ސިޔާސީ މުވައްޒަފުންނަށް މަހަކު 160 މިލިއަން؛ މިއީ 10 ރަށުގެ ފެނާއި ނަރުދަމާގެ ފައިސާ: ޣަފޫރު

އެމްޑީޕީގެ ވަގުތީ ޗެއާޕާސަން އަބްދުލްޣަފޫރު މޫސާ. -- ފޮޓޯ: އަދަދު

އެމްޑީޕީގެ ވަގުތީ ޗެއާޕާސަން އަބްދުލްޣަފޫރު މޫސާ. -- ފޮޓޯ: އަދަދު

ރައީސް މުހައްމަދު މުއިއްޒު އައްޔަން ކުރައްވާފައިވާ ސިޔާސީ މަގާމުތަކުގައި ތިއްބެވި މުވައްޒަފުންގެ މުސާރައަށް ރައްޔިތުންގެ ޓެކްސް ފައިސާއިން މަހަކު 160 މިލިއަން ރުފިޔާ ހޭދަކަމުން އެބަދާ ކަމަށާއި އެއީ 10 ރަށުގެ ފެނާއި ނަރުދަމާއަށް ހޭދަވާ ވަރު ކަމަށް އެމްޑީޕީގެ ވަގުތީ ޗެއާޕާސަން އަދި ރައްޔިތުންގެ މަޖިލީހުގެ ހަނިމާދޫ ދައިރާގެ މެންބަރު އަބްދުލްޣަފޫރު މޫސާ ވިދާޅުވެއްޖެ އެވެ.

އެމްޑީޕީން ރޭ ބޭއްވި ހަރުގެ ޖަލްސާގައި ޣަފޫރު ވިދާޅުވީ، މި ސަރުކާރުގެ އަތަށް ރައްޔިތުންގެ ކަންކަން ފުއްދުމަށް 174 ބިލިއަން ރުފިޔާ ދެވިފައިވީ ނަމަވެސް، އެ ފައިސާއިން ރަށްރަށުގެ ތަރައްގީއަށް ކުރެވުނު ކަމެއް ފެންނަން ނެތް ކަމަށެވެ. ނަމަވެސް ސިޔާސީ މަގާމުތަކުގެ އަދަދު އިންތިހާއަށް އިތުރުވެފައިވާކަން އޭނާ ފާހަގަ ކުރެއްވި އެވެ.

ދުނިޔޭގެ ބޮޑު ބާރު ކަމަށްވާ އެމެރިކާގެ ސަރުކާރުގައި 4،000 ސިޔާސީ ބޭފުޅުން ތިއްބެވިއިރު، މުއިއްޒުގެ މި ވެރިކަމުގައި އެ އަދަދު 4،100 އަށް އަރާފައިވާ ޣަފޫރު ވިދާޅުވި އެވެ.

Advertisement

ޣަފޫރު ވިދާޅުވި ގޮތުން ސިޔާސީ މުވައްޒަފުންގެ މަހު މުސާރަ އަށް މަހަކު 160 މިލިއަން ހޭދަކުރާނަމަ އެއީ އަހަރަކަށް ގާތްގަނޑަކަށް ދެ ބިލިއަން ރުފިޔާ އެވެ.

ދައުލަތުގެ ދަރަންޏާ ގުޅޭ ގޮތުން ޣަފޫރު ވިދާޅުވީ، މި އަހަރު ނިމޭއިރު ދައުލަތުގެ ދަރަނި 168 ބިލިއަން ރުފިޔާގައި ހުންނާނެ ކަމަށް ލަފާކުރެވޭ ކަމަށެވެ. މީގެ ތެރެއިން 28 ޕަސެންޓަކީ މި ސަރުކާރުން އުފެއްދި ދަރަނި ކަމަށާއި، މިއީ ވޭތުވެދިޔަ ހަ ސަރުކާރުގައި ވެސް ނުއުފައްދާ މިންވަރެއްގެ ބޮޑު ދަރަންޏެއްކަން އޭނާ ފާހަގަކުރެއްވިއެވެ.

އެމްޑީޕީގެ ވެރިކަން ނިމުނުއިރު ދަރަނި ހުރީ 126 ބިލިއަން ރުފިޔާގައި ކަމަށް ޣަފޫރު ފާހަގަ ކުރެއްވި އެވެ.

"ރަނގަޅު އެމްޑީޕީގެ ވެރިކަމުގައި ދަރަނި ބޮޑުވެގެން ދިޔަ ހާލަތެއް ވެސް އައި. އެއީ ކޮވިޑުގެ ހާލަތުގައި. އޭރު ޖެހުނީ ހަރަދު ވެސް ކުރަން. އޭރު އާމްދަނީ ވެސް ނުލިބި ހަރަދު ކުރަން ޖެހުނީ. އޭގެ ސަބަބުން ދަރަނި ބޮޑުވެގެން ދިޔަ. އެއީ ހަގީގީ ހާލަތެއް،" ޣަފޫރު ވިދާޅުވިއެވެ.

"އެ މައްސަލަ ދިމާނުވާ އެއްވެސް ގައުމެއް ނެތް."

ކޮވިޑުގެ ދަތިހާލުގައި އެމްޑީޕީގެ ސަރުކާރުން ރައްޔިތުން ގެންގުޅުނީ އުފަލާއި އަރާމުގައި ކަމަށާއި ނަމަވެސް މިއަދު ދިވެހި ރައްޔިތުން އުޅަމުން ދަނީ އެއަށް ވުރެ ދަތި ހާލަތުގައި ކަމަށް ޣަފޫރު ވިދާޅުވި އެވެ. މިފަދަ ކަންކަމަކީ ރައްޔިތުން ވިސްނައި، އިބުރަތް ލިބިގަންނަންޖެހޭ ކަންކަން ކަމަށް ވެސް އޭނާ ވިދާޅުވި އެވެ.

ސަރުކާރުގެ އިސްރާފު އިންތިހާއަށް ގެންދިޔުމަށް ފަހު، ރައްޔިތުންގެ ކައިރިއަށް ގޮސް ދެ އިންތިހާބު އެއްކޮށްލަނީ ދައުލަތުގެ ހަރަދު ކުޑަކުރާށޭ ވިދާޅުވަނީ މި ސަރުކާރުގެ "ލަދެއް ހަޔާތެއް ނެތިގެން" ކަމަށް ޣަފޫރު ވިދާޅުވި އެވެ.

"އެއީކީ އަޅުގަނޑުމެއް ގަބޫލުކުރާނެ ކަމެއް ނޫން. އެއީ ބަލައިގަނެވޭނެ ކަމެއް ނޫން،" އޭނާ ވިދާޅުވި އެވެ.

ދެ އިންތިހާބުގެ ވާހަކައަށް ފަހު ދެން ދައްކާނީ 10 އަހަރަށް ދައުރު ދައްމާލާ ވާހަކަ ކަމަށް ވެސް ޣަފޫރު ވިދާޅުވި އެވެ. އެހެންވެ "މިކަމަށް ނޫނެކޭ ބުނަން އެބަޖެހޭ" ކަމަށް އޭނާ ވިދާޅުވި އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox