އެންމެ ބޮޑަށް ކަންބޮޑުވަނީ ތިން އަހަރު ފަހުން ރާއްޖެ އޮންނާނެ ކަމާމެދު: ފައްޔާޒް

މީގެ ކުރިން އެމްޑީޕީން ބޭއްވި ޖަލްސާއެއްގައި ފައްޔާޒް ވާހަކަދައްކަވަނީ -- ފޮޓޯ: އަދަދު

މީގެ ކުރިން އެމްޑީޕީން ބޭއްވި ޖަލްސާއެއްގައި ފައްޔާޒް ވާހަކަދައްކަވަނީ -- ފޮޓޯ: އަދަދު

މި ވަގުތު އެންމެ ބޮޑަށް ކަންބޮޑުވަނީ މި ސަރުކާރުން އަމަލުކުރަމުންދާ ގޮތުން ރާއްޖެ އޮންނާނެ ކަމާމެދު ކަމަށް އެމްޑީޕީގެ ކުރީގެ ޗެއާޕާސަން ފައްޔާޒް އިސްމާއިލް ވިދާޅުވެއްޖެ އެވެ.

އެމްޑީޕީ ހަރުގޭގައި ރޭ އޮތް ކެމްޕޭން ޖަލްސާއެއްގައި ވާހަކަ ދައްކަވަމުން ފައްޔާޒް ވިދާޅުވީ މާލެ އާއި ރާއްޖޭގެ އެހެނިހެން ރަށްރަށުގައި މި ވަގުތު ހުރި ދަތިތަކަށްވުރެ ބޮޑަށް ކަންބޮޑުވަނީ ތިން އަހަރުފަހުން ރާއްޖެ އޮންނާނެކަމާމެދު ކަމަށެވެ.

"އަޅުގަނޑަށް އުފެދޭ ސުވާލަކީ ދިވެހިރާއްޖެ އޮންނާނެބާއޭ، މި ކުރިއަށް އޮތް ތިން އަހަރު ނިމޭއިރުގައި ދިވެހިރާއްޖެ އޮންނާނީ ކޮންތަނަކު ބާއޭ، ދިވެހިރާއްޖޭގެ ދަރަނި އެހާ ބޮޑުވެގެން ގޮސް، ދަރަނި ނުދެއްކޭ ހިސާބަށް ގޮސްފި، ދަރަނި ދައްކާނެ ގޮތެއް ނޭނގޭ ހަދާނެ ގޮތެއް ނޭނގޭ. އެ މީހުން ކަންބޮޑުވާ ތަނެއް ވެސް އަޅުގަނޑުމެންނަކަށް ނުފެނޭ،" ފައްޔާޒް ވިދާޅުވި އެވެ.

Advertisement

އޭނާ ވިދާޅުވީ ސަރުކާރުގެ އަމަލުތަކުގެ ސަބަބުން ރާއްޖޭގެ އެތެރޭގެ އިގުތިސާދު ވެސް ދަނީ ފުނޑުފުނޑުވެގެން ކަމަށެވެ. ކުދިކުދި ވިޔަފާރިތައް ބަނގުރޫޓުވެ އާންމު ރައްޔިތުންގެ ޖީބަށް މިއަށްވުރެ ބޮޑަށް ދަތިވި ދުވަސްވަރެއް ހަނދާނުގައި ވެސް ނެތް ކަމަށް ފައްޔާޒް ވިދާޅުވި އެވެ.

މީގެ 35 ވަރަކަށް އަހަރުކުރިން، ކުރީގެ ރައީސް މައުމޫންގެ ވެރިކަމުގައި ވެސް ރޭގަނޑު 10:00 ގެ ފަހުން ބޭރުގައި އުޅޭ މީހުންނާ ފުލުހުން ސުވާލުކޮށް ނަން ނޯޓުކޮށް ހެދިކަމަށާއި މިއަދު ވެސް އަނެއްކާ ގައުމުގެ މިސްރާބު ހުރީ އެ ދިމާލަށް ކަމަށް ފައްޔާޒް ވިދާޅުވި އެވެ.

"ފުރަތަމަ ބިދޭސީންނޭ ކިޔާފައި މި ފަށަނީ. ހަގީގަތުގައި ބޭނުންވަނީ ދިވެހި ރައްޔިތުން މި ސަރުކާރަށް، ރައީސް މުއިއްޒުއަށް ފާޑު ކިޔުމާއި އިދިިކޮޅު ހެދުން ހުއްޓުވައިލަން، އެކިއެކި ގޮތްގޮތަށް، އަމަންއަމާންކަމޭ ރައްޔިތުންނަށް އުނދަގޫވަނިއްޔޭ ކިޔައިގެން މި ގެންދަން މި އުޅޭ ތަނަކީ ހަމަ، ވަރުގަދަ ހުތުމުހުތާރު ވެރިކަމަކާ ދިމާލަށް،" ފައްޔާޒް ވިދާޅުވި އެވެ.

ދުނިިޔެ ދުށް ހުދުމުހުތާރު ވެރިކަންތަކުގައި ވެސް ކޮންމެވެސް ވަރެއްގެ ކުރިއެރުންތަކެއް ގައުމުތަކަށް އައިސްފައި ހުރިކަން ފާހަގަކުރައްވައި ފައްޔާޒް ވިދާޅުވީ ހުދުމުހުތާރުކަމާއެކުގައި ވެސް އެ ކަންކަން ހާސިލު ކުރެވުނީ އެ މީހުންގެ ކޮންމެ ވެސް ވަރެއްގެ ބުއްދިއެއް ހުރެގެން ކަމަށެވެ.

އެހެންމަަވެސް، ރާއްޖޭގެ ވެރިކަމުގައި މި ވަގުތު ހުންނެވި މުހައްމަދު މުއިއްޒުގެ އެއްވެސް ބުއްދިއެއް ނެތް ކަމަށާއި ހުދުމުހުތާރު ވެރިކަމަކާ ދިމާލަށް ވަޑައިގަންނަވާއިރު، އެއްވެސް ކަމެއް ހާސިލު ނުކުރެއްވެނީ އެ ސަބަބާހުރެ ކަމަށް އޭނާ ވިދާޅުވި އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox