ވިޓަމިން-ޑީ އަކީ ހަށިގަނޑުގެ ދިފާއީ ނިޒާމާއި ކަށިތަކުގެ ދުޅަހެޔޮކަމަށް ކޮންމެހެން ބޭނުންތެރި މާއްދާއެކެވެ. އާންމުކޮށް ބިހަކީ ވިޓަމިން-ޑީ ލިބޭ އެއްޗެއްގެ ގޮތުގައި ބެލެވުނު ނަމަވެސް، ބިހަށްވުރެ ގިނައިން މި މާއްދާ އެކުލެވޭ އެތައް ބާވަތެއް ހުރެއެވެ.
ބިހެއްގައި ހުންނަނީ ގާތްގަނޑަކަށް 1.1 މައިކްރޯގްރާމްގެ ވިޓަމިން-ޑީ އެވެ. މިއީ ދުވާލަކަށް އިންސާނަކަށް ބޭނުންވާ މިންވަރުގެ އެންމެ 6 ޕަސެންޓެވެ. ނަމަވެސް ތިރީގައިމިވާ ބާވަތްތަކުން މިއަށްވުރެ މާ މަތީ މިންވަރަކަށް ވިޓަމިން-ޑީ ފޯރުކޮށްދެއެވެ.
1. ކޮޑް ލިވަރ އޮއިލް
މިއީ ވިޓަމިން-ޑީ އެންމެ ގިނައިން ލިބޭ އެއް ބާވަތެވެ. އެންމެ ސައިސަމުސަލުން (34 މައިކްރޯގްރާމް ލިބެއެވެ. މީގެ އިތުރުން މީގައި އޮމެގާ-3 ފެޓީ އެސިޑް ގިނަ އަދަދަކަށް އެކުލެވިގެންވެއެވެ.
2. ރެއިންބޯ ޓްރައުޓް
މިއީ ފެނުގައި އުޅޭ މަހުގެ ބާވަތެކެވެ. ކައްކާފައިވާ 3 އައުންސްގެ މަސްކޮޅަކުން ދުވާލަކަށް ބޭނުންވާ ވިޓަމިން-ޑީގެ 81 ޕަސެންޓު ފޯރުކޮށްދެއެވެ. މިއީ ޒިންކް އަދި ބީ12 އިން ވެސް މުއްސަނދި މަހެކެވެ.
3. ސާމަން
ސާމަން މަހަކީ ވިޓަމިން-ޑީގެ އިތުރުން ޕްރޮޓީން އަދި އެންޓިއޮކްސިޑެންޓްސް ގިނަ ބާވަތެކެވެ. 3 އައުންސްގެ މަސް ކޮޅަކުން ދުވާލަކަށް ބޭނުންވާ ވިޓަމިން-ޑީގެ 71 ޕަސެންޓު ލިބެއެވެ.
4.މަޝްރޫމް
އާންމުކޮށް ގަސްގަހާގެހިން ވިޓަމިން-ޑީ ލިބުން ދަތިވި ނަމަވެސް، އަލްޓްރާ ވައިލެޓް އަލީގައި ހައްދާ މަޝްރޫމުން ގިނަ އަދަދަކަށް ވިޓަމިން-ޑީ ލިބެއެވެ. މިފަދަ މަޝްރޫމުން ދުވާލަކަށް ބޭނުންވާ މިންވަރުގެ 46 ޕަސެންޓު ލިބެއެވެ.
5. ފޯޓިފައިޑް ކިރު
ގުދުރަތީ ގޮތުން ކިރުގައި ވިޓަމިން-ޑީ މަދުވި ނަމަވެސް، މިހާރު ބާޒާރުގައި ހުންނަ ގިނަ ކިރުގެ ބާވަތްތަކަކީ ވިޓަމިން-ޑީ އިތުރުކޮށްފައިވާ ބާވަތްތަކެވެ. އެއް ތަށި ކިރުން ދުވާލަކަށް ބޭނުންވާ މިންވަރުގެ 15 ޕަސެންޓު ލިބެއެވެ.
6. ގަސްގަހާގެހިން އުފައްދާ ކިރު
ސޯޔާ މިލްކް ނުވަތަ އަލްމަންޑް މިލްކް ފަދަ ބާވަތްތަކަށް ވެސް ވިޓަމިން-ޑީ އިތުރުކޮށްފައި ހުރެއެވެ. މިއީ ވެޖިޓޭރިއަނުންނަށް ބިހުގެ ބަދަލުގައި ބޭނުންކުރެވިދާނެ ރަނގަޅު ވަސީލަތެކެވެ.
7. ރެހި
ރެއްސަކީ ވިޓަމިން-ޑީގެ އިތުރުން ކެލްސިއަމް އާއި ބީ12 ގިނަ މަހެކެވެ.
