އެފްއޭ ކަޕް: ލިވަޕޫލް، ސިޓީ އަދި ނިއުކާސަލް ގަދަ 16 އަށް

Feb 15, 2026, 4:58 AM
އެފްއޭ ކަޕް: ލިވަޕޫލް، ސިޓީ އަދި ނިއުކާސަލް ގަދަ 16 އަށް

ލަންޑަން (ފެބްރުއަރީ 15) - އިނގިރޭސި އެފްއޭ ކަޕްގެ ހަތަރު ވަނަ ބުރުގައި ކުޅުނު މެޗުތަކުން މޮޅުވެ، ލިވަޕޫލާއި މެންޗެސްޓާ ސިޓީ އަދި ނިއުކާސަލް ޔުނައިޓެޑުން ގަދަ 16 ބުރުގެ ޖާގައެއް ޔަގީންކޮށްފި އެވެ.

ރޭ އަމިއްލަ ދަނޑުގައި ލިވަޕޫލުން 3-0 އިން ބްރައިޓަން އަތުން މޮޅުވިއިރު، ސިޓީން ވަނީ 2-0 އިން ސަލްފޯޑް ސިޓީ ބަލިކޮށްފަ އެވެ. އަދި، އެސްޓަން ވިލާ ދަނޑުގައި ނިއުކާސަލް އިން ކުރިހޯދީ 3-1 އިންނެވެ.

ލިވަޕޫލުން ރޭގެ މެޗުގައި ފުރަތަމަ ހާފު ނިމުމުގެ ކުރިން ލީޑުނެގީ މިލޯސް ކާކޭޒް ދިން ބޯޅައަކުން ކާޓިސް ޖޯންސް ޖެހި ލަނޑުންނެވެ. ދެ ވަނަ ހާފުގެ ކުރީކޮޅުގައި ޑޮމިނިކް ސޮބޯސްލާއި ވަނީ ލަނޑެއް ޖަހައި، ލިވަޕޫލްގެ ލީޑުފުޅާކޮށްދީފަ އެވެ. އަދި، އޭގެ ފަހުން، މުހައްމަދު ސަލާހު ވަނީ ޕެނަލްޓީއެއް ހޯދައި، އޭގެއިން ލިވަޕޫލްގެ ތިން ވަނަ ލަނޑު ޖަހައިފަ އެވެ.

ސިޓީން ރޭ ލީޑުނެގީ ސަލްފޯޑުގެ އަލްފީ ޑޮރިންޓަން އަތުން ބައިކޮޅަށް ފުރަތަމަ ހާފުގައި ވަން ގޯލުންނެވެ. އަދި، ދެ ވަނަ ހާފުގައި، ސިޓީން ދެ ވަނަ ލަނޑު ޖެހީ މެޗުގެ ފަހުކޮޅުގަ އެެވެ. މިއީ، ޖެނުއަރީ ޓްރާންސްފާގައި އެ ޓީމަށް ގެނައި އިނގިރޭސި ޑިފެންޑަރު މާކް ގޭހީ ޖެހި ގޯލެކެވެ.

ނިއުކާސަލް އިން ރޭގެ މެޗުން މޮޅުވިއިރު، މި މެޗުގައި ލީޑުނެގީ އެސްޓަން ވިލާ އިންނެވެ. ޓަމީ އަބްރަހަމްގެ ލަނޑުން ލީޑުނެގި ނަމަވެސް، ފުރަތަމަ ހާފުގައި އެސްޓަން ވިލާގެ ކީޕަރު، މާކް ބިޒޯ އަށް ރަތެއް ދެއްކުމުން އެ ޓީމުން މެޗުގެ ބާކީ ބައި ކުޅުންތެރިއަކު މަދުކޮށް ކުޅެން ޖެހުނެވެ. ދެ ވަނަ ހާފުގައި އޭގެ ފައިދާނަގައި، ނިއުކާސަލް އިން ތިން ލަނޑު ޖެހި އެވެ. އެ ޓީމުގެ ލަނޑުތައް ޖެހީ، ސަންޑްރޯ ޓޮނާލީ ދެ ގޯލާއި ނިކް ވޯލްޓަމާޑާ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox