ސްޓޫޑެންޓް ލޯނުގައި ކިޔަވަނީ 1،740 ދަރިވަރުން، މިދިޔަ އަހަރު ދޫކުރީ 548 މިލިއަން ރުފިޔާ

ގްރެޖުއޭޝަން ރަސްމިއްޔާތެއްގެ ތެރެއިން: ސްޓޫޑެންޓް ލޯނަށް އެކަނި މިދިޔަ އަހަރު 548.16 މިލިއަން ރުފިޔާ ދޫކޮށްފައިވޭ -- ފޮޓޯ: ރައީސް އޮފީސް

ގްރެޖުއޭޝަން ރަސްމިއްޔާތެއްގެ ތެރެއިން: ސްޓޫޑެންޓް ލޯނަށް އެކަނި މިދިޔަ އަހަރު 548.16 މިލިއަން ރުފިޔާ ދޫކޮށްފައިވޭ -- ފޮޓޯ: ރައީސް އޮފީސް

ސްޓޫޑެންޓް ލޯނުގައި މި ވަގުތު ރާއްޖެ އާއި ރާއްޖެއިން ބޭރުގެ 36 ގައުމެއްގައި 1،740 ދަރިވަރުން ކިޔަވަމުންދާއިރު، މިދިޔަ އަހަރު 548.16 މިލިއަން ރުފިޔާ ދޫކޮށްފައިވާ ކަމަށް ހަޔާ އެޑިއުކޭޝަން މިނިސްޓްރީން ބުނެފި އެވެ.

ހަޔާ އެޑިއުކޭޝަން މިނިސްޓްރީން އާންމުކުރި ތަފާސްހިސާބުތައް ދައްކާގޮތުން ސްޓޫޑެންޓް ލޯނުގައި ކިޔަވަމުންދާ 1،740 ދަރިވަރުންގެ ތެރެއިން 1،072 ދަރިވަރުންނަކީ އަންހެން ދަރިވަރުންނެވެ. ބާކީ 668 ދަރިވަރުންނަކީ ފިރިހެން ދަރިވަރުންނެވެ.

މިދިޔަ އަހަރު ސްޓޫޑެންޓް ލޯނުގައި 596 ދަރިވަރުން ރަޖިސްޓްރީވެފައިވާއިރު، 660 ދަރިވަރުން ވަނީ ދަސްވެނިވެފަ އެވެ. އޭގެއިތުރުން މިހާތަނަށް ސްޓޫޑެންޓް ލޯނަށް 1،438 ދަރިވަރުން ރަޖިސްޓްރީވެފައިވާއިރު، 1،211 ދަރިވަރުން ވަނީ ދަސްވެނިވެފަ އެވެ.

ސްޓޫޑެންޓް ލޯނުގެ ތަފާސް ހިސާބުތަކަށް ބަލާއިރު ލޯނަށް އެންމެ ގިނައިން ރަޖިސްޓްރީވަނީ އަންހެން ދަރިވަރުންނެވެ. ނަމަވެސް ދަސްވެނިވާ ނިސްބަތަށް ބަލާއިރު އެންމެ ގިނައިން ދަސްވެނިވެފައިވަނީ ފިރިހެން ދަރިވަރުންކަން ފާހަގަކުރެވެ އެވެ.

ސްޓޫޑެންޓް ލޯނަށް ދައުލަތުގެ ބަޖެޓުން މިހާތަނަށް ޖުމްލަ ދޫކޮށްފައިވަނީ 1.24 ބިލިއަން ރުފިޔާ އެވެ.

ސްކޮލާޝިޕްތަކަށް ބަލާއިރު ރާއްޖެއާއި ރާއްޖެއިން ބޭރުގެ 20 ގައުމެއްގައި މިވަގުތު 602 ދަރިވަރުން ދަނީ ތައުލީމް ހާސިލުކުރަމުންނެވެ. އޭގެ ތެރޭގައި ހިމެނެނީ 388 އަންހެން ދަރިވަރުންނާއި 214 ފިރިހެން ދަރިވަރުންނެވެ.

މިދިޔަ އަހަރު ސްކޮލާޝިޕްތަކުގައި 205 ދަރިވަރުން ރަޖިސްޓްރީވިއިރު، 180 ދަރިވަރުން ވަނީ ދަސްވެނިވެފަ އެވެ. އޭގެއިތުރުން ސްކޮލާޝިޕްތަކުގައި ޖުމްލަ 411 ދަރިވަރުން ރަޖިސްޓްރީވިއިރު، 441 ދަރިވަރުން ވަނީ ދަސްވެނިވެފަ އެވެ.

ތަފާސްހިސާބުތައް ދައްކާގޮތުގައި ސްކޮލާޝިޕްތަކަށް އެންމެ ގިނައިން ރަޖިސްޓްރީ ކުރަނީ ވެސް އަދި ދަސްވެނިވެފައި ވަނީވެސް އަންހެން ދަރިވަރުންނެވެ.

ސްކޮލާޝިޕްތަކަށް ދައުލަތުގެ ބަޖެޓުން ޖުމްލަ 471.08 މިލިއަން ރުފިޔާ ވަނީ ދޫކޮށްފަ އެވެ. މިދިޔަ އަހަރު ސްކޮލާޝިޕްތަކަށް ދޫކުރީ 222.17 މިލިއަން ރުފިޔާ އެވެ.

ހަޔާ އެޑިއުކޭޝަން މިނިސްޓްރީން ބުނީ މިދިޔަ އަހަރުގެ ނިޔަލަށް ހިލޭ ޑިގްރީގެ ދަށުން ދަސްވެނިވި 6،640 ދަރިވަރުންގެ ތެރެއިން 4،370 ދަރިވަރުންނަކީ އަންހެން ދަރިވަރުން ކަމަށެވެ. ބާކީ 2،270 ދަރިވަރުންނަކީ ފިރިހެން ދަރިވަރުން ކަމަށް މިނިސްޓްރީން ބުންޏެވެ.

ހިލޭ ޑިގްރީއަށް މިދިޔަ އަހަރު އެކަނިވެސް ވަނީ 151.30 މިލިއަން ރުފިޔާ ދޫކޮށްފަ އެވެ. އޭގެއިތުރުން ޖުމްލަ 301.66 މިލިއަން ރުފިޔާ ހިލޭ ޑިގްރީއަށް ދޫކުރި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox