އޮމާނުގެ ތެޔޮ ރައްކާ ކުރާ ފެސިލިޓީއަކަށް އިރާނުން ވަރުގަދަ ހަމަލާއެއް ދީފި

Mar 11, 2026, 6:14 PM
އޮމާނުގެ ތެޔޮ ރައްކާކުރާ ކާރުހާނާ، އިރާނުގެ ހަމަލާއަށްފަހު: އިރާނުން ދަނީ އެމެރިކާގެ އަސްކަރިއްޔާ ހަރަކާތްތެރިވާ ގައުމުތަކަށް ހަމަލާ ދެމުން -- ފޮޓޯ: ރޮއިޓާސް

އޮމާނުގެ ތެޔޮ ރައްކާކުރާ ކާރުހާނާ، އިރާނުގެ ހަމަލާއަށްފަހު: އިރާނުން ދަނީ އެމެރިކާގެ އަސްކަރިއްޔާ ހަރަކާތްތެރިވާ ގައުމުތަކަށް ހަމަލާ ދެމުން -- ފޮޓޯ: ރޮއިޓާސް

އޮމާނުގެ ސަލާލާ ޕޯޓުގައި ތެޔޮ ރައްކާ ކުރަން ހަދާފައި ހުރި ފެސިލިޓީއަކަށް އިރާނުން މިއަދު ވަރުގަދަ ހަމަލާއެއް ދީފި އެވެ.

ސަލާލާ ޕޯޓަށް ހަމަލާ ދިނީ އިރާނުގެ ޑްރޯންތަކެކެވެ. އޮމާނުން ބުނީ ހަމަލާ އަރާފައި ވަނީ ތެޔޮ ރައްކާކުރާ ޓޭންކުތަކަށް ކަމަށެވެ. އެ ހަމަލާގައި އެއްވެސް މީހަކަށް އަނިޔާ ނުވާ ކަމަށް އޮމާނުން ބުންޏެވެ.

އިޒްރޭލާއި އެމެރިކާއިން އިރާނާ ދެކޮޅަށް ހަނގުރާމަ ފެށުމުން އިރާނުން ހަމަލާ ދޭން ފެށީ އިޒްރޭލުގެ އިތުރުން އެމެރިކާގެ އަސްކަރިއްޔާ ހަރަކާތްތެރިވާ އަރަބި ގައުމުތަކަށެވެ.

Advertisement

އިރާނުން ވަނީ އޮމާނުގެ އިތުރުން، ސައުދީ އަރަބިއްޔާ އާއި ކުވެއިތާއި ޔޫއޭއީ އާއި އުރުދުން އާއި ގަތަރާއި ބަހްރެއިނަށް ހަމަލާތަކެއް ދީފަ އެވެ. މި ހުރިހާ ގައުމެއްގައި ވެސް އެމެރިކާގެ އަސްކަރިއްޔާ ހަރަކާތްތެރިވެ އެވެ.

ހަނގުރާމައިގެ ސަބަބުން ހޮރުމޫޒު ކަނޑުއޮޅިން ދަތުރުކުރުން އެއްކޮށް ކަހަލަ ގޮތަކަށް ވަނީ ހުއްޓިފަ އެވެ. ގަލްފުގެ އަރަބި ގައުމުތަކުން އުފައްދާ ތެޔޮ ދުނިޔޭގެ ބާޒާރަށް ގެންދަނީ އެ މަގުންނެވެ. އެހެންވެ، މާކެޓުގައި ތެޔޮ މަދުވެ ގައުމުތަކުން ދަނީ އެމަޖެންސީ ފިޔަވަޅު އަޅަމުންނެވެ.

އިންޓަނޭޝަނަލް އެނަޖީ އެޖެންސީ އިން މިއަދު ވަނީ 400 މިލިއަން ފީފާގެ ތެޔޮ ރިޒާވުން ދޫކޮށްލަން ނިންމައިފަ އެވެ. އެއީ އެ އެޖެންސީގެ 32 މެންބަރު ގައުމުން ނިންމި ނިންމުމެކެވެ. އެއީ މުޅި ދުނިޔެއަށް ތިން ދުވަހަށް ބޭނުންވާ ވަރުގެ ތެލެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox