ކައުންސިލް އިންތިހާބުގައި ވާދަކުރާ ކެންޑިޑޭޓުން ހޮވަން އެމްޑީޕީ އިން ބާއްވާ ޕްރައިމަރީގެ ވޯޓުލުން ފަށައިފި

ޕްރައިމަރީގައި މާލޭގެ މޭޔަރުކަމުގެ ޓިކެޓަށް ވާދަކުރައްވާ އަލީ އާޒިމް ވޯޓު ލެއްވުމުގެ ކުރިން ކަރުދާހަށް ބައްލަވާލައްވަނީ --- ފޮޓޯ: މުހައްމަދު ޝަހުޒާން/އަދަދު

ޕްރައިމަރީގައި މާލޭގެ މޭޔަރުކަމުގެ ޓިކެޓަށް ވާދަކުރައްވާ އަލީ އާޒިމް ވޯޓު ލެއްވުމުގެ ކުރިން ކަރުދާހަށް ބައްލަވާލައްވަނީ --- ފޮޓޯ: މުހައްމަދު ޝަހުޒާން/އަދަދު

ކުރިއަށް އޮތް ލޯކަލް ކައުންސިލް އަދި އަންހެނުންގެ ތަރައްގީއަށް މަސައްކަތްކުރާ ކޮމިޓީގެ މެންބަރުން ހޮވުމަށް ބާއްވާ އިންތިހާބުގައި އިދިކޮޅު އެމްޑީޕީގެ ޓިކެޓުގައި ވާދަކުރާ ކެންޑިޑޭޓުން ހޮވުމަށް ބާއްވާ އިންތިހާބުގެ ވޯޓުލުން ފަށައިފި އެވެ.

މާލެ އާއި ބައެއް ރަށްރަށުގައި މިއަދު ކުރިއަށް ގެންދާ ޕްރައިމަރީގައި ޖުމްލަ 161 ކެންޑިޑޭޓުން ވާދަކުރެ އެވެ. މީގެ ތެރޭގައި ސިޓީ ކައުންސިލާއި ރަށު ކައުންސިލް އަދި އަންހެނުންގެ ތަރައްގީއަށް މަސައްކަތްކުރާ ކޮމިޓީގެ ޓިކެޓުތަކަށް ވާދަކުރާ ކެންޑިޑޭޓުން ހިމެނެ އެވެ.

އެމްޑީޕީން އިއުލާން ކޮށްފައިވާ ގޮތުގައި އިންތިހާބުގެ ވޯޓުލުން މިރޭ 8:00 އާ ހަމައަށް ކުރިއަށްދާނެ އެވެ. އެއަށްފަހު ވޯޓު ގުނާ މިރޭ ވަގުތީ ނަތީޖާ އިއުލާނުކުރާނެ އެވެ.

Advertisement

މި ޕްރައިމަރީގައި މުޅި ރާއްޖޭގައި ޖުމުލަ 65 ވޯޓު ފޮށި ބަހައްޓާފައިވެ އެވެ. އޭގެތެރެއިން 31 ވޯޓު ފޮށި ހުރީ މާލެ ސަރަހައްދުގަ އެވެ.

މާލެ ސަރަހައްދުގައި މާލެ އާއި ހުޅުމާލޭގެ ދެ ފިޔަވަހި އަދި ވިލިމާލޭގައި ވޯޓު ފޮށިތައް ބަހައްޓާފައިވާއިރު، ޕްރައިމަރީގެ އެންމެ ވާދަވެރި ވޯޓަކީ މާލެ ސިޓީގެ މޭޔަރުގެ ޓިކެޓަށް ނަގާ ވޯޓެވެ. އެންމެ ފުޅާ ދާއިރާއެއްގައި ފޯރިގަދަ ކެމްޕޭނެއް ވެސް ކުރީ މާލޭގެ މޭޔަރުގެ ޓިކެޓަށް ވާދަކުރާ އާދަމް އާޒިމް އަދި އަލީ އާޒިމް އެވެ.

މާލޭ މޭޔަރުކަމުގެ ޕްރައިމަރީގައި 5475 މީހަކު ވޯޓުލާނެ އެވެ. އެހެންކަމުން އެއްވެސް ސުވާލަކާ ނުލާ އިންތިހާބު ކާމިިޔާބު ކުރެއްވީ 2700 އަށްވުރެ ގިނަ ވޯޓު ހޯއްދަވާ ބޭފުޅަކަށެވެ.

ޕްރައިމަރީ ކުރިއަށް ގެންދިޔުމަށް އެކުލަވައިލި އިންތިހާބީ ކޮމިޓީގެ މުގައްރިރު، މުހައްމަދު ފަލާހު އަދަދު އާއި އިއްޔެ ވާހަކަދައްކަވަމުން ވިދާޅުވީ އެމްޑީޕީއަކީ ފެށުނީއްސުރެ ވެސް ޕްރައިމަރީ ބާއްވައިގެން ކެންޑިޑޭޓުން ކަނޑައަޅާ ޕާޓީއެއް ކަމަށާއި އެމްޑީޕީގެ 20 އަހަރުވީ މާޒީގައި ވެސް ދައްކާފައި ވަނީ އެ ނަމޫނާ ކަމަށެވެ. އަދި، މާދަމާ އޮންނަ ޕްރައިމަރީއަކީ ވެސް ހަމަ އެފަދަ ސިޔާސީ ވަރުގަދަ ހަރަކާތެއް ކަމަށް އޭނާ ވިދާޅުވި އެވެ.

ޕްރައިމަރީގެ ވޯޓާ ގުޅޭގޮތުން ފަލާހު ވިދާޅުވީ، އެންމެ ބޮޑަށް އެދިވަޑައިގަންނަވަނީ އާންމު މެންބަރުންގެ އެއްބާރުލުމަށް ކަމަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox