ގޭތެރޭގެ އިންޓީރިއާ މަސައްކަތުގައި މަގުބޫލުކަން ހޯދާފައިވާ ގަވިން ރޯދަ ޕްރޮމޯޝަންގެ ނަސީބުވެރިޔާ ހޮވައިފި އެވެ.
ގަވިންގެ ފިހާރަތަކުން 1،000ރ. އަށްވުރެ މަތިން ވިޔަފާރިކުރާ ކަސްޓަމަރުންގެ މެދުގައި މި ޕްރޮމޯޝަން އީދު ދުވަހުގެ ނިޔަލަށް ކުރިއަށްގެންދިޔައިރު، ނަސީބުވެރިޔާ ހޮވީ ސޯޝަލް މީޑިއާ ހޭންޑަލްތައް މެދުވެރިކޮށް ލައިވްކޮށެވެ. ނަސީބު ވެރިޔަކަށް ހޮވުނީ މަހާޝް އެވެ.
އޭނާއަށް ހއ. ހޯރަފުށީގެ އަރާއިކް ބީޗް ވިލެޖުގައި ފަސް މީހުންނާއެކު ޗުއްޓީ ހޭދަކޮށްލުމުގެ ފުރުސަތު ވަނީ ލިބިފަ އެވެ. ޗުއްޓީ ހޭދަކޮށްލުމަށް މޯލްޑިވިއަން މެދުވެރިކޮށް ފަސް މީހުންގެ ދެކޮޅު ޓިކެޓު ވެސް އޭނާއަށް ލިބޭނެ އެވެ.
އަރާއިކް ބީޗް ވިލެޖަކީ ހިތްފަސޭހަ ޕްރައިވެޓް ބީޗަކާއެކު މިފަހުން ހުޅުވި ގެސްޓްހައުސްއެކެވެ.
ގަވިން އިން ބުނީ ކަސްޓަމަރުން ޝައުގުވެރިވާފަދަ ތަފާތު ޕްރޮމޯޝަންތައް ކުރިއަށް އޮތް ދުވަސްތަކުގައި ބާއްވާނެ ކަމަށެވެ.
ގަވިން ފިހާރައަށް މި އެޕްރީލް މަހު އައު މުދާ ލިބޭނެކަމުގެ އުފާވެެރި ހަބަރުވެސް އެ ފިހާރައިން ކަސްޓަމަރުންނަށް ވަނީ ދީފަ އެވެ. ގަވިން ފިހާރަ ހުޅުވާފައި ހުންނާނީ ހެދނުނު 09:00 އިން ރޭގަނޑު 23:00 އަށެވެ.
ކަސްޓަމައިޒް ފަރުނީޗަރާއި، ބަދިގެ ހެދުމާއި ގޭތެރޭގެ އިންޓީރިއާއަށް ބޭނުންވާ ވޯލް ޕެނަލް، ގްރެނައިޓް، ފިލާ، ހާޑްވެއާ ސާމާނު، އުނދުން، ހުޑް، މައިކްރޯވޭވްފަދަ ހުރިހާ ސާމާނެއް ގަވިންގެ ފިހާރަތަކުން ލިބެން ހުރެ އެވެ.
ގަވިންގެ ފިހާރަތައް މާލޭގައި ހުންނަނީ ބޮޑުތަކުރުފާނު މަގު އަދި މަޖީދީ މަގުގައި ހުރެ އެވެ. އޭގެއިތުރުން ހުޅުމާލެ ފޭސް 1، ރީތިގަސް މަގުގައި ވެސް ގަވިންގެ ފިހާރައެއް ހުރެ އެވެ.
