ގަލުފަޅު ހިއްކަނީ އެމްއޭސީއެލްގެ ހަރަދުގައި ސީއެމްސީން

އެމްއޭސީއެލްގެ އެމްޑީ ޝަރީފް އާއި ސީއެމްސީގެ ރާޖޫ: ބިން ހިއްކުމުގެ މަޝްރޫއުތަކަށް ހަރަދު ކުރަނީ އެމްއޭސީއެލްއިން --- ގްރެފިކްސް: އަދަދު

އެމްއޭސީއެލްގެ އެމްޑީ ޝަރީފް އާއި ސީއެމްސީގެ ރާޖޫ: ބިން ހިއްކުމުގެ މަޝްރޫއުތަކަށް ހަރަދު ކުރަނީ އެމްއޭސީއެލްއިން --- ގްރެފިކްސް: އަދަދު

ކޮންވެންޝަން ސެންޓަރެއް ހިމެނޭހެން އިވެންޓް ސެެންޓަރެއްގެ ގޮތުގައި ތަރައްގީކުރަން ފަށާފައިވާ ގަލުފަޅު ހިއްކަނީ، އެއާޕޯޓުތައް ހިންގާ އެމްއޭސީއެލްގެ ހަރަދުގައި، ކެޕިޓަލް މެރިން އެންޑް ސިވިލް ކޮންސްޓްރަކްޝަން (ސީއެމްސީ) އާ ހަވާލުކޮށްގެން ކަން އެނގިއްޖެ އެވެ.

މި ފަހުން އަތަމަނައަށް ނަން ބަދަލުކޮށްފައިވާ ގަލުފަޅު މަޝްރޫއަކީ ކުރިން ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން ހިންގަން އުޅުނު މަޝްރޫއެކެވެ. ނަމަވެސް ނިމުނު އަހަރުގެ ފަހުކޮޅު ރައީސް އޮފީހުގައި އޮންނަ އިކޮނޮމިކް ކައުންސިލުން ވަނީ މި މަޝްރޫއު ސީދާ ސަރުކާރުން ހިންގާ ގޮތަށް ބަދަލުކޮށް، މަސައްކަތް ފަށައިފަ އެވެ.

އިތުބާރު ހުރި މަސްދަރުތަކުން އަދަދު ނޫހަށް މައުލޫމާތު ލިބިފައިވާ ގޮތުގައި، ގަލުފަޅު މަޝްރޫއު ހިންގުމާ ސަރުކާރުން ހަވާލުވީ، ޝައްކުކުރެވޭ އެތައް ކަމެއް ވަށައިގެން ހިނގާފައިވާ، ހުޅުމާލޭ އާބަން އައިލްގައި ތަރައްގީކުރަން ބުނި 8.8 ބިލިއަން ޑޮލަރުގެ އިންޓަނޭޝަނަލް ފައިނޭންޝަލް ސެންޓަރާ އެވެ.

Advertisement

ސަރުކާރުން ގަލުފަޅު ހިއްކަން އަވަސް ވެގަތީ، މި ފައިނޭންޝަލް ސެންޓަރަށް އިންވެސްޓުކުރަން ހުށަހެޅި ގަތަރުގެ އެމްބީއެސް އިންވެސްޓްމަންޓްސްއިން ބޭނުންވެގެން ކަމަށް މި ނޫހާ ވާހަކަ ދެއްކި މީހަކު ބުންޏެވެ. ނަމަވެސް ރަސްމީކޮށް މި މަޝްރޫއު އަދިވެސް އޮތީ އިވެންޓު ސެންޓަރު ތަރައްގީކުރާ ގޮތަށެވެ.

އެމްއޭސީއެލްއިން މި ޕްރޮޖެކްޓަށް ހިނގަނީ ކުރަނީ ބިން ހިއްކުމުގެ ބޭނުމަށް އެ ކުންފުނިން އުފެއްދި ސަބްސިޑަރީ، ޕެނިންސޫލާ އިންފްރާސްޓްރަކްޗާ މެދުވެރިކޮށެވެ. ޕެނިންސޫލާއާ ސީއެމްސީއާ މެދު ވެވުނު އެއްބަސްވުމުގެ އެއްވެސް މައުލޫމާތެއް އަދި ނޭނގެ އެވެ.

ޕެނިންސޫލާއިން ރާވާފައިވަނީ ހުޅުމާލޭ ތިނެއް ހިއްކުމުގައި ހިއްކަން ބޭނުންކުރަމުން އަންނަ ބޮސްކާލިސްގެ "ޕްރިންސް ޑާ ނެޑަލަންޑެން" ނޫނީ "އޮރެންޖު" ބޭނުންކޮށްގެން ގަލުފަޅު ހިއްކާށެވެ. ވެލި ނަގަން ހުށަހަޅާފައި ވަނީ ވެސް ހުޅުމާލެ ތިނެއް ހިއްކަން ވެލި ނެގުމުގެ ހުއްދަ ދޫކޮށްފައިވާ ސަަރަހައްދު، އެއީ ކ. ހުރާ އާއި ހިންމަފުށީގެ ހުޅަނގަށް އޮންނަ ސަރަހައްދު، އިންނެވެ.

ސެޓެލައިޓް ފޮޓޯތަކުން ދައްކާ ގޮތުގައި ގަލުފަޅުގެ ކިލޯމީޓަރެއް ވަރުގެ ސަރަހައްދެއްގައި ބަންޑުވޯލު ޖެހުމުގެ މަސައްކަތް ނިމިއްޖެ އެވެ. އަދި، މިހާރު ވެސް އެ ތަނުގައި ހަތަރު ވަރަކަށް އެކްސްކަވޭޓަރު ހަރަކާތްތެރިވަމުން އެބަދެ އެވެ.

ގަޅުފަޅަކީ، ސަރުކާރުން ބުނާ ގޮތުގައި، މާލޭގައި އޮންނަ ދަރުބާރުގެ ބާވެގެން އެތަން ބޭނުންނުކުރެވޭ މައްސަލައަށް އޮތް ދިގުމުއްދަތުގެ ހައްލެވެ.

ގަލުފަޅުގެ ޑިވެލޮޕްމަންޓް ކޮންސެޕްޓުގައިވާ ގޮތުގައި މި ތަނުގައި އިވެންޓު ހޯލަކާއި ކޮންވެންޝަން ސެންޓަރެއްގެ އިތުރުން ކޮމާޝަލް ޕްލާޒާއަކާއި ވޯޓާ ސްޕޯޓްސް ސެންޓަރަކާއި ރެސްޓޯރަންޓުތައް ހުންނާނެ އެވެ. އަދި އެ ތަނަށް ދާ މީހުން ތިބޭނެ ވިލާތަކާއި އެ ތަނުގައި މަސައްކަތް ކުރާ މުވައްޒަފުން ތިބޭނެ ތަންތަން ވެސް ހުންނާނެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox