ޕީއެންސީ ސަޕޯޓަރުންތަކެއް މޭޔަރު އާތިފްގެ ކާރަށް ހުރަސް އަޅައިފި، ސަލާމަތްވީ ފުލުހުންގެ ހިމާޔަތުގައި!

Mar 18, 2026, 12:44 AM
ކުޅުދުއްފުށީ މޭޔަރު މުހައްމަދު އާތިފް -- ފޮޓޯ: އަދަދު

ކުޅުދުއްފުށީ މޭޔަރު މުހައްމަދު އާތިފް -- ފޮޓޯ: އަދަދު

ކުޅުދުއްފުށީ ސިޓީގެ މޭޔަރު މުހައްމަދު އާތިފުގެ ކާރަށް އެރަށުގެ ޕީއެންސީގެ ސަޕޯޓަރުންތަކެއް ރޭ މެންދަމު މަގުމަތިން ދިމާކޮށް ހުރަސް އެޅުމުން ފުލުހުންގެ ހިމާޔަތް ހޯދަން ޖެހިއްޖެ އެވެ.

އާތިފު އަދަދު ނޫހަށް ވިދާޅުވީ އޭނާ ކާރުގައި މީހަކާ ބައްދަލުކުރުން ދަނިކޮށް ޕީއެންސީގެ މެންބަރުންތަކެއް ކާރު ވަށާލައިހުރަސް އެޅި ކަމަށެވެ.

"އެހެންވެ، އަޅުގަނޑު ފުލުހުންގެ ހިމާޔަތް ހޯދަން ޖެހުނު. މިހާރު މި ހުރީ ގޭގައި،" އާތިފު ވިދާޅުވި އެވެ.

"މިފަދަ ނާތަހުޒީބު އަމަލުތައް ޕީއެންސީގެ މެންބަރުން އެ ކުރަނީ އިންތިހާބުން ބޮޑުތަނުން ބަލިވާނެކަން އެ މީހުންނަށް އެނގޭތީ."

އާތިފަށް ހިމާޔަތް ދިން ކަމަށް ފުލުހުން ވެސް ބުނެފައިވެ އެވެ.

"މިފަދަ ހާދިސާއެއް ހިނގައިގެން އުޅޭތީ، މޭޔަރަަށް ހިމާޔަތްދިނުމުގެ ގޮތުން، މިވަގުތު ފުލުހުންގެ ހިމާޔަތުގައި، ޕޮލިސް ސްޓޭޝަންއަށް ގެނެވިފައިވާ ކަމަށް. މައުލޫމާތު ޔަގީންކުރެވޭ މިންވަރުން، ޕޮލިސް މީޑިއާ އިން އިތުރު މައުލޫމާތު ހިއްސާ ކުރަމުންދާނެކަމުގައި ދަންނަވަން،" ޕޮލިސް މީޑިއާ ގުރޫޕްގައި އެ މުއައްސަސާގެ ތަރުޖަމާނު އަހުމަދު ޝިފާނު ރޭ މެންދަމު ވިދާޅުވި އެވެ.

މިކަމާ ގުޅިގެން ޝިފާނު ވަގުތުން ޖަވާބު ދެއްވި ނަމަވެސް، ވަޓްސްއެޕް ގްރޫޕުގައި ނޫސްވެރިން ކުރާ ސުވާލުތަކަށް އޭނާ އާންމުކޮށް ޖަވާބެއް ނުދެއްވަ އެވެ.

މައުލޫމާތު ޔަގީންކުރެވޭ މިންވަރުން، ޕޮލިސް މީޑިއާ އިން އިތުރު މައުލޫމާތު ހިއްސާ ކުރަމުންދާނެ ކަމަށް ޝިފާނު ވިދާޅުވެފައި ވާއިރު އާތިފުގެ މައްޗަށް ކުށެއްގެ ތުހުމަތުކޮށް ތަހުގީގެއް ނުފަށާ ކަމަށް އާތިފު ވިދާޅުވެފައިވެ އެވެ.

އާތިފަށް ހުރަސްއެޅި ޕީއެންސީގެ މެންބަރުންގެ މައްސަލައެއް ބަލާކަން ފުލުހުން ހާމައެއް ނުކުރެ އެވެ.

އާތިފު ގެންދަވަނީ މުއިއްޒަަށް ވަރަށް ބޮޑަށް ފާޑުވިދާޅުވަމުން

މި ސަރުކާރުގެ ސިޔާސަތުތަކަށާއި އަދި ސީދާ ރައީސް މުހައްމަދު މުއިއްޒު އަށް ވެސް އާތިފު ގެންދަވަނީ ވަރަށް ބޮޑަށް ފާޑުވިދާޅުވަމުންނެވެ.

އަދަދު ނޫހުން ގެނެސްދޭ "ފެންނަނުފެންނަ" ޕްރޮގްރާމުގައިއާތިފު ވިދާޅުވެފައި ވަނީ ކުޅުދުއްފުށީ ސިޓީ ކައުންސިލުން 150 ހައުސިން ޔުނިޓުގެ މަޝްރޫއުއެއް ކުރިއަށް ގެންދިޔުމަށް ސަރުކާރުން ހުއްދަ ނުދީ، އެ ސިޓީގެ ތަރައްގީ އަށް ހުރަސް އަޅާފައިވާ ކަމަށެވެ.

ކައުންސިލްތަކުން ރަށު ތަރައްގީ އަށް ހުރަސް އަޅާނެ ކަމަށް ވިދާޅުވުމަކީ ބުއްދި ގަބޫލު ކުރެވޭ ވާހަކައެއް ނޫން ކަމަށާއި ރަށު ތަރައްގީ އަށް ހުރަސް އަޅާފައި ވަނީ މި ސަރުކާރުން ކަމަށް އާތިފު ވިދާޅުވެފައިވެ އެވެ.

"އަޅުގަނޑު މިއަދުވެސް ދައްކަފާނަން ރައީސުލްޖުމްހޫރިއްޔާ، މި ސަރުކާރުން ހުރަސް އަޅައިގެން ކުޅުދުއްފުށީގައި ނުވެ ހުރިކަންކަން، މިއަދުވެސް މި ވަގުތުގައި ވެސް ދައްކަފާނަން،" އޭނާ ވިދާޅުވި އެވެ.

ރިޔާސީ އިންތިހާބާއި ރައްޔިތުންގެ މަޖިލީހުގެ އިންތިހާބު އެއް ދުވަހެއްގައި ބޭއްވުމަށް މުއިއްޒު ބޭނުންވާއިރު، އެކަމަށް ވެސް އާތިފު ވަނީ ވަރަށް ބޮޑަށް ފާޑުވިދާޅުވެފަ އެވެ.

"މިކަހަލަ ތާކުންތާކުނުޖެހޭ ވާހަކަ ދައްކައިގެން ރައްޔިތުންގެ ބޮލަށް ސަވާރުވެގެން ދިވެހިރާއްޖޭގައި އޮތް ޑިމޮކްރެޓިކް ނިޒާމު ފުނޑުފުނޑު ކޮށްލައި ހުދުމުހުތާރު ވެރިކަމެއް ގާއިމުކުރުމުގެ މަސައްކަތްތައް ކުރަމުން މިދަނީ،" ފެންނަ ނުފެންނަ ވޯޓަށް އާއެނކޭ ބުނުމަކީ ދިވެހިންނަށް ލިބޭނެ ގެއްލުމެއްކަން ފާހަގަ ކުރައްވައި އާތިފު ވިދާޅުވި އެވެ.

"ހެޔޮނުވާނެ ހަގީގަތުގައި އެއްވެސް ދިވެއްސަކު މިކަމާ ބައިވެރިވެ މި މަޅީގައި ޖެހެން."

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox