އަހަރެއް ތެރޭ ސަރުކާރު ކުންފުނިތަކަށް 4،600 މުވައްޒަފުން އިތުރުވި، 12 ކުންފުންޏެއް ހިންގީ ގެއްލުމުގައި

ފިނޭންސް މިނިސްޓްރީ އާއި ޕީސީބީ

ފިނޭންސް މިނިސްޓްރީ އާއި ޕީސީބީ

މިދިޔަ އަހަރުގެ ފުރަތަމަ ކުއާޓަރަށް ވުރެ މި އަހަރުގެ ފުރަތަމަ ކުއާޓަރުގައި ސަރުކާރު ކުންފުނިތަކަށް ގާތްގަނޑަކަށް 4،600 އަށްވުރެ ގިނަ މުވައްޒަފުން ނަގާފައިވާކަން ޕްރައިވަޓައިޒޭޝަން ބޯޑުން ނެރުނު ކުއާޓަލީ ރިޕޯޓުން ދައްކައިފި އެވެ.

ޕީސީބީއިން ނެރުނު މިދިޔަ އަހަރުގެ ފުރަތަމަ ކުއާޓަރުގެ ރިވުގައި ވާ ގޮތުން ސަރުކާރު ކުންފުނިތަކުގައި މަސައްކަތް ކުރަމުންދިޔައީ އެ ކުއާޓަރު ނިމުނުއިރު 33،284 މުވައްޒަފުންނެވެ.

މި އަހަރުގެ ފުރަތަމަ ކުއާޓަރުގެ ރިވިއުގައި ވާ ގޮތުން ސަރުކާރު ހިއްސާ އޮންނަ ކުންފުނިތަކުގައި 37،900 އަށް ވުރެ ގިނަ މުވައްޒަފުން އަންނަނީ ހަރަކާތްތެރިވަމުންނެވެ. އެހެންކަމުން މިދިޔަ އަހަރުގެ ފުރަތަމަ ކުއާޓަރަށް ވުރެ މި އަހަރުގެ ފުރަތަމަ ކުއާޓަރުގައި ސަރުކާރު ކުންފުނިތަކަށް ވަނީ 4،616 ވަޒީފާ އިތުރުވެފަ އެވެ.

ޕީސީބީން އާންމުކުރި އަހަރީ ރިޕޯޓުގައި 2024 ނިމުނުއިރު ތިބި ކަމަށް ބުނާ މުވައްޒަފުންގެ އަދަދު މި އަހަރުގެ ފުރަތަމަ ކުއާޓާ ރިވިއު ރިޕޯޓުގައި ހިމަނާފައިވާ ވަރަށް ވުރެ ވެސް އިތުރެވެ. އެގޮތުން، މިދިޔަ އަހަރު ނިމުނުއިރު 38،969 މުވައްޒަފުން އެސްއޯއީތަކުގައި މަސައްކަތް ކުރި ކަމަށް ބުނެފައިވެ އެވެ.

އެހާ ބޮޑު ފަރަގެއް އެއް ކުއާޓަރުގެ ތެރޭގައި އައި ސަބަބެއް އަދި އެ އަދަދަށް ވާސިލުވި ގޮތެއް ނޭނގެ އެވެ. އަހަރު ނިމުނުއިރު ތިބި ކަމަށް ބުނާ މުވައްޒަފުންނަށް ވުރެ 1،000 މުވައްޒަފުން މަދުވީ ކޮން ގޮތަކުން ކަމެއް ނޭނގެ އެވެ.

ކުންފުނިތަކުގައި މަސައްކަތް ކުރާ މުވައްޒަފުންގެ އަދަދު އިތުރުވީއިރު, ކުންފުނިތަކުގެ ހާލަތަށް މާ ބޮޑު ބަދަލެއް އަައިސްފައިވާ ކަމަކަށް ނުދައްކަ އެވެ. އެގޮތުން، 12 ކުންފުންޏަކަށް 280 މިލިއަނަށް ވުރެ ބޮޑު ގެއްލުމެއް ފުރަތަމަ ކުއާޓަރުގައި ވަނީ ވެފަ އެވެ.

މިދިޔަ އަހަރުގެ ރިވިއު އަށްވުރެ މި އަހަރުގެ ރިވުގައި މުވައްޒަފުންނާ ގުޅޭގޮތުން ހިމަނާފައި ވަނީ މަދު މައުލޫމާތުތަކެކެވެ. އެގޮތުން މިދިޔަ އަހަރުގެ ރިވިއުގައި ވަކިވަކި ކުންފުނިތަކުގައި ތިބީ ކިހާ މުވައްޒަފުންނެއްކަން އެނގޭ ގޮތަށް އޮތްއިރު މި އަހަރުގެ ރިވިއުގައި އެފަދަ އެއްވެސް މައުލޫމާތެއް ނެތެވެ.

ކުރިއަށް އޮތް ލޯކަލް ކައުންސިލް އިންތިހާބާ ދިމާކޮށް ވެސް ކުންފުނިތަކުން އަންނަނީ ގިނަ ވަޒީފާތަކެއް އުފައްދަމުންނެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox