ލިވަޕޫލަަށް ފަހު ވަގުތު މޮޅެއް، އާސެނަލުން ޓޮޓެންހަމް ބަލިކޮށްފި

Feb 23, 2026, 12:40 AM
ލިވަޕޫލަަށް ފަހު ވަގުތު މޮޅެއް، އާސެނަލުން ޓޮޓެންހަމް ބަލިކޮށްފި

ލަންޑަން (ފެބްރުއަރީ 23) - އިނގިރޭސި ޕްރިމިއާ ލީގުގައި ރޭ ލިވަޕޫލުން ފަހު ވަގުތު 1-0 އިން ނޮޓިންހަމް ފޮރެސްޓް އަތުން މޮޅުވިއިރު، ލީގުގެ އެއް ވަނައިގައި އޮތް އާސެނަލުން 4-1 އިން ޓޮޓެންހަމް ހޮޓްސްޕާސް ބަލިކޮށްފި އެވެ.

އިތުރު ވަގުތުގެ ހަތް ވަނަ މިިނިޓްގައި އަލެކްސިސް މެކް އަލިސްޓާ، އޭރިއާތެރެއިން ޖެހި ގޯލުން ލިވަޕޫލުން ފޮރެސްޓް ދަނޑުގައި މޮޅުވިއިރު، އޭގެ އިރުކޮޅެއް ކުރިން އޭނާ ޖެހި ގޯލެއް ވީޑިއޯ އެސިސްޓަންޓް ރެފްރީ (ވީއޭއާރް) އިން ނިންމީ ގޯލެއް ނޫން ކަމަށެވެ. އެއީ، އަތުގައި ބޯޅަ ޖެހުނު ކަމަށް ނިންމައިފަ އެވެ. ޖެހި ގޯލު ވެސް ބަލައިގަންނަން ނިންމީ ވީއޭއާރް އިން ބަލައިފަ އެވެ.

ފޮރެސްޓްގެ ކޯޗުކަމާ ވިޓޯ ޕެރެއިރާ ހަވާލުވެ، އަމިއްލަ ދަނޑުގައި ލީގުގައި ކުޅުނު ފުރަތަމަ މެޗުން ބަލިވިއިރު، ލިވަޕޫލަށް މިއީ ގަދަ ފަހެއްގައި ނިންމައި އަންނަ ސީޒަނުގެ ޗެމްޕިއަންސް ލީގަށް ކޮލިފައިވުމަށް މުހިންމު ނަތީޖާއެކެވެ.

Advertisement

ލިވަޕޫލްގެ މެކް އަލިސްޓާ ލަނޑު ޖެހުމަށް ފަހު އުފާފާޅުކުރަނީ.---- ފޮޓޯ: ގެޓީއިމޭޖަސް

ލީގުގައި ޖެހިޖެހިގެން ދެ މެޗުން އެއްވަރުވެފައި އޮވެފައި، އާސެނަލުން ރޭގެ މެޗަށް ނުކުމެ ޓޮޓެންހަމް ބަލިކޮށް ވަނީ ދެ ވަނައިގައި އޮތް މެންޗެސްޓާ ސިޓީ އަށް ވުރެން އެއް މެޗު އިތުރަށް ކުޅެ، ފަސް ޕޮއިންޓުގެ ލީޑެއް ނަގައިފަ އެެވެ. އާސެނަލަށް 28 މެޗުން 61 ޕޮއިންޓް ލިބިފައިވާއިރު، ސިޓީ އަށް 27 މެޗުން ވަނީ 56 ޕޮއިންޓް ލިބިފަ އެވެ. އެސްޓަން ވިލާ، ތިނެއްގައި އޮތީ 27 މެޗުން 51 ޕޮއިންޓާ އެކު އެވެ. ހަތަރެއްގައި އޮތް ޗެލްސީ އާއި ފަސް ވަނައިގައި އޮތް މެންޗެސްޓާ ޔުނައިޓެޑް އަދި ހަ ވަނައިގައި އޮތް ލިވަޕޫލަށް ވަނީ 45 ޕޮއިންޓް ލިބިފަ އެވެ. އަދި، މީގެ ތެރެއިން ޗެލްސީ އާއި ލިވަޕޫލުން 27 މެޗުން ކުޅުނުއިރު، ޔުނައިޓެޑް ކުޅުނީ 26 މެޗެވެ.

އާސެނަލުން ލީޑުނެގީ އެބްރެޗީ އެޒޭ ޖެހި ގޯލުންނެވެ. އާސެނަލް ދަނޑުގައި، މިދިޔަ ނޮވެމްބަރު މަހު ޓޮޓެންހަމް ކޮޅަށް ހެޓްރިކް ހެދި ފަހުން، އެޒޭ ގޯލެއް ނުޖަހައި ހުރުމަށް ފަހު، އަނެއްކާ ވެސް ލަނޑު ޖަހާފައިވަނީ ޓޮޓެންހަމް ކޮޅަށެވެ. އެކަމަކު، ރޭގެ މެޗުގައި އެޒޭގެ ގޯލުން 32 ވަނަ މިނިޓްގައި އާސެނަލުން ލީޑުނެގި ނަމަވެސް، އޭގެ ދެ މިނިޓް ފަހުން ޕްރިމިއާ ލީގުގައި ރަންޑަލް ކޯލޯ މުއާނީ ޖެހި ފުރަތަމަ ލަނޑުން ޓޮޓެންހަމް އިން އެއްވަރުކުރި އެވެ.

ދެ ވަނަ ހާފުގައި ވިކްޓަ ޔޯކެރޭޝްގެ ލަނޑުން އާސެނަލުން އަލުން ލީޑުނެގިއިރު، މި ފަހަރު އެއްވަރުކޮށްދޭން މުއާނީ ޖެހި ލަނޑު ބަލައިނުގަތީ ފައުލެއް ކަމަށް ނިންމައިފަ އެެވެ. އާސެނަލަށް ތިން ވަނަ ލަނޑު ޖަހައިދިނީ ވެސް މެޗުގަައި މޮޅަށް ކުޅުނު އެޒޭ އެވެ. ޓޮޓެންހަމްގެ ރިޗާލިސަން ޖެހި ބޯޅައެއް ގޯލު ރޮނގުމަތިން އާސެނަލްގެ ކީޕަރު ޑޭވިޑް ރާޔާ މަތަކުރިއިރު، އިތުރު ވަގުތުގައި މާޓިން އޮޑެގާޑް ދިން ބޯޅައަކުން ޔޯކެރޭޝް ވަނީ އާސެނަލްގެ ހަތަރު ވަނަ ލަނޑު ޖަހައިފަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox