ދައުރު މެދުން ނެގި ފެންނަ ނުފެންނަ ވޯޓުގައި ސަރުކާރަށް ތާރީހީ ބޮޑު ބައްޔެއް!

ރައީސް މުއިއްޒު. ރެފަރެންޑަމްގައި ސަރުކާރާ އެއްކޮޅަށް ވޯޓު ދިނުމަށް ވަކާލާތުކޮށް ވަރަށް ގަދައަށް ކެމްޕޭން ކުރެއްވި ނަމަވެސް ލިބިވަޑައިގަތީ އެންމެ 31 ޕަސެންޓު ވޯޓު --- ފޮޓޯ: ރައީސް އޮފީސް

ރައީސް މުއިއްޒު. ރެފަރެންޑަމްގައި ސަރުކާރާ އެއްކޮޅަށް ވޯޓު ދިނުމަށް ވަކާލާތުކޮށް ވަރަށް ގަދައަށް ކެމްޕޭން ކުރެއްވި ނަމަވެސް ލިބިވަޑައިގަތީ އެންމެ 31 ޕަސެންޓު ވޯޓު --- ފޮޓޯ: ރައީސް އޮފީސް

ރައްޔިތުންގެ މަޖިލީހުގެ އިންތިހާބާއި ރިޔާސީ އިންތިހާބު އެއް ދުވަހެއްގައި ބާއްވައި މި ހިނގަމުންދާ ވިހިވަނަ މަޖިލީހުގެ އުމުރުން ހަ މަސްދުވަސް އުނިކުރުމަށް ސަރުކާރުން ގާނޫނުއަސާސީއަށް ގެންނަން އުޅުނު ބަދަލާ ދެކޮޅަށް ދިވެހި ރައްޔިތުންގެ ތެރެއިން ވަރަށް ގިނަ އަދަދެއްގެ ބަޔަކު ނޫނެކޭ ބުނުމުން އެ ބިލު ބާތިލުވެއްޖެ އެވެ. 

މިހާތަނަށް ފެންނަ ނުފެންނަ ވޯޓުގެ ފޮށިތަކުގެ ތެރެއިން 93 ޕަސެންޓުގެ ވޯޓު ގުނައި ނިމި ނަތީޖާ ވަނީ އިއުލާންކޮށްފަ އެވެ. ސަރުކާރުގެ ހުށަހެޅުމަށް ތާއިދުކޮށް އާނއެކޭ ބުނީ 58,144 މީހުންނެވެ. އެއީ އެންމެ 31 ޕަސެންޓެވެ.

ސަރުކާރުގެ ހުށަހެޅުމަށް 128,009 މީހުން ވަނީ ނޫނެކޭ ބުނެފަ އެވެ. އެއީ މިހާތަނަށް ގުނާފައިވާ ވޯޓުގެ 69 ޕަސެންޓެވެ. 

Advertisement

މިފަހުގެ ތާރީހެއްގައި ރާއްޖޭގައި އެންމެ ފަހުން ފެންނަ ނުފެންނަ ވޯޓެއް ނެގީ 2007 ވަނަ އަހަރު އެވެ. އެއީ ވެރިކަމުގެ ނިޒާމާ ގުޅޭގޮތުން ނެގި ވޯޓެކެވެ. 

އޭރު އޮތް ކުރީގެ ރައީސް މައުމޫން އަބްދުލްގައްޔޫމްގެ ސަރުކާރުން ބޭނުންވީ ރިޔާސީ ނިޒާމެކެވެ. އިދިކޮޅު މޯލްޑިވިއަން ޑިމޮކްރަޓިކް ޕާޓީ (އެމްޑީޕީ) އިން ވަކާލާތުކުރީ ބަރުލަމާނީ ނިޒާމެއް ބޭއްވުމަށެވެ. ރިޔާސީ ނިޒާމަކަށް 62 ޕަސެންޓު ރައްޔިތުން ތާއިދުކުރިއިރު ބަރުލަމާނީ ނިޒާމަށް ލިބުނީ 38 ޕަސެންޓު ރައްޔިތުންގެ ތާއީދެވެ. 

އެހެންކަމުން، ވެރިކަމުގައި ތިބެ ކެމްޕޭންކޮށް އާންމު ވޯޓެއްގައި އެންމެ ބޮޑު ބައްޔަކާ ކުރިމަތިލާން ޖެހުނީ މުއިއްޒުގެ ސަރުކާރުންނެވެ. މުއިއްޒުއަށް 2023 ވަނަ އަހަރުގެ ރިޔާސީ އިންތިހާބުގައި ވޯޓު ދިން މީހުންނާ ގާތްގަނޑަކަށް އެއްވަރެއްގެ އަދަދެއްގެ މީހުން ވަނީ އެމަނިކުފާނުގެ ދައުރަށް ދެ އަހަރާއި ބައިވަމުން ދަނިކޮށް މި ނެގި ފެންނަ ނުފެންނަ ވޯޓުގައި ސަރުކާރަށް ނޫނެކޭ ބުނެފަ އެވެ.  

ރިޔާސީ އިންތިހާބާއި ރައްޔިތުންގެ މަޖިލީހުގެ އިންތިހާބު އެއް ދުވަހެއްގައި ބޭއްވުމަށް ބޭނުންވަނީ ރައީސް މުހައްމަދު މުއިއްޒު އެވެ. އެއީ މުއިއްޒުގެ މެނިފެސްޓޯގައި އަދި ވައުދު ފޮތުގައި ހިމެނޭ ކަމެއް ނޫނެވެ. މި ވާހަކަތައް މުއިއްޒު ދައްކަވަން ފެއްޓެވީ ވެރިކަމަށް ވަޑައިގަތުމަށް ފަހު އެވެ.

މި ބަދަލު ގެނައުމަށް މަޖިލީހުން ބިލު ފާސްކުރީ ވެސް ދައުރުން ބޭރު ޖަލްސާއެއް ބޭއްވުމަށް ފަހު އަވަސް އަރުވާލައިގެންނެވެ. ކޮމިޓީ މަރުހަލާ ހިމެނޭހެން މަޖިލީހުގައި ބިލަށް ބަހުސްކޮށް މަޝްވަރާކުރީ މަދު ގަޑިއިރުތަކަކަށެވެ. 

މި ވޯޓުގައި ސަރުކާރުން ވަރަށް ގަދައަށް ކެމްޕޭން ކުރި އެވެ. ދެ އިންތިހާބު އެއް ދުވަހެއްގައި ބޭއްވުމަކީ ހަރަދު ކުޑަކުރަން ކުރާ ކަމެއް ކަމަށާއި އޭގެ ސަބަބުން ރާއްޖޭގައި ހަމަޖެހުން ގާއިމުވެ އެންމެ ގިނަ ރައްޔިތުން ވޯޓުލާ އިންތިހާބުގައި (ރިޔާސީ އިންތިހާބުގައި) ރައްޔިތުންގެ މަޖިލީހުގެ މެންބަރުން އިންތިހާބު ކުރާނެ ކަމަށް ބުނެ ވަކާލާތު ކުރި އެވެ. 

އިދިކޮޅު މޯލްޑިވިއަން ޑިމޮކްރަޓިކް ޕާޓީ (އެމްޑީޕީ) އިން މި ވޯޓުގައި ސަރުކާރުގެ ހުށަހެޅުމަށް ނޫނެކޭ ބުނުމަށް ކެމްޕޭން ކުރި އެވެ. އޭގެ އިތުރުން، ސުޕްރީމް ކޯޓުގެ ކުރީގެ ފަނޑިޔާރުންނާއި، ރައްޔިތުންގެ ހާއްސަ މަޖިލީހުގެ މެންބަރުންނާއި، މަޖިލީހުގެ ކުރީގެ މެންބަރުންނާއި، ގާނޫނީ ވަކީލުންނާއި، މަދަނީ ޖަމިއްޔާ ޖަމާއަތްތަކުންނާއި އަދި ގިނަ އަދަދެއްގެ ރައްޔިތުން މިކަމާ ދެކޮޅަށް ވަކާލާތު ކުރި އެވެ.

އެ ވަކާލާތުގައި ބުނި ގޮތުގައި މިއީ ގާނޫނުއަސާސީއާ ހިލާފު ބަދަލެކެވެ. ރައްޔިތުންގެ އަތުގައި އޮތް ބާރުވެރިކަން ޖަހައިގެނެ އެކެއްގެ އަތަށް ބާރުތައް ޖަމާކޮށް، ހުދުމުހުތާރު ވެރިކަމެއް ކުރުމުގެ ފުރުސަތު މި ބަދަލުން ފަހިވެގެންދާނެ ކަމަށް އެ ފަރާތްތަކުން ދެކެ އެވެ. 

މި ވޯޓާ ގުޅިގެން ދަށު ކޯޓުތަކާއި އެންމެ މަތީ ކޯޓަށް ވެސް މައްސަލަތަކެއް ހުށަހެޅުނެވެ. އޭގެ ތެރެއިން އެއް މައްސަލަ ސުޕްރީމް ކޯޓުން ބެލިއިރު ހުކުމް ކުރީ ފެންނަ ނުފެންނަ ވޯޓުގެ ސުވާލު ސައްހަ ކަމާއި އެ ވޯޓު ހުއްޓުވަން ޖެހޭ ސަބަބެއް ނެތް ކަމަށެވެ. 

ރެފަރެންޑަމްގެ ސުވާލުގައި އޮތީ ގާނޫނުއަސާސީއަށް އަށްވަނަ އިސްލާހު ގެނައުމުގެ ބިލު ތަސްދީގު ކުރުމަށް ރައްޔިތުންނަށް ފެނޭތޯ އެވެ. އެ އިސްލާހުގައި އޮތް ކަންކަމާ މެދު ރައްޔިތުންގެ ރުހުން އޮތްތޯ ބެލުމެއް ނެތެވެ. 

ގާނޫނުއަސާސީގެ 262 ވަނަ މާއްދާގެ ދަށުން މި ވޯޓު ނެގިއިރު މި ބިލު ފާސްކުރުމާ ދެކޮޅަށް ރަައްޔިތުންގެ ބޮޑު އަގުލިބައްޔަތެއް ވޯޓު ދީފައިވާތީ މުއިއްޒުއަށް މި ބިލު ތަސްދީގެއް ނުކުރެވޭނެ އެވެ. ބިލު ބާތިލުވާނެ އެވެ. 

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox