އެމްޑީޕީއަށް މަރުހަބާ ވިދާޅުވެ ޔާމީން އެދިވަޑައިގަތީ ސަރުކާރު ޖަވާބުދާރީކޮށްދިނުމަށް

ކުރީގެ ރައީސް އަބްދުﷲ ޔާމީން: ކައުންސިލް އިންތިހާބުގައި އެމްޑީޕީން ހޯދި ކާމިޔާބީއަށް އެމަނިކުފާނު ވަނީ މަރުހަބާ ވިދާޅުވެފައި

ކުރީގެ ރައީސް އަބްދުﷲ ޔާމީން: ކައުންސިލް އިންތިހާބުގައި އެމްޑީޕީން ހޯދި ކާމިޔާބީއަށް އެމަނިކުފާނު ވަނީ މަރުހަބާ ވިދާޅުވެފައި

ލޯކަލް ކައުންސިލް އިންތިހާބުގައި އިދިކޮޅު އެމްޑީޕީން ހޯދި ކާމިޔާބީއަށް މަރުހަބާ ވިދާޅުވެ، މި ސަރުކާރު ޖަވާބުދާރީ ކޮށްދިނުމަށް އެ ޕާޓީގެ ފަރާތުން ކުރީގެ ރައީސް އަބްދުﷲ ޔާމީން ރޭ އެދިވަޑައިގެންފި އެވެ. 

ޕީއެންއެފް އިން ބޭއްވި ޖަލްސާއެއްގައި ޔާމީން ވިދާޅުވީ އެމްޑީޕީން ހޯދި ކާމިޔާބީއާއެކު އެ ޕާޓީގެ ޒިންމާ އިތުރަށް ބޮޑުވެގެން ގޮސްފައިވާ ކަމަށެވެ. އެމްޑީޕީން މި ސަރުކާރުން ކުރާ ގޯސް ކަންތައްތަކަށް ޖަވާބުދާރީ ކުރުވާތަން ބަލަން ރައްޔިތުން ތިބި ކަމަށް ވެސް އެމަނިކުފާނު ވިދާޅުވި އެވެ. 

"އަޅުގަނޑުމެން އެމްޑީޕީއަށް މަރުހަބާ ކިޔަން. އަދި އެބޭފުޅުންނަށް ދަންނަވާލަން ބޭނުންވަނީ މިއަދު އެނގޭތޯ، މިއަދު ތިތިބީ ހަމަ ޒިންމާދާރު ޕޮޒިޝަނެއްގައޭ އެނގޭތޯ. ކޮންމެހެން ސަރުކާރު ހިންގާކަށް ނުޖެހޭ ރައްޔިތުންނަށް ހިދުމަތް ކުރާކަށް. އެހެންވީމަ މި ސަރުކާރުން މި ހިންގާ ގޯސްތައް، ރައްޔިތުން މިތިބީ ބަލާށޭ މި ސަރުކާރު ޖަވާބުދާރީ ކުރުވާތަން،" ޔާމީން ވިދާޅުވި އެވެ. 

Advertisement

ޔާމީން ވިދާޅުވީ ދައުލަތުގެ މުއައްސަސާތަކަށް ހުށަހަޅައިގެން ތާށިވެފައި ހުރި މައްސަލަތައް ގުންބާކޮށްގެން ވިޔަސް ބަލަން ޖެހޭ ކަމަށާއި އެ ހުރިހާ ޒިންމާއެއް ރައްޔިތުން ހަވާލުކުރީ އެމްޑީޕީއާ ކަމަށެވެ. 

"ދައުލަތުގެ ހުރިހާ މުއައްސަސާތަކުންވެސް އެނގޭތޯ، އޭސީސީ އާއި އޮޑިޓާ ޖެނެރަލް އަދި ކޯޓުތަކާއި މި ވަދެ ނުނިމި ވަކި ހިސާބެއްގައި ތާށިވެފައި އެނގޭތޯ، ގުންބާ ކުރަންޖެހިގެން ނޫނީ ތާށި ނުފިލައި ހުރި މައްސަލަތައް، އެ މައްސަލަތައް ހައްލުކުރުމުގެ ބާރު މިއޮތީ މިހާރު އެމްޑީޕީ އަތުގައި. ރައްޔިތުން އެބާރު މެންޑޭޓް މިފަހަރު ދިނީ އެމްޑީޕީއަށް،" ޔާމީން ވިދާޅުވި އެވެ. 

އެމްޑީޕީއަށް ލިބިފައިވާ ބާރާއެކު މިހާރު ދިމާވަމުންދާ މައްސަލަތައް ހައްލުކޮށްދިނުމަށް އެ ޕާޓީއަށް ގޮވާލައި ޔާމީން ވިދާޅުވީ ކުރިއަށް އޮތް ރިޔާސީ އިންތިހާބަށް އެމްޑީޕީން ވާދަކުރުމުގެ ލެޖިޓަމަސީ ވެސް ލިބޭނީ އިހުލާސްތެރިކަމާއެކު އެ ޕާޓީން މަސައްކަތް ކޮށްގެން ކަމަށެވެ. 

"މިހާރު މިއޮތް ސަރުކާރާ ހެދި އަބުޅި ޖެހިފައި ހުރި ހުރިހާ ކަންތައްތައް ނިއުޅާލުމުގެ ބާރު އެމްޑީޕީއާށް ލިބުނީ.  އެހެންވީމާ މިއަދު އަޅުގަނޑުމެން މިއަދު އެމްޑީޕީއަށް ވަރަށް އިހުލާސްތެރިކަމާއެކީ އަދި ރައްޔިތުންގެ ފަރާތުން އަޅުގަނޑުމެން މި ގޮވާލަނީ މިހެން ހުރި މައްސަލަތައް ހައްލުކޮށްދޭށޭ. ހައްލުކޮށްދިނީމަ އެމީހުންނަށް ލެޖިޓަމަސީ ލިބެނީ ރައްޔިތުންނަށް ހިދުމަތް ކުރުމަށްޓަކައި ރިޔާސީ އިންތިހާބަށް ކުރިމަތިލާން ވެސް،" ޔާމީން ވިދާޅުވި އެވެ. 

ޔާމީން ވިދާޅުވީ ކައުންސިލް އިންތިހާބުގައި ޕީއެންއެފް އިން އެދުނީ ޕީއެންސީއަށް ވޯޓު ނުދިނުމަށް ކަމަށާއި އޭގެ މާނައަކީ އެމްޑީޕީއަށް ވޯޓު ދިނުން ކަމަށެވެ. އޭގެ އިތުރުން އޭނާ ވިދާޅުވީ މާލޭ މޭޔަރުގެ ގޮނޑި ވެސް އެމްޑީޕީއަށް ލިބުނީ ޕީއެންއެފްގެ ކެންޑިޑޭޓް އިސްމައިލް ޒަރިޔަންދު ވާދަކޮށް ހޯދި ވޯޓާއެކުގައި ކަމަށެވެ. 

މިހާތަނަށް އިލެކްޝަންސް ކޮމިޝަން (އީސީ) އިން އާންމުކޮށްފައިވާ ވަގުތީ ނަތީޖާއިން ދައްކާ ގޮތުގައި ސިޓީތަކުގެ މޭޔަރުން ހިމެނޭހެން އިންތިހާބުކުރާ 52 ގޮނޑީގެ ތެރެއިން އެމްޑީޕީން ވަނީ 46 ގޮނޑި ކާމިޔާބުކޮށްފަ އެވެ. 

ބޮޑެތި އާބާދީތަކުން އެމްޑީޕީ ކުރި ހޯދިއިރު, ހުރިހާ ސިޓީއެއްގެ އަންހެނުންގެ ތަރައްގީއަށް މަސައްކަތް ކުރާ ކޮމިޓީގެ ރައީސްކަން ވެސް ލިބުނީ އެ ޕާޓީއަށެވެ. 

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox