ސްޓެޓިންއަކީ ހަކުރުބަލީގެ މީހުންނަށް އޮތް އުންމީދެއް

Jan 21, 2026, 1:11 AM
ސްޓެޓިންއަކީ ހަކުރުބަލީގެ މީހުންނަށް އޮތް އުންމީދެއް

ކޮލެސްޓެރޯލް ދަށް ކުރުމަށް އާންމުކޮށް ބޭނުންކުރާ ބޭހުގެ ބާވަތެއް ކަމަށްވާ ސްޓެޓިންސް ގިންތީގެ ބޭސްތަކަކީ، ޓައިޕް ދޭއްގެ ހަކުރުބަލީގެ މީހުންނަށް އޮތް ވަރަށް ބޮޑު އުންމީދެއް ކަމަށް، ދާދި ފަހުން ކުރި ދިރާސާއަކުން ދައްކައިފިއެވެ. ވަރަށް ފުޅާ ދާއިރާއެއްގައި ދިގު މުއްދަތަކަށް ހެދި މި ދިރާސާއިން އެނގުނު ގޮތުގައި ސްޓެޓިން ގިންތީގެ ބޭސްތައް ބޭނުންކުރުމުން، ޓައިޕް ދޭއްގެ ހަކުރުބަލީގެ މީހުން، ހިތުގެ ބަލިތަކުގައި ދުނިޔެ ދޫކުރުމުގެ ފުރުސަތު ކުޑަވެއެވެ.

ސައެންސްވެރިން ބުނާ ގޮތުގައި ކޮލެސްޓެރޯލްގެ ސަބަބުން، ކުރިއަށް އޮތް 10 އަހަރުގެ ތެރޭގައި ހިތުގެ ބައްޔެއް ޖެހިދާނެ ކަމަށް އަންދާޒާ ކުރެވޭ މީހުންނަށް ވެސް، މިބާވަތުގެ ބޭސްތަކުން ރަނގަޅު މަންފާތަކެއް ކުރާ ކަމަށް ފާހަގަކުރެވެއެވެ. ސްޓެޓިންސް ގިންތީގެ ބޭސްތަކަކީ، ނުބައި ކޮލެސްޓެރޯލް (LDL) ހުންނަ މީހުންގެ ލެއިން ކޮލެސްޓެރޯލް ދަށް ކުރުމަށް އާންމު ގޮތެއްގައި ލިޔެދޭ ބޭހެކެވެ.

ނުބައި ކޮލެސްޓެރޯލްގެ މިންވަރު މަތިވުމަކީ ލޭހޮޅިތަކުގައި ސަރުބީ ޖަހައި ލޭހޮޅިތައް ބެދި ހާޓް އެޓޭކް ނުވަތަ ސްޓްރޯކް ޖެހުމުގެ ނުރައްކާ އިތުރުކޮށްދޭ ކަމެކެވެ. އެ ގޮތުން ޓައިޕް ދޭއްގެ ހަކުރު ބަލި ހުންނަ މީހުންނަކީ ހިތުގެ ބައްޔެއް ޖެހުމުގެ ނުރައްކާ ބޮޑު މީހުންގެ ގޮތުގައި ބެލެވުނަސް، އެފަދަ މީހުންނަށް ސްޓެޓިންސް ގިންތީގެ ބޭސްތައް ދިނުމަށް ޑޮކްޓަރުން އެއްބަހެއް ނުވެއެވެ.

Advertisement

އެނަލްސް އޮފް އިންޓާނަލް މެޑިސިންގައި ދާދި ފަހުން ޝާއިއުކުރި ދިރާސާ ރިޕޯޓެއްގައި ބުނެފައިވާ ގޮތުން ޓައިޕް ދޭއްގެ ހަކުރު ބަލި ހުންނަ މީހުންނަށް، ސްޓެޓިންސް ގިންތީގެ ބޭސްތަކުން ލިބޭ މަންފާތައް، މީގެ ކުރިން ގަބޫލުކުރެވިފައި އޮތް މިންވަރަށް ވުރެ މާ ބޮޑެވެ. މި ދިރާސާ ހަދާފައިވަނީ އިނގިރޭސި ވިލާތުގެ (IQVIA Medical Research Data (IMRD)-UK)ގެ ޑާޓާބޭސްގައި ހުރި މައުލޫމާތުތައް ދިރާސާކޮށްގެންނެވެ.

މި ދިރާސާގައި މައިގަނޑު ގޮތެއްގައި ބޭނުންކުރީ، ޓައިޕް ދޭއްގެ ހަކުރު ބަލި ޖެހިފައިވާ، 25-48 އަހަރުގެ މީހުންތަކެއްގެ 10 އަހަރު ދުވަހުގެ މައުލޫމާތުތަކެވެ. މި ދިރާސާ ފެށިއިރު މި ދިރާސާގައި ބައިވެރިކުރި އެއްވެސް މީހަކީ ހިތުގެ ސީރިއަސް މައްސަލައެއް ނުވަތަ ފުރަމޭގެ ސީރިއަސް މައްސަލައެއް ނެތް މީހުންނެވެ.

މި ދިރާސާގައި އަޅާކިޔާފައި ވަނީ ކޮލެސްޓެރޯލް ދަށް ކުރުމަށް ސްޓެޓިން ގިންތީގެ ބޭސް ބޭނުންކުރާ މީހުންނާއި އެ ގިންތީގެ ބޭސް ބޭނުންނުކުރާ މީހުންގެ މައުލޫމާތުތަކެވެ. ދިހަ އަހަރުގެ ތެރޭގައި ހިތުގެ މައްސަލައެއް ކުރިމަތިވުމުގެ ނުރައްކާ އޮތް މިންވަރަށް ބަލައި، އެމީހުންތައް ގުރޫޕުތަކަކަށް ބަހައިލިއެވެ.

މި ގޮތަށް ގުރޫޕުތަކަށް ބަހާލައިގެން ދިރާސާ ކުރުމުން އެނގުނީ، ހިތުގެ ބަލި ޖެހުމުގެ ނުރައްކާ ބޮޑު މީހުންނާއި ނުރައްކާ ކުޑަ މީހުންނާއި ނުރައްކާތެރިކަމުގެ މިންގަނޑު މެދުމިނުގައި ހުންނަ މީހުންނަށް ވެސް، ސްޓެޓިންސް ގިންތީގެ ބޭސްތަކުން މަންފާކުރަނީ ދާދި އެއް ވަރަކަށެވެ. މީގެ ކުރިން ބެލެވިފައި އޮތީ، ސްޓެޓިންސް ގިންތީގެ ބޭސްތަކުން ފައިދާ ލިބެނީ، ހިތުގެ ބަލި ޖެހުމުގެ ނުރައްކާ ބޮޑު މީހުންނަށް އެކަނި ކަމަށެވެ.

ހަކުރު ބަލީގެ މީހުން މި ބާވަތުގެ ބޭސްތައް ބޭނުންކުރުމުން އިތުރު ސައިޑް އިފެކްޓްތައް ކުރިމަތިވާނެ ކަމަށް ވެސް މީގެ ކުރިން އޮތީ ބެލެވިފައެވެ. ނަމަވެސް މި ދިރާސާއިން އެނގުނު ގޮތުގައި ކޮލެސްޓެރޯލް ދަށް ކުރުމަށް މި ގިންތީގެ ބޭސް ބޭނުންކުރުމުން، ކުރިމަތިވާ މަޔޯޕަތީ (Myopathy)ގެ މައްސަލަ ފިޔަވައި އެހެން ސައިޑް އިފެކްޓެއް ނުފެނެއެވެ. މަޔޯޕަތީއަކީ ހަށިގަނޑުގެ މަސްތަކުގެ ބާރު ދަށްވުމާއި މަސްތަކަށް ވާންވުން ފަދަ މައްސަލަތަކެވެ.

އޭގެ އިތުރުން، ކުރިން ބެލެވިފައި އޮތީ ސްޓެޓިންސް ގިންތީގެ ބޭސްތައް ބޭނުންކުރުމުން ފުރަމޭގެ މައްސަލަތައް ވެސް ކުރިމަތިވާނެ ކަމަށެވެ. ނަމަވެސް އެފަދަ އެއްވެސް މައްސަލައެއް ކުރިމަތިނުވާ ކަމަށް ދިރާސާގެ ސައެންސްވެރިން ބުންޏެވެ.

ކޮމެންޓް

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox