މާލެ ކަސްޓޯޑިއަލްގައި ފުލުހުންގެ ބެލުމުގެ ދަށުގައި ހުރި މީހަކު މަރުވެއްޖެ އެވެ.
މީޑިއާތަކަށް ފުލުހުން ފޮނުވި މެސެޖެއްގައި ބުނީ، ފުލުހުންގެ ބަންދުގައި ހުރި މީހަކު އޭނާ ބަންދު ކޮށްފައި ހުރި ގޮޅި ތެރެއަށް ވެއްޓިފައި އޮއްވާ ފެނުނީ މިއަދު ހަވީރު ކަމަށެވެ. އެ މީހާ ވެއްޓިފައި އޮއްވާ ފެނުމާއެކު އައިޖީއެމް ހޮސްޕިޓަލަށް އޭނާ ގެންދިޔަ ކަމަށް ފުލުހުން ބުންޏެވެ.
ނަމަވެސް، ހޮސްޕިޓަލަށް ގެންދިޔައިރު، ވެސް އޭނާ މަރުވެފައިވާ ކަމަށް ފުލުހުން ބުންޏެވެ.
އެ ހާދިސާގެ މައުލޫމާތު ހިއުމަން ރައިޓްސް ކޮމިޝަނާއި ނޭޝަނަލް އިންޓެގްރިޓީ ކޮމިޝަނާ ހިއްސާ ކޮށްފައިވާ ކަމަށް ފުލުހުން ބުންޏެވެ.
އެ މައްސަލަ ފުލުހުން ގެންދަނީ އިތުރަށް ތަހުގީގު ކުރަމުންނެވެ.
