މެރިން އެކްސްޕޯ: ސްޕޮންސަރުންނާއި ޕާޓްނަރުން އިއުލާނު ކުރީ މޫދު އަޑީގައި

Jan 14, 2026, 4:47 PM
މެރިން އެކްސްޕޯގެ ޕާޓްނަރުން އިއުލާނު ކުރީ މޫދު އަޑީގައި.

މެރިން އެކްސްޕޯގެ ޕާޓްނަރުން އިއުލާނު ކުރީ މޫދު އަޑީގައި.

ނޭޝަނަލް ބޯޓިން އެސޯސިއޭޝަން އޮފް މޯލްޑިވްސް (އެންބީއޭއެމް) ގެ ރަސްމީ މައުރަޒު، "މޯލްޑިވްސް މެރިން އެކްސްޕޯ 2026" ޕާޓްނަރުންނާއި ސްޕޮންސަރުން މޫދު އަޑީގައި ބޭއްވި މިއަދު ބޭއްވި ހާއްސަ ރަސްމިއްޔާތެއްގައި އިއުލާންކޮށްފިއެވެ.

މީޑިއަމް އިވެންޓްސް ޕްރައިވެޓް ލިމިޓެޑުން އިންތިޒާމުކުރާ މި މައުރަޒަކީ ރާއްޖޭގައި ބާއްވާ އެންމެ ދުވަސްވީ އަދި އެންމެ ބޮޑު މެރިން އެކްސްޕޯއެވެ.

މި އަހަރުގެ އެކްސްޕޯގެ މެއިން ސްޕޮންސަރަކަށް ހަމަޖައްސާފައިވަނީ ގަލްފް ކްރާފްޓެެވެ. މީގެ އިތުރުން ކޯ-ސްޕޮންސަރުންގެ ގޮތުގައި ލިއޯ ސްޓޯރު އެންޑް ސަޕްލައި، އެމްޓީސީސީ، ހިމެނޭއިރު، އެހެން ޕާޓްނަރުންގެ ތެރޭގައި އޯޝަން ގްރޫޕް، ސީގިއާ، މާކިއުރީ (ހަސަން މަރިން)، މެރިން މާސްޓާ، އަލްޝާލީ މެރިން، ޕާމް ޓްރީ މޯލްޑިވްސް، މެކޭނިޒަމް މޯލްޑިވްސް، ހޮންޑާ މެރިން (މެރިން ވައިބް)، އެސްޓީއޯ، އެމްޕީއެލް، އެލައިޑް، އުރީދޫ ހިމެނެ އެވެ. މީގެ އިތުރުން ވެސް ބައެއް ދާއިރާތަކުން ޕާޓްނަރުން ބައިވެރިވެ އެވެ.

އަންނަ މަހު 5 އިން 8 އަށް، ހުޅުމާލެ ސެންޓްރަލް ޕާކުގައި ބާއްވާ މި އެކްސްޕޯގައި ކަނޑުދަތުރުފަތުރާއި، ބޯޓު ބަނުމާއި، މަސްވެރިކަމާއި، ޑައިވިން އަދި ވޯޓަ ސްޕޯޓްސްގެ ދާއިރާއިން ބައިނަލްއަގުވާމީ ފެންވަރުގެ އުފެއްދުންތަކާއި ހިދުމަތްތައް ދައްކާލާނެ އެވެ. އަދި އާ އުފެއްދުންތައް ބާޒާރަށް ނެރުމާއި، މި ދާއިރާގެ ޕްރެޒެންޓޭޝަންތައް ވެސް މި ހަރަކާތުގެ ތެރެއިން ކުރިއަށްދާނެއެވެ.

ހާއްސަ ހަރަކާތްތައް

  • އާ ޑައިވަރުންނާއި ތަޖުރިބާކާރު ޑައިވަރުންނަށް ހާއްސަކޮށްގެން ކޮންމެ ދުވަހަކު ހެނދުނު ކުރިއަށްގެންދާ ޑައިވް ދަތުރުތައް.
  • ފެބުރުވަރީ 6 ވާ ހުކުރު ދުވަހުގެ ރޭ، މި ދާއިރާގެ މަސައްކަތްތެރިންނާއި ކެޕްޓަނުންނާ ބައްދަލުކޮށް ގުޅުން ބަދަހިކުރުމަށް ބާއްވާ ހާއްސަ ރަސްމިއްޔާތު
  • ދާއިރާގެ މުހިންމު މައުލޫމާތުތައް ހިއްސާކޮށް މަޝްވަރާކުރުމަށް ބާއްވާ ސެޝަންތައް

މި އެކްސްޕޯއަށް ޒިޔާރަތްކުރުމުގެ ފުރުސަތު އާންމުންނަށް ހިލޭ ހުޅުވާލެވިފައިވާއިރު، ރަޖިސްޓްރީވާ ފަރާތްތަކުގެ މެދުގައި 'ވިޒިޓް އެންޑް ވިން' ޕްރޮމޯޝަނެއް ކުރިއަށްދާނެއެވެ. މި މައުރަޒަކީ ރާއްޖޭގެ ކަނޑުގެ ސިނާއަތުގެ ކުރިމަގު ބައްޓަންކުރުމަށާއި، ވިޔަފާރިތައް ކުރިއެރުވުމަށް ލިބިގެންދާނެ ރަނގަޅު ފުރުސަތެއް ކަމަށް އިންތިޒާމުކުރާ ފަރާތުން ބުނެއެވެ.

ކޮމެންޓް

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox