ފެޑެކްސް މެދުވެރިކޮށް ގެނައި ދެ ކިލޯގެ މަސްތުވާތަކެއްޗާ ހަވާލުވާން ދިޔަ އަންހެނަކަށް 18 އަހަރުގެ ޖަލު ހުކުމެއް

ފެޑެކްސް މެދުވެރިކޮށް ގެނައި ދެ ކިލޯގެ މަސްތުވާތަކެއްޗާ ހަވާލުވާން ދިޔަ އަންހެނަކަށް 18 އަހަރުގެ ޖަލު ހުކުމެއް

ފެޑެކްސް މެދުވެރިކޮށް ރާއްޖެއަށް ގެނައި 1983.7 ގްރާމު މަސްތުވާތަކެތި ހުރި ފޮށިގަނޑަކާ ހަވާލުވާން ދިޔަ އަންހެނަކަށް 18 އަހަރުގެ ޖަލު ހުކުމެއް ކްރިމިނަލް ކޯޓުން އިއްވައިފި އެވެ.

މިއީ ސެޕްޓެމްބަރު 16، 2023 ގައި ފެޑެކްސް އިން ރާއްޖެ ގެނައި ފޮށިގަނޑެއްގައި ޝައްކު ކުރެވޭ ކަންކަން ހުރުމުން އެ ފޮށިގަނޑު އެކްސްރޭ ކުރުމަށް ފަހު ފޮށިގަނޑުގެ ހަތަރު އަރިމަތިން ފެނުނު ހުދު ކުލައިގެ ޕައުޑަރެއް މަސްތުވާތަކެތީގެ ބާވަތެއް ކަމަށްވާ އެމްޑީއެމްއޭއަށް ޕޮޒިޓިވުވުމް ހިންގި ކޮންޓްރޯލް ޑެލިވަރީ އޮޕަރޭޝަނެކެވެ.

އެ ފޮށިގަނޑު ބަލާ އައީ އަޒްމާ ޝަރީފް، ކަށިކެޔޮމާގެ، ގއ. ކަނޑުހުޅުދޫ އެވެ. އެ ފޮށިގަނޑުން ފެނުނީ މަސްތުވާތަކެތީގެ ބާވަތެއް ކަމަށްވާ އެމްޑީއެމްއޭ އެވެ. މި މައްސަލާގައި ނިޔާ ކަނޑައެޅީ ކްރިމިނަލް ކޯޓުގެ ގާޒީ އަަލީ އާދަމް އެވެ.

އެ މައްސަލައިގެ ފުރަތަމަ އަޑުއެހުމުގައި އޭނާ ވަނީ ދައުލަތުން ކުރި ދައުވާއަށް އިންކާރު ކޮށްފަ އެވެ. އެއީ ފޮށިގަނޑުގައި ގާނޫނާ ހިލާފު އެއްވެސް އެއްޗެއް ހުރި ކަމަށް ނޭނގޭތީ އާއި ފޮށިގަނޑަކީ އޭނާގެ އެއްޗެއް ކަމަށް ނުވާތީ އާއި އެއީ އެހެން މީހަކު ބުނެގެން ބަލައިދިޔަ ފޮށިގަނޑަކަށް ވުމުން ކަމަށް ދިފާއީ ވަކީލު ބުނެފައިވެ އެވެ.

ޝަރީއަތުން ވަނީ އެ ތުހުމަތުން ބަރީއަވުމަށް އަޒްްމާ ޝަރީފް އެއްވެސް ހެއްކެއް ހުށަހަޅާފައި ނުވާތީ އެ ފޮށިގަނޑުގައި މަސްތުވާތަކެތި ހުރި ކަމަށް އޭނާއަށް ނޭނގޭ ކަމަށް ބުނާ ބުނުމަކީ ހަގީގަތެއްގެ މައްޗަށް ބިނާކޮށް ބުނާ ބުނުމެއް ނޫން ކަމަށް ކަނޑައަޅާފަ އެވެ. އެ ފޮށިގަނޑާ ހަވާލުވި ކަމަށް ޝަރީއަތުގައި އޭނާ އިންކާރުކޮށްފައެއް ނުވެ އެވެ.

އޭނާގެ މައްޗަށް ކްރިމިނަލް ކޯޓުން އިއްވީ 18 އަހަރަށް ޖަލަށްލުމާއެކު 75،000ރ. ޖޫރިމަނާ ކުރުމުގެ ހުކުމެކެވެ. ބަންދުގައި ހޭދަކުރި މުއްދަތު ކެނޑުމުން އޭނާ ތަންފީޒު ކުރަން ޖެހެނީ 15 އަހަރާއި ނުވަ މަހާއި ތިން ދުވަހުގެ ހުުކުމެވެެ.

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox