ވިލާ ކޮލެޖުގެ ކުރިއަށް އޮތް މެއި 2026 އިންޓޭކުގެ ކޯސްތަކުގައި ބައިވެރިވުމުގެ ފުރުސަތު މިއަދު ރަސްމީކޮށް ހުޅުވާލައިފިއެވެ. މި އިންޓޭކުގައި ސެޓްފިކެޓް ލެވެލް 4 އިން ފެށިގެން މާސްޓާސް ޑިގްރީއާ ހަމައަށް 100 އަށްވުރެ ގިނަ ޕްރޮގްރާމް ކުރިއަށް ގެންދިއުމަށް ވަނީ ހަމަޖެހިފައެވެ.
މި އިންޓޭކުގައި ހުޅުވާލެވިފައިވާ ދާއިރާތަކުގެ ތެރޭގައި އިންފޮމޭޝަން ޓެކްނޮލޮޖީ، ކޮމްޕިއުޓަ ސައިންސް، ސައިބަރ ސެކިއުރިޓީ، އިންޖިނިއަރިނގ (މެކޭނިކަލް، އިލެކްޓްރިކަލް، ސިވިލް)، ނާސިން، ލޯ، ބިޒްނަސް މެނޭޖްމަންޓް، ސައިކޮލޮޖީ އަދި ޓީޗިން ފަދަ މުހިންމު ގިނަ ދާއިރާތަކެއް ހިމެނެއެވެ.
ވިލާ ކޮލެޖުން އަންނަނީ އިނގިރޭސިވިލާތުގެ ޔުނިވަސިޓީ އޮފް ދި ވެސްޓް އޮފް އިންގްލޭންޑް، ޕޯޓްސްމޯތް ޔުނިވަސިޓީ، އަދި މެލޭޝިއާގެ ޓޭލާސް ޔުނިވަސިޓީ ފަދަ ދުނިޔޭގެ ނަން މަޝްހޫރު ޔުނިވަސިޓީތަކުގެ ޕްރޮގްރާމްތައް ރާއްޖޭގައި ތިބެގެން ފުރިހަމަކުރުމުގެ މަގު ފަހިކޮށްދެމުންނެވެ.
ވަކިން ހާއްސަކޮށް، ޕޯޓްސްމޯތް ޔުނިވަރސިޓީއާ ގުޅިގެން ހިންގާ އިންޖިނިއަރިންގ ދަރިވަރުންނަށް އެ ޔުނިވަރސިޓީގައި ޑިގްރީގެ ފަހު އަހަރުތައް ފުރިހަމަކުރުމުގެ ފުރުޞަތު ލިބިގެންދާނެއެވެ.
ވިލާ ކޮލެޖުގެ ކިޔެވުން ބައްޓަންކުރެވިފައިވަނީ ދަރިވަރުންނަކީ މަސައްކަތުގެ މާހައުލަށް ފުރިހަމައަށް ތައްޔާރުވެފައިވާ ބަޔަކަށް ހެދުމަށެވެ. މިގޮތުން ކޮންމެ ޕްރޮގްރާމެއްގައިވެސް ސިމިއުލޭޝަންތަކާއި، އިންޓަންޝިޕް އަދި އިންޑަސްޓްރީ ޕާޓްނަރޝިޕްތަކުގެ ދަށުން ޢަމަލީ ތަޖުރިބާ ހޯދުމުގެ ފުރުޞަތު ފަހިކޮށްދެވެއެވެ.
ދަރިވަރުންގެ ފަސޭހައަކަށްޓަކައި ޒަމާނީ ވަސީލަތްތައް ހިމެނޭ ލާނިން ހަބް (VR އަދި AR އާއެކު)، 16 ލެބޯޓަރީ، އަދި 'ވީ-ކެއަރ' ކައުންސެލިންގ ސެންޓަރުގެ ހިދުމަތްވެސް ކޮލެޖުން ފޯރުކޮށްދެއެވެ. މީގެ އިތުރުން، ގިނަ ކޯސްތަކެއް އޮންލައިންކޮށް ކިޔެވުމުގެ ފުރުޞަތު އޮތުމަކީ ވަޒީފާ އަދާކުރާ ފަރާތްތަކަށް ލިބޭ ބޮޑު ލުޔެކެވެ.
ވިލާ ކޮލެޖަކީ ބައިނަލްއަގުވާމީ މައިދާނުގައި ފާހަގަކޮށްލެވޭ ކާމިޔާބީތަކެއް ހޯދާފައިވާ މުއައްސަސާއެކެވެ. ކިޔޫއެސް ސްޓާ ރޭޓިންގައި "އެމްޕްލޯޔަބިލިޓީ" އާއި "އޮންލައިން ލާނިންގ" އިން އެންމެ މަތީ ދަރަޖަ ކަމަށްވާ 5 ތަރި ވަނީ ހާސިލުކޮށްފައެވެ.
ދަ އިމްޕެކްޓު ރޭންކިންސް 2025 އިން ދައްކާ ގޮތުގައި ދުނިޔޭގެ މަތީ 20 ޕަސެންޓު ޔުނިވަސިޓީތަކުގެ ތެރޭގައި ހިމެނޭ ރާއްޖޭގެ ހަމައެކަނި މުއައްސަސާއަކީ ވިލާ ކޮލެޖެވެ. އަދި ކިޔޫއެސް އޮންލައިން އެމްބީއޭ 2026 ގެ އޭޝިއާ ޕެސިފިކް ސަރަހައްދުން ކްލާސް އެކްސްޕީރިއަންސް އެއްވަނަ ވެސް ވިލާ ކޮލެޖަށް ލިބުނެވެ.
މި އިންޓޭކުގެ ކޯސްތަކަށް ކުރިމަތިލުމުގެ އެންމެ ފަހު ތާރީހަކީ އޭޕްރިލް 18، 2026 އެވެ. ކޯސްތަކަށް ވަނުމަށް ބޭނުންވާ ދަރިވަރުންނަށް ކެރިއަ ގައިޑެންސްގެ ފުރުސަތުވެސް ކޮލެޖުން ވަނީ ހުޅުވާލާފައެވެ.
- އޮންލައިން އެޕްލިކޭޝަން: www.villacollege.edu.mv
- ގުޅުއްވުމަށް: 3303200
- އީމެއިލް: info@villacollege.edu.mv
