުމުގައި ރައީސުލްޖުމްހޫރިއްޔާ ވާހަކަދައްކަވަނީ -- ފޮޓޯ: ރައީސް އޮފީސް

ވެރިކަން ކުރާ ޕީއެންސީއަށް ވޯޓުނުދިން ހުރިހާ އެންމެންނަކީ ދީން އިސްނުކުރާ މީހުން ކަމަށް ވިދާޅުވެ ވާހަކަ ދައްކަވާފައިނުވާނެ ކަމަށް ވިދާޅުވެ، ރައީސް މުހައްމަދު މުއިއްޒު ދޮގުހައްދަވައިފި އެވެ.

މިއަދު ރައީސް އޮފީހުގައި އޮތް ނޫސްވެރިންގެ ބައްދަލުވުމެއްގައި ރާއްޖެ ޓީވީގެ ނޫސްވެރިޔާ ސުވާލު ކުރީ ހޮނިހިރު ދުވަހުގެރޭ އއ. ރަސްދޫގައި މުއިއްޒު ދެއްކެވި ވާހަކައާ ގުޅޭ ގޮތުންނެވެ. އެ ރޭ މުއިއްޒު ވިދާޅުވީ ރާއްޖޭގެ މެޖޯރިޓީ މީހުން ވޯޓު ދިނީ ޕީއެންސީއަށް ކަމަށާއި އެއީ ދީން އިސްކުރަން ބޭނުންވި ރައްޔިތުން ކަމަށެވެ.

މުއިއްޒުގެ އެ ވާހަކައާ ގުޅުވައި މިއަދު ނޫސްވެރިޔާ ސުވާލުކުރީ، ޕީއެންސީއަށް ވޯޓުނުދޭ މީހުންނަކީ ދީނާ ދުރުބައެއްކަމަށް ދޭހަވާ ކަމަށާއި އެ ގޮތަށް ވިދާޅުވުމުގެ ހައްގު މުއިއްޒުއަށް ލިބިފައި އޮތްކަމަށް ގަބޫލުކުރައްވާތޯ ކަމަށެވެ.

Advertisement

އެ ސުވާލަށް ޖަވާބުދެއްވުމުގެ ބަދަލުގައި މުއިއްޒު ފުރަތަމަ ކުރެއްވީ ސުވާލެކެވެ. އެމަނިކުފާނު ސުވާލުކުރެއްވީ، އެހެން ވިދާޅުވެވިފައިވޭތޯ އެވެ.

"އަޅުގަނޑު އެހެން ދެންނެވިންތޯ،" މުއިއްޒު ވިދާޅުވި އެވެ.

މުއިއްޒު އެ ސުވާލުކުރުމުން، ނޫސްވެރިޔާ ވަނީ ރަސްދޫގައި މުއިއްޒު ދެއްކެވި ވާހަކަ، ތަފުސީލުކޮށް ކިޔައިދީފަ އެވެ. އޭގެ ފަހުން ނޫސްވެރިޔާ ވަނީ އަނެއްކާ ވެސް އޭނާގެ ސުވާލު ތަކުރާރު ކުރައްވައިފަ އެވެ.

އެ ސުވާލަކަށް ޖަވާބުދެއްވަމުން މުއިއްޒު ވިދާޅުވީ، އެ ވާހަކަ ލައިޝާ މާނަކުރީ ނުބައިކޮށް ކަމަށެވެ. 

"އައުޓް އޮފް ކޮންޓެކްސްޓުން ނެންގެވީމާ ވަރަށް ގިނަ މާނަ ނެންގެވޭނެ އިނގޭތޯ؟ ހަމަ، އައުޓް އޮފް ކޮންޓެކްސްޓުން ނެގިދާނެ ހަމަ ވަރަށް ނުބައި މާނައެއް، ތިކަހަލަ މާނަ ނެންގެވޭނެ،" މުއިއްޒު ވިދާޅުވި އެވެ.

"މުޅި މައުލޫގައި އަޅުގަނޑު ދެއްކި ވާހަކައަށް ބައްލަވާއިރުގައި، އަޅުގަނޑު ދެއްކީ ކޮން ވާހަކައެއްކަން ވަރަށް ސާފުކޮށް އެނގިވަޑައިގަންނަވާނެ، ދިވެހިރައްޔިތުންތަކެއް އެއީ މުސްލިމުން ނޫން ކަމަށް، އިސްލާމުން ނޫން ކަމަށް ބަޔާންކުރާ އެއްވެސް ވާހަކައެއް ނުދައްކަން އަޅުގަނޑެއް،" މުއިއްޒު ވިދާޅުވި އެވެ.

މިއަދު، މުއިއްޒު އެހެން ވިދާޅުވި ނަމަވެސް، ހޮނިހިރު ދުވަހުގެރޭ މުއިއްޒު ވަނީ ޕީއެންސީގެ ފިކުރަކީ "ދީނީ، ގައުމީ" ފިކުރު ކަމަށް ވެސް ވިދާޅުވެފަ އެވެ.

"ހުރިހާ ގޮތަކުން ބެލި ނަމަވެސް ޑަބްލިޔޫޑީސީތަކުގެ ރައީސުންނާ، އާންމު މެންބަރުން ކަމުގައި ވިޔަސް، ކައުންސިލްތަކުގެ ރައީސުންނާ އާންމު މެންބަރުން ކަމުގައި ވިޔަސް، ހުރިހާ އިންތިހާބަކުން ރާއްޖޭގެ މެޖޯރިޓީ މިއޮތީ މި ފިކުރަށް ތާއީދުކޮށް، ދީނީ ގައުމީ ފިކުރަށް ތާއީދުކޮށް ޕީއެންސީ އަށް މެޖޯރިޓީ ދެއްވާފައި،" އެމަނިކުފާނު ވިދާޅުވި އެވެ.

ރައްޔިތުން ވޯޓު ދީގެން ހޮވި ކެންޑިޑޭޓުން "ދީނީ މިންގަނޑުން" ބޭރުވަމުންދާ ކަމަށް ވިދާޅުވެ، އިދިކޮޅު މޯލްޑިވިއަން ޑިމޮކްރެޓިކް ޕާޓީގެ ކެންޑިޑޭޓުންނާއި އެ ކެންޑިޑޭޓުންނަށް ވޯޓު ދިން މީހުންނަށް ވެސް މުއިއްޒު އެރޭ ފާޑުވިދާޅުވި އެވެ.

"މި ފެނިގެންދަނީ މި ހޮވިފައިތިބި އިންތިހާބީ ކެންޑިޑޭޓުން މުޒާހަރާކުރަމުންދާތަން. މަގުމަތީ ހަލަބޮލިކުރަމުންދާތަން. ހަޑިހުތުރު ބަސްތައް ބޭނުންކުރަމުންދާތަން. ދީނީ މިންގަނޑުން ބޭރު ވަރަށް އަހްލާގީ ފެންވަރު ދަށް އަމަލުތައް ހިންގަމުންދާތަން މިހޮވުނު ކެންޑިޑޭޓުން. އެއީ ހަމަ އަޅުގަނޑުމެންގެ ރައްޔިތުން ވޯޓުލައިގެން ހޮވުނު މީހުން،" ރައީސް ވިދާޅުވި އެވެ.

 އިދިކޮޅު ފަރާތްތަކުން ދީނީ މިންގަނޑުން ބޭރުން މުޒާހަރާ ކުރަމުންދާ ވާހަކައާ ގުޅުވައި ވެސް މިއަދުގެ ނޫސްވެރިންގެ ބައްދަލުވުމުގައި ސުވާލެއް އަމާޒުވި އެވެ. އެ ސުވާލުގެ ޖަވާބުގައި ވެސް މުއިއްޒު ވިދާޅުވީ، އެ ވާހަކައިގެ މާނަ ވެސް ނޫސްވެރިން ނަގަނީ އައުޓް އޮފް ކޮންޓެކްސްޓުގައި ކަމަށެވެ.

"އައުޓް އޮފް ކޮންޓެކްސްޓުގައި ތި ނަންގަވަނީ، މުޒާހަރާ ކުރުމަކީ ގާނޫނުއަސާސީން ލިބިފައި އޮތް ހައްގެއް އެބަ އޮތް ހިޔާލުފާޅު ކުރުމުގެ މިނިވަންކަމާއި އެއްވެ އުޅުމުގެ މިނިވަންކަން، އެ ވެސް އެބަ އޮވޭ ހުދޫދުތަކެއް ކަނޑައަޅާފައި ގާނޫނާއި ގަވާއިދުގައި އެބަ އޮތް އެކަން ކުރެވޭނެ ގޮތް،" މުއިއްޒު ވިދާޅުވި އެވެ.

އެމަނިކުފާނު ވިދާޅުވީ އިދިކޮޅު ފަރާތްތަކުން މުޒާހަރާ ކުރަމުން ދަނީ ދީނާ ހިލާފު އަމަލުތައް ހިންގަމުން ކަމަށެވެ. އެގޮތުން، އިދިކޮޅު މުޒާހަރާތަކުގައި ހަޑިހުތުރު ބަސްތައް ބޭނުންކުރާ ކަމަށާއި ހަޑިހުތުރު އަމަލުތައް ހިންގާ ކަމަށް ވެސް މުއިއްޒު ތުހުމަތު ކުރެއްވި އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox