މީޑިއާ ކޮމިޝަނުން މަސައްކަތް ކުރަނީ ސިޔާސީ ނުފޫޒެއްގެ ދަށުން ކަމަށް އަދަދު އިން ބުނެފި

މީޑިއާ ކޮމިޝަނުން މަސައްކަތް ކުރަނީ ސިޔާސީ ނުފޫޒެއްގެ ދަށުން ކަމަށް އަދަދު އިން ބުނެފި

އަދަދު ނޫހުން ޝާއިއުކުރި ސިޔާސީ ކާޓޫނެއް ނަގަން މޯލްޑިވްސް މީޑިއާ އެންޑް ބްރޯޑްކާސްޓިން ކޮމިޝަނުން އެންގި އެންގުމަކީ ސިޔާސީ ނުފޫޒެއްގެ ދަށުން އަންގާފައިވާ އެންގުމަކަށްވާތީ އާއި އެ ކޮމިޝަނުން ހަވާލާދިން ގާނޫނީ މާއްދާތަކާ އެ ކާޓޫން ހިލާފުވާ ކަމަށް ނުބެލެވޭތީ އެ ކާޓޫން ނުނެގުމަށް އެ ނޫހުން ނިންމައިފި އެވެ.

އެ ކާޓޫނުގެ މައްސަލަ ބަލަމުންދާކަން ކޮމިޝަނުން އެންގީ މިދިޔަ ބުރާސްފަތި ދުވަހުގެ އޮފީސްތަކުގެ ރަސްމީ ގަޑި ނިމި އިރުއޮއްސެން ކައިރިވެފައި ވަނިކޮށް 17:30 ގަ އެވެ. އެ މައްސަލަ ބަލައި ނިމެންދެން ކާޓޫން ނަގައި ކާޓޫން ސެގުމެންޓު އެއްކޮށް ހުއްޓާލުމަށް ކޮންޓްރޯލް ކޮމިޝަނުން އެންގި އެވެ.

އެ ކޮންޓެންޓު އިސްލާމް ދީނުގެ އަސްލަކާ ހިލާފު ކަމަށް 'ތުހުމަތު ކުރެވި' އެ ގޮތަށް ނިންމި ގާނޫނީ ސަބަބުތައް ކޮންޓްރޯލް ކޮމިޝަނުން ސާފުކޮށްދިނުމަށް އަދަދު ނޫހުން އެދުނު ނަމަވެސް އެ ސަބަބުތައް ސާފުކޮށް ދެވިފައެއް ނުވެ އެވެ.

Advertisement

ކޮންޓްރޯލް ކޮމިޝަނަށް އަދަދު ނޫހުން ފޮނުވި ޖަވާބުގައި ވަނީ އެ ކޮމިޝަނުން ހަވާލާދީފައިވާ ގާނޫނީ މަސްދަރަކާ ކާޓޫން ހިލާފު ނުވާ ކަމަށް ދެކޭ އަސާސްތައް ހިމަނާފަ އެވެ.

"މި ކާޓޫންއިން ދައްކައިދެނީ، ރާއްޖޭގައި ވައްކަން އާންމުވެފައިވާ މިންވަރެވެ. އަދި ކޮރަޕްޝަންގެ ދިފާއުގައި ދީން ބޭނުންކުރަމުންދާ މިންވަރު ރާއްޖޭގައި އާދަޔާ ހިލާފު އާންމު ކަމަކަށްވެފައިވާކަމެވެ. ޚުދު މި ކާޓޫންއާމެދު ފިޔަވަޅު އެޅުމުގައި ކޮމިޝަނުން ދީން ބޭނުންކުރާ ގޮތަކީ މިކަމުގެ އެންމެ އަލިގަދަ އެއް ހެއްކެވެ،" އެ ސިޓީގައި ބުނެފައިވެ އެވެ.

ހަމައެހެންމެ، ކޮމިޝަނުން ކާޓޫނާ މެދު ފިޔަވަޅު އެޅުމަށް ބަހަނާއަކަށް ދީން ހަދަނީ، މި ކާޓޫންއިން ވަކި ސިޔާސީ މީހަކު ސިފަވާކަމަށް ކޮމިޝަނަށް ގަބޫލުކުރެވޭތީ ކަމަށް އަދަދު ނޫހުގެ ޖަވާބު ސިޓީގައި ބުނެފައިވެ އެވެ. އޭގެއިން ވެސް ހާމަވަނީ ކާޓޫނުން ދޭ މެސެޖަކީ ހަގީގަތެއްކަން ކަމަށް އަދަދު ނޫހުން ބުނެ އެވެ.

"ސަރުކާރުން ކުރާ ކޮންމެ ނޭއްގާނީ އަމަލަކާ މެދު ރައްޔިތުން ހޭލުންތެރިކުރުމަށް ކުރާ މަސައްކަތްތަކާމެދު އެޅެން އޮތްގޮތަކަށް ހުރަސްއަޅައި، އަދި އެކަމުގައި އާދަޔާ ހިލާފަށް ދީން ބޭނުންކޮށްގެން ރައްޔިތުންގެ އިހުސާސްތަކާ ކުޅެ ރައްޔިތުންނަށް އޮޅުވާލުން އެއީ ސިޔާސީ ހަތިޔާރަކަށް ހަދާފައިވާ މިންވަރެވެ. ވައްކަން ފޮރުވުމަށް މާތްވެގެންވާ އިސްލާމްދީނާއި އެދީނުގެ މަތިވެރި ޝިޢާރުތައް ނަހަމަގޮތުގައި އަދުގެ ސަރުކާރުން ބޭނުންކުރާލެއް ފުޅާކަމާއި ހާމަކަމެވެ."

ކޮމިޝަނުން އެންގި އެންގުމާ ގުޅިގެން އާންމުން ހިތްހަމަނުޖެހި، އެ ކާޓޫނުން ދީނަށް ފުރައްސާރަކޮށްފައި ނެތްކަމަށް ބުނެ އެ ކާޓޫން ވަރަށް ބޮޑަށް ދައުރުކުރަން ފެށުމުން އެކަން ހުއްޓުވަން މީޑިއާ ކޮމިޝަނުން އިއްޔެ ބަޔާނެއް ވެސް ނެރުނެވެ.

ނަމަވެސް، އެ ބަޔާނަށް އިންތިހާ އަށް ފާޑުކިޔުން އަމާޒުވެ، ކާޓޫނު އިތުރަށް ފަތުރަން ފެށުމުން، މީޑިއާތަކުން ކާޓޫން ދައުރުކުރުން މަނާކަމަށް ބުނެ ބަޔާން ބަދަލުކުރި އެވެ.

ސިޔާސީ ކާޓޫނު ނެގުމަށް ކުރި އަމުރު، މޯލްޑިވްސް ޖާނަލިސްޓް އެސޯސިއޭޝަން (އެމްޖޭއޭ) އިން ހަރުކަށި އިބާރާތުން ކުށްވެރިކޮށްފައިވެ އެވެ. އެ ޖަމިއްޔާއިން ބުނެފައި ވަނީ، މިއީ މީޑިއާގެ އައު ގާނޫނު ބޭނުންކޮށްގެން ނޫސްވެރިކަމުގެ މިނިވަންކަން ނައްތާލުމަށް މަސައްކަތް ކުރާނެ ކަމަށް ބުނެ ނޫސްވެރިން ކުރިންވެސް ބިރު ގަތް ގޮތް ކަމަށެވެ.

އަދަދު ނޫހުގެ ކާޓޫނަކީ އިސްލާމްދީނުގެ އަސްލަކާ ހިލާފު ކާޓޫނެއް ކަމަށް ބުނެވޭނެ ޝަރުއީ އަދި ގާނޫނީ އެއްވެސް އަސާސެއް ނެތް ކަމަށް ކުރީގެ އުއްތަމަ ފަނޑިޔާރު، ޑރ. އަހުމަދު އަބްދުﷲ ދީދީ (ޑީޑީ) ވަނީ ވިދާޅުވެފަ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox