ސުޕްރީމް ކޯޓުގެ ފަނޑިޔާރު އަލީ ރަޝީދުގެ މައްސަލަތަކެއް އޭސީސީއަށް ހުށަހަޅައިފި

ސުޕްރީމް ކޯޓުގެ ފަނޑިޔާރު އަލީ ރަޝީދު: އޭނާއާ ދެކޮޅަށް އޭސީސީއަށް މައްސަލަތަކެއް ވަނީ ހުށަހަޅާފައި -- ފޮޓޯ: ސުޕްރީމް ކޯޓު

ސުޕްރީމް ކޯޓުގެ ފަނޑިޔާރު އަލީ ރަޝީދު: އޭނާއާ ދެކޮޅަށް އޭސީސީއަށް މައްސަލަތަކެއް ވަނީ ހުށަހަޅާފައި -- ފޮޓޯ: ސުޕްރީމް ކޯޓު

ސުޕްރީމް ކޯޓުގެ ފަނޑިޔާރު އަލީ ރަޝީދު ހުސައިންގެ މައްސަލަތަކެއް އެންޓި ކޮރަޕްޝަން ކޮޕިޝަން (އޭސީސީ) އަށް ހުށަހަޅައިފި އެވެ.

އަދަދު އަށް އެނގިފައިވާ ގޮތުގައި އޭސީސީއަށް ހުށަހެޅީ އަލީ ރަޝީދު ސުޕްރީމް ކޯޓުގެ ވަސީލަތްތައް ބޭނުންކޮށްގެން އަމިއްލަ ކަންކަން ކުރާ މައްސަލަތަކެވެ.

މިގޮތުން އޭސީސީއަށް ހުށަހެޅި މައްސަލަތަކުގެ ތެރޭގައި އަލީ ރަޝީދު ސުޕްރީމް ކޯޓުގެ މުވައްޒަފުން ބޭނުންކޮށްގެން އަމިއްލަ ބައެއް މަސައްކަތްތައް ކުރުވުން ވެސް ހިމެނެ އެވެ.

ސުޕްރީމް ކޯޓުގައި ރަސްމީ މަސައްކަތަށް އަލީ ރަޝީދު ބޭނުންކުރައްވާ ކޮޓަރިކޮޅުގައި ދަރިންގެ ފޮތުގައި ސެލޯފެން ލައްވައި، ނަންކޮޅު ޕްރިންޓްކުރުމުގެ އިތުރުން އާއިލާ ބައެއް މީހުންގެ އަމިއްލަ ތަކެތި ޕްރިންޓުކުރާ ކަމަށް ވެސް އެ މައްސަލަތަކުގައިވެ އެވެ.

ސުޕްރީމް ކޯޓުގައި އަލީ ރަޝީދަށް ރަސްމީ މަސައްކަތް ކުރުމަށް ހަވާލުކޮށްފައިވާ ލެޕްޓޮޕާއި، ކޮމްޕިއުޓަރު ބޭނުންކޮށްގެން ރަސްމީ ވަގުތުތަކުގައި ކޯސްތައް ފުރިހަމަ ކުރައްވާ ކަމަށް ވެސް ތުހުމަތުކޮށްފައިވެ އެވެ.

ތުހުމަތުތަކުގެ ތެރޭގައި ސުޕްރީމް ކޯޓުގެ ސިއްކަ އަލީ ރަޝީދު އަމިއްލަ ބޭނުމަށް ބޭނުންކުރައްވާ ކަމަށްވެ އެވެ. އެގޮތުން ގާތްތިމާގެ މީހުންނާއި އަމިއްލަ ލިޔުންތަކުގައި އަސްލާ އެއްގޮތަށް ތަތްގަނޑު ޖަހާ ކަމަށް ތުހުމަތުކޮށްފައިވެ އެވެ.

މިކަމާ ގުޅިގެން އޭސީސީގެ ބަހެއް މިހާތަނަށް ލިބިފައެއް ނުވެ އެވެ.

ސިޔާސީ ޕާޓީތަކަށް ރައްޔިތުންގެ މަޖިލީހުގެ މެންބަރުންގެ ގޮނޑި ގެއްލުވައިލެވޭ ގޮތަށް ގާނޫނުއަސާސީއަށް ގެނައި ބަދަލު ބާތިލު ކުރަން ހުށަހެޅި މައްސަލައިގެ ޝަރީއަތަށް ހުރަސް އެޅޭ ގޮތަށް އަލީ ރަޝީދު މަސައްކަތް ކުރެއްވި ކަމަށް ބުނެ މިދިޔަ އަހަރުގެ މާޗު މަހު ވެސް އޭނާއާ ދެކޮޅަށް ޖޭއެއެސްސީއަށް މައްސަލައެއް ހުށަހެޅި އެވެ.

އެ މައްސަލަ މިހާރު ގޮސްފައި އޮތް ހިސާބެއް ޖޭއެސްސީން ސާފުކޮށްދީފައެއް ނުވެ އެވެ.

ސުޕްރީމް ކޯޓުގެ ބެންޗަށް ސެޕްޓެމްބަރު، 2020، ގައި އަލީ ރަޝީދު ވަނީ މީގެކުރިން ކްރިމިނަލް ކޯޓާއި ސިވިލް ކޯޓާއި ޑްރަގް ކޯޓުގައި ގާޒީކަން ކުރައްވާފަ އެވެ. އޭގެ ތެރެއިން ސިވިލް ކޯޓުގެ އިސް ގާޒީކަން ވެސް އަލީ ރަޝީދު ކުރެއްވި އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox