ޗެމްޕިއަންސް ލީގަށް ކޮލިފައިނުވާނަމަ މިއީ ދަށް ސީޒަނެއް: ސްލޮޓް

Feb 11, 2026, 5:30 AM
ޗެމްޕިއަންސް ލީގަށް ކޮލިފައިނުވާނަމަ މިއީ ދަށް ސީޒަނެއް: ސްލޮޓް

ލަންޑަން (ފެބްރުއަރީ 11) - މި ފަަހަރުގެ އިނގިރޭސި ޕްރިމިއާ ލީގުގައި ރަނގަޅު ހިސާބެއްގައި ނިންމައިގެން އަންނަ ސީޒަނުގެ ޗެމްޕިއަންސް ލީގަށް ލިވަޕޫލް ކޮލިފައިނުވެއްޖެނަމަ މިއީ ލިވަޕޫލަށް ދަށް ސީޒަނެއް ކަމަށް އެ ޓީމުގެ ކޯޗަކަށް ހުރި ނެދަލެންޑްސްގެ އާނާ ސްލޮޓް ބުނެފި އެވެ.

ޗެމްޕިއަންސް ލީގަށް އާންމު ގޮތެއްގައި، ޕްރިމިއާ ލީގުން ހަތަރު ޓީމު ކޮލިފައިވާއިރު، މި ފަހަރުގެ ލީގުގެ ގަދަ ފަހަކަށް ޗެމްޕިއަންސް ލީގުގެ ޖާގަ ލިބެ އެވެ.

މި ވަގުތުގެ ޕޮއިންޓް ތާވަލަށް ބަލާއިރު، ހަތަރެއްގައި އޮތް މެންޗެސްޓާ ޔުނައިޓެޑަށް 26 މެޗުން 45 ޕޮއިންޓް ލިބިފައިވާއިރު، ޗެލްސީ، ފަސް ވަަނައިގައި އޮތީ 26 މެޗުން 44 ޕޮއިންޓާ އެކު އެވެ. ހަ ވަނައިގައި އޮތް ލިވަޕޫލަށް 25 މެޗުން 39 ޕޮއިންޓް ލިބިފައިވާއިރު، ހަތް ވަނައިގައި އޮތް ބްރެންޓްފޯޑަށް ވެސް ވަނީ 25 މެޗުން 39 ޕޮއިންޓް ލިބިފަ އެވެ. ލިވަޕޫލުން މިރޭ ސަންޑަލެންޑާ ކުޅޭއިރު، ބްރެންޓްފޯޑުން ބައްދަލުކުރާނީ ލީގުގެ އެއް ވަނައިގައި އޮތް އާސެނަލާ އެވެ.

Advertisement

ސަންޑަލެންޑާ ދެކޮޅަށް ކުޅޭ މެޗުގެ ކުރިން ސްލޮޓް ބުނެފައިވަނީ، ލީގުގައި ބާކީ ހުރި މެޗުތަކުގައި ވަރަށް ރަނގަޅަށް ކުޅެގެން ނޫނީ އަންނަ ސީޒަނުގެ ޗެމްޕިއަންސް ލީގުގެ ޖާގަ ޔަގީންކުރަން އުނދަގޫވާނެ ކަމަށެވެ.

"އަހަރެމެންނަށް އަންނަ ސީޒަނުގެ ޗެމްޕިއަންސް ލީގުގެ ފުރުސަތު ނުލިބިއްޖެނަމަ، މިއީ، އަހަރެމެންނަށް ރަނގަޅު ސީޒަނެއް ނޫން،" ސްލޮޓް ބުންޏެވެ.

ލިވަޕޫލްގެ ކޯޗަކަށް ނުވަ އަހަރު ހުރި ޔާގަން ކްލޮޕް އެ ޓީމު ދޫކޮށްލުމުން، އެ ޒިންމާއާ ހަވާލުވެ، ފުރަތަމަ ސީޒަނުގައި ސްލޮޓް ވަނީ ލިވަޕޫލަށް އިނގިރޭސި ޕްރިމިއާ ލީގުގެ ޗެމްޕިއަންކަން ހޯދައިދީފަ އެވެ. އަދި، އޭގެ ފަހުން، މި ސީޒަނުގައި ޓީމު ވަރުގަދަކުރަން 500 މިލިއަން ޑޮލަރަށް ވުރެން އިތުރަށް ހަރަދުކުރި ނަމަވެސް، ލިވަޕޫލްގެ ނަތީޖާ ވަނީ ވަރަށް ބޮޑަށް ދަށަށް ގޮސްފަ އެވެ. އަދި، މި ދަށް ނަތީޖާތަކާ ހުރެ، ސްލޮޓަށް ވަނީ މަގާމުގެ ޕްރެޝަރު ވެސް ބޮޑުވެފަ އެވެ.

މި ސީޒަނުގައި ލީގުގައި ކުޅުނު މެޗުތަކުން 11 މެޗުން މޮޅުވިއިރު، އަށް މެޗުން ބަލިވެ، ހަ މެޗުން ވަނީ އެއްވަރުވެފަ އެވެ. ކުރިން ފެޔަނޫޑަށް ކޯޗުކޮށްދިން ސްލޮޓް ބުނީ، މިއީ ކޯޗިން ކެރިއަރުގައި އޭނާ އަށް އެންމެ ޗެލެންޖިން ސީޒަން ކަމަށެވެ.

ލިވަޕޫލާ ދެކޮޅަށް މިރޭގެ މެޗުގައި ކުޅޭ ސަންޑަލެންޑުން އަދި މި ސީޒަނުގައި އަމިއްލަ ދަނޑުގައި ލީގުގެ މެޗަކުން ބަލިވެފައިނުވެ އެވެ. މި އަހަރު (2026) ފެށި ފަހުން ލީގުގައި ލިވަޕޫލަށް ލިބުނީ އެންމެ މޮޅެކެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox