ޒަރިޔަންދު: "މާލޭގެ ކުނި އުކުމުގެ ޒިންމާ އޮތީ ސިޓީ ކައުންސިލަށް، އަގު ހެޔޮކޮށްދޭނަން"

ޒަރިޔަންދު ސަޕޯޓަރުންނާއެކު -- ފޮޓޯ: އަދަދު

ޒަރިޔަންދު ސަޕޯޓަރުންނާއެކު -- ފޮޓޯ: އަދަދު

މާލޭގެ ކުނި އުކާލުމުގެ ނިޒާމަށް ބޮޑެތި ބަދަލުތަކެއް ގެނެސް، ހާއްސަކޮށް ނިކަމެތި އާއިލާތަކަށް އެ ހިދުމަތުގެ އަގު ހެޔޮކޮށްދޭނެ ކަމުގެ ޔަގީންކަން މާލޭ ސިޓީގެ މޭޔަރު ކަމަށް އަމިއްލަ ގޮތުން ވާދަކުރައްވާ އިސްމާއީލް ޒަރިޔަންދު މިއަދު ދެއްވައިފި އެވެ.

"އަދަދު" ނޫހަށް ދެއްވި އިންޓަވިއުގައި ޒަރިޔަންދު ވިދާޅުވީ، މާލޭގެ ކުނި އުކާލުމަކީ ހަމައެކަނި ވެމްކޯގެ ޒިންމާއެއް ކަމަށް އާންމުންނަށް ހީވެފައި އޮތުމަކީ އޮޅުމެއް ކަމަށެވެ. ގާނޫނުއަސާސީ އާއި ލާމަރުކަޒީ ގާނޫނު ބަޔާންކުރާ ގޮތުން، މާލޭގެ ކުނި މެނޭޖުކުރުމުގެ އަސްލު ގާނޫނީ ޒިންމާ އޮތީ މާލޭ ސިޓީ ކައުންސިލަށް ކަން އޭނާ ފާހަގަކުރެއްވި އެވެ.

ޒަރިޔަންދު ވިދާޅުވި ގޮތުގައި، މިހާރު އާންމު ފަރުދަކު އަމިއްލައަށް ކުނިކޮޅެއް އުކާލަން ޖެހުނަސް އެވްރެޖްކޮށް 600 ރުފިޔާއަށް ވުރެ ބޮޑު ހޭދައެއް ކުރަންޖެހެ އެވެ. ދިރިއުޅުމުގެ އަގުތައް އިންތިހާއަށް އުފުލެމުންދާ ދަނޑިވަޅެއްގައި، މިއީ އާންމު ރައްޔިތުންނަށް، ހާއްސަކޮށް ނިކަމެތިންނަށް އުފުލޭވަރުގެ ބުރައެއް ނޫން ކަމަށް އޭނާ ވިދާޅުވި އެވެ.

Advertisement

"އެންމެ މުއްސަނދި މީހާއަށް ކުނި އުކާލަން 1,000 ރުފިޔާ ދެއްކުނަސް، ނިކަމެތިންނަށް މިވަރުގެ ބޮޑު އަގެއް ދެއްކުމަކީ ބޮޑު ތަކުލީފެއް. ވެމްކޯއިން ނަގަމުންދާ ބޮޑު އަގު ކުޑަކުރުމުގެ އެންމެ ބޮޑު ޒިންމާ އޮތީ ސިޓީ ކައުންސިލަށް،" ޒަރިޔަންދު ވިދާޅުވި އެވެ.

މޭޔަރުކަމަށް އިންތިހާބުވެވަޑައިގެންފި ނަމަ، ގެންނަވާނެ އެއް ބަދަލަކީ ސިޓީ ކައުންސިލްގެ އަމިއްލަ ކުންފުންޏެއް ނުވަތަ ސަބްސިޑިއަރީއެއް އުފެއްދުން ކަމަށް ޒަރިޔަންދު ވިދާޅުވި އެވެ. އެއަށް ފަހު އޭނާގެ ރޭވުމަކީ މާލޭގެ ކުނި އުކާލުމުގެ މަސައްކަތް ކުރުމަށް ކައުންސިލްގެ 20 ޕަސެންޓު ހިއްސާ ހިމެނޭ ގޮތަށް ވެމްކޯއާއެކު މަސައްކަތް ކުރުން ކަމަށް އޭނާ ވިދާޅުވި އެވެ.

"ސިޓީގެ ރައްޔިތުންގެ ތެރެއިން އެންމެ ނިކަމެތި ރައްޔިތުންނަށް ކުނި ނައްތާލުމުގައި ދިމާވާ މާލީ ދަތިތަކަށް ރިޢާޔަތްކޮށް މިވަގުތު އެ މަސައްކަތްކުރާ ސަރުކާރުގެ ކުންފުންޏާއިއެކު ސިޓީ ކައުންސިލުން ވެފައިވާ އެއްބަސްވުމެއްވާނަމަ، އެ އެއްބަސްވުމެއް މުރާޖާއަ ކުރަންޖެހޭ. ނުވަތަ އެފަރާތްތަކަށް ދޭ ހިދުމަތުގެ އަގު ކުޑަކުރުމުން މާލީ ގެއްލުމެއް ހިމެނޭނަމަ ވެމްކޯއާ ގުޅިގެން ސިޓީކައުންސިލްގެ 20 ޕަސެންޓު ހިއްސާ ހިމެނޭ ސަބްސިޑިއަރީއެއް ގާއިމުކުރުމުގެ މަސައްކަތް ކުރެވޭނެ،" އޭނާ ވިދާޅުވި އެވެ.

ވެމްކޯއާއެކު މިހާރު ވެފައިވާ އެއްބަސްވުންތައް މުރާޖާކޮށް، ރައްޔިތުންނަށް ދޭ ހިދުމަތުގެ އަގު ކުޑަކުރާނެ ކަމަށް ވެސް އޭނާ ވިދާޅުވި އެވެ.

މި ބަދަލުތައް ގެނައުމަށް ގާނޫނީ ހުރަހެއް ނެތްކަން ހާމަކުރައްވަމުން ޒަރިޔަންދު ވަނީ ލާމަރުކަޒީ ގާނޫނުގެ 75 ވަނަ މާއްދާ އާއި ކުނި މެނޭޖުކުރުމުގެ ގާނޫނުގެ 22 ވަނަ މާއްދާއަށް ރިއާޔަތްކުރައްވާފަ އެވެ. އެ ގާނޫނުތަކުގެ ދަށުން ކުނި އުކާލުމުގެ އޮޕަރޭޝަނަލް ޕްލޭން ހަދައި، ފީ ނެގުމުގެ އިހުތިޔާރު ލިބިގެންވަނީ ސިޓީ ކައުންސިލަށް ކަމަށް އޭނާ ފާހަގަ ކުރެއްވި އެވެ.

ޒަރިޔަންދު ވައުދުވެވަޑައިގަތީ، އޭނާގެ މޭޔަރުކަމުގައި މާލޭގެ ރައްޔިތުންނަށް ކުނި އުކާލުމުގެ ހިދުމަތަކީ މާލީ ބުރައަކަށް ނުވާނެ ގޮތަށް ނިޒާމު ތަރުތީބުކޮށްދެއްވާނެ ކަމަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox