ސަރުކާރުގެ ކެންޑިޑޭޓުން ގާނޫނަށް ބެލުމެއް ނެތި ހަމައެކަނި ކުރާނީ މުއިއްޒު ބުނާ ކަންކަން: ސޯލިހު

ކުރީގެ ރައީސް ސޯލިހު: އެމްޑީޕީގެ ކެންޑިޑޭޓުން މަސައްކަތްކުރާނީ ގާނޫނާ އެއްގޮތަށް ރައްޔިތުންނަށް ކަމަށް ސޯލިހު ވިދާޅުވި -- ފޮޓޯ: އެމްޑީޕީ

ކުރީގެ ރައީސް ސޯލިހު: އެމްޑީޕީގެ ކެންޑިޑޭޓުން މަސައްކަތްކުރާނީ ގާނޫނާ އެއްގޮތަށް ރައްޔިތުންނަށް ކަމަށް ސޯލިހު ވިދާޅުވި -- ފޮޓޯ: އެމްޑީޕީ

ކުރިއަށް އޮތް ކައުންސިލް އިންތިހާބުގައި ވާދަކުރާ ސަރުކާރު ހިންގާ ޕީޕަލްސް ނެޝަނަލް ކޮންގްރެސް (ޕީއެންސީ) ގެ ކެންޑިޑޭޓުން ގާނޫނަށް ބެލުމެއް ނެތި ކުރާނީ ރައީސް މުހައްމަދު މުއިއްޒު ބުނާ ކަމެއް އެކަނި ކަމަށް ކުރީގެ ރައީސް އިބްރާހިމް މުހައްމަދު ސޯލިހު ރޭ ވިދާޅުވެއްޖެ އެވެ.

އެމްޑީޕީން ޅ. ނައިފަރުގައި ބޭއްވި ޖަލްސާގައި ސޯލިހު ވިދާޅުވީ ސަރުކާރުގެ ކެންޑިޑޭޓުން ގާނޫނަށް ބެލުމެއް ނެތި ކުރާނެ ހަމައެކަނި ކަމަކީ މުއިއްޒު ބުނާ ކަންތައްތައް ކަމަށެވެ. ނަމަވެސް އެއާ ހިލާފަށް އެމްޑީޕީގެ ކެންޑިޑޭޓުން މަސައްކަތްކުރާނީ ގާނޫނާ އެއްގޮތަށް ރައްޔިތުންނަށް ކަމަށް ސޯލިހު ވިދާޅުވި އެވެ.

"އެބޭފުޅުންނަށް ކުރެއްވޭނެ ކަމަކީ ހަމައެކަނި ރައީސް މުއިއްޒު ވިދާޅުވާ ކަމެއް އެކަނި. އެހެން އެއްވެސް ކަމެއް ނުކުރެވޭނެ. ގާނޫނަކަށް ގާނޫނު އަސާސީއަކަށް ބެލުމެއް ނެތް. އެހެންނަމަވެސް އަޅުގަނޑުމެންގެ ކެންޑިޑޭޓުންނަކީ މިދެންނެވިހެން ގާނޫނުގައި އެއޮތްގޮތަށް ރައްޔިތުންނަށް މަސައްކަތް ކޮށްދޭން އަންނަ ބައެއް. މިއީ މި ދެ ޕާޓީގެ އޮތް ތަފާތަކީ،" ސޯލިހު ވިދާޅުވި އެވެ.

Advertisement

ކައުންސިލް އިންތިހާބުގައި ވާދަކުރާ އެމްޑީޕީ އާއި ޕީއެންސީގެ ކެންޑިޑޭޓުންގެ ތަފާތަކީ ހަމައެކަނި ގެންގުޅުއްވާ ސިޔާސަތުތައްކަން ފާހަގަކުރައްވާ ސޯލިހު ވިދާޅުވީ ޕީއެންސީގެ ސަރުކާރެއް ވެރިކަމުގައި އޮވެގެން ލާމަރުކަޒީ ނިޒާމު ނުހިންގޭނެ ކަމަށެވެ.

"ހަގީގީ މައްސަލައަކީ ސިޔާސަތުތައް. ކެންޑިޑޭޓުންނެއް ނޫން. ކެންޑިޑޭޓުންނަށްވުރެ ބޮޑަށް ސިޔާސަތުތަކުގެ މައްސަލަ މިއުޅެނީ. އެހެންވީމަ ޕީއެންސީގެ ސަރުކާރެއް އޮވެގެންނެއް ލާމަރުކަޒީ ނިޒާމެއް ނުހިންގޭނެ،" ސޯލިހު ވިދާޅުވި އެވެ.

މިގޮތުން ސޯލިހު ވިދާޅުވީ މުއިއްޒުގެ ސަރުކާރުން ހުރިހާ ބާރުތަކެއް މުށުތެރެއަށްލައި ޖީބަށް ޖަހައިގެން މަސައްކަތް ކުރާ ކަމަށާއި އެއީ މި ސަރުކާރުގެ ސިޔާސަތުތަކާމެދު ވިސްނަންޖެހޭވަރުގެ ކަމެއް ކަމަށެވެ.

މީގެއިތުރުން މުއިއްޒުގެ ސަރުކާރުގައި ރަށްތަކަށް ދީފައި ހުރި ބާރުތައް އެއްކޮށް ޖަމާކޮށް ގާނޫނަށް ބަދަލުތަކެއް ގެނެސްފައިވާ ކަމަށާއި އެއަށްފަހު ސަރުކާރުގެ ކެންޑިޑޭޓުން ނެރެގެން ކުރައްވަން އުޅެނީ ކޮން ކަމެއްތޯ ސޯލިހު ސުވާލު އުފެއްދެވި އެވެ.

"ކުރިން ދީފައި ހުރި ބާރުތައް ވެސް އެއްކޮށްގެން މުށުތެރެއަށް، ޖީބަށް އެ ހުރިހާ ބާރުތަކެއް ޖަހައިގެން އެ މަސައްކަތް ކުރައްވަން އުޅުއްވަނީ. އެހެންވީމަ، އެހެންވީމަ އަޅުގަނޑުމެން އެއާ ދޭތެރެގައި، މި ސަރުކާރުގެ ސިޔާސަތުތަކާ ދޭތެރޭގައި ވިސްނަން ޖެހެނީ،" ސޯލިހު ވިދާޅުވި އެވެ.

"ރައީސް ޑރ. މުހައްމަދު މުއިއްޒުވެސް ކުރައްވަމުން ގެންދަވާ ކަންތައްތަކަކީ ރަށްރަށަށް ދީފައި ހުރި ބާރުތައް އެއްކޮށް ޖަމާކުރުން. ގާނޫނަށް އެތައް ބަދަލުތަކެއް ގެނެސްފި. އެއަށްފަހުގައި ކައުންސިލަށް ކުރިމަތިލައްވައިގެން ދެން ކުރައްވަން އެއުޅެނީ ކޮން ކަމެއްތޯ. ކެންޑިޑޭޓުން ނެރެގެން ކުރައްވަން އެއުޅެނީ ކޮން ކަމެއްތޯ."

ސޯލިހު ވިދާޅުވީ ކައުންސިލް އިންތިހާބުގައި ލާމަރުކަޒީ ނިޒާމުގެ ބޭނުން އެންމެ ހެޔޮ ގޮތުގައި ހިފާ އެމްޑީޕީގެ ކެންޑިޑޭޓުންނަށް ވޯޓު ދޭން ޖެހޭ ކަމަށެވެ. މިގޮތުން މިދިޔަ ސަރުކާރުގައި ކައުންސިލްތަކަށް ބާރުވެރިކަން ދިނުމުން އޭގެ ހެޔޮ ބަދަލުތައް ވެސް ފެނުނު ކަމަށް ސޯލިހު ފާހަގަކުރެއްވި އެވެ.

މުއިއްޒުގެ ސަރުކާރު ވެރިކަމަށް އައި ފަހުން ލާމަރުކަޒީ ނިޒާމަށް ބޮޑެތި ބަދަލުތަކެއް ވަނީ ގެނެސްފަ އެވެ. އެގޮތުން ކައުންސިލްތަކުގެ ފަހު އަހަރު ގިނަ މަސައްކަތްތައް ނުކުރެވޭ ގޮތަށް ވެސް ގާނޫނު އިސްލާހުކޮށްފައިވާއިރު، އެކަމާ ދެކޮޅަށް ގިނަ ކައުންސިލްތަކުން ތެދުވުނެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox