ވެސްޓް ހޭމުން ވުލްވްސް ބަލިކުރުމުން ޓޮޓެންހަމް ރެލިގޭޝަނަށް

Apr 11, 2026, 7:19 AM
ވެސްޓް ހޭމްގެ ފޯވާޑް ޓަޓީ ކަސްޓެޔާނޯސް ގޯލު ޖެހުމަށް ފަހު އުފާފާޅުކުރަނީ.

ވެސްޓް ހޭމްގެ ފޯވާޑް ޓަޓީ ކަސްޓެޔާނޯސް ގޯލު ޖެހުމަށް ފަހު އުފާފާޅުކުރަނީ.

ލަންޑަން (އޭޕްރީލް 11) - އިނގިރޭސި ޕްރިމިއާ ލީގުގައި ރޭ ވެސްޓް ހޭމް ޔުނައިޓެޑުން އަމިއްލަ ދަނޑުގައި 4-0 އިން ވުލްވްސް އަތުން ހޯދި މޮޅާ އެކު، ޓޮޓެންހަމް ހޮޓްސްޕާސް ރެލިގޭޝަން ޒޯނަށް ވެއްޓިއްޖެ އެވެ. 

ރޭ ހޯދި މޮޅާ އެކު، ވެސްޓް ހޭމް އިން ވަނީ ލީގުގެ 17 ވަނަ އަށް ޖެހިލައިފަ އެވެ. އެއީ، 32 މެޗުން 32 ޕޮއިންޓް ހޯދައިގެންނެވެ. ޓޮޓެންހަމް، 18 ވަނައިގައި އޮތީ 31 މެޗުން 30 ޕޮއިންްޓް ހޯދައިގެންނެވެ. ޓޮޓެންހަމް އިން މާދަމާ ސަންޑަލެންޑް ދަނޑުގައި ކުޅެން ނުކުންނައިރު، އާ ކޯޗު، ރޮބާޓޯ ޑި ޒާބީ، ފުރަތަމަ މެޗާ ކުރިމަތިލާނީ ވެސް ރެލިގޭޝަން ޒޯނުގައި އޮވެ އެވެ. 

ލަންޑަން ސްޓޭޑިއަމްގައި ރޭ ކުޅުނު މެޗު ފަށައިގެން ވުލްވްސް އިން ރަނގަޅު އެޓޭކްތަކެއް ކޮށް ގޯލެއް ޖެހުމާ ގާތަށް ވެސް ދިޔަ އެވެ. އެކަމަކު، ލަނޑެއް ޖަހަން ކުރި މަސައްކަތް ކާމިޔާބުވާ ގޮތެއްނުވި އެވެ. ފުރަތަމަ ހާފު ނިމުމުގެ ކުރިން، ވެސްޓް ހޭމް އިން ލީޑުނެގީ ޖެރަޑް ބޮވެން ނެގި ހުރަހަކުން ކޮންސްޓަންޓީނޯސް މަވްރަޕާނޯސް ބޮލުން ޖެހި ގޯލުންނެވެ. 

Advertisement

ފުރަތަމަ ހާފުގައި ލިބުނު ލީޑާ އެކު، އިތުބާރު ހޯދައިގެން ދެ ވަނަ ހާފަށް ނުކުތް ވެސްޓް ހޭމް އިން މި ހާފުގައި އިތުރު ތިން ގޯލު ޖެހި އެވެ. އޭގެ ތެރެއިން ދެ ގޯލު ޖެހީ، ޖެނުއަރީ ޓްރާންސްފާގައި އިޓަލީގެ ލާޒިއޯ އިން ވެސްޓް ހޭމް އަށް ބަދަލުވި ޓަޓީ ކަސްޓެޔާނޯސް އެވެ. އޭނާ އަންނަނީ ވެސްޓް ހޭމް އަށް މުހިންމު ގޯލުތަކެއް ކާމިޔާބުކޮށްދެމުންނެވެ. ކަސްޓެޔާނޯސް މި މެޗުގައި ދެ ގޯލު ޖެހީ، ތިން މިނިޓް ތެރޭގަ އެވެ. 

މެޗު ނިމެން ހަތް މިނިޓަށް ވެފައި ވަނިކޮށް ވެސްޓް ހޭމްގެ ފަހު ގޯލު ޖެހީ ފުރަތަމަ ލަނޑު ޖަހައިދިން މަވްރަޕާނޯސް އެވެ. މިއީ، އެންމެ ފަހުން ވެސްޓް ހޭމް އިން އަމިއްލަ ދަނޑުގައި ކުޅުނު ތިން މެޗުން އޭނާ ޖެހި ތިން ވަނަ ގޯލެވެެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox