ތިނަދޫ ސިޓީއަށް ބޯކޮށް ވާރޭވެހި ގެއްލުންތަކެއް ލިބިއްޖެ

ތިނަދޫ ސިޓީގައި ފެންބޮޑުވުން: ބައެއް ގެތަކަށް ވަނީ ގެއްލުން ލިބިފައި -- ފޮޓޯ: ތިނަދޫ ސިޓީ ކައުންސިލް

ތިނަދޫ ސިޓީގައި ފެންބޮޑުވުން: ބައެއް ގެތަކަށް ވަނީ ގެއްލުން ލިބިފައި -- ފޮޓޯ: ތިނަދޫ ސިޓީ ކައުންސިލް

ތިނަދޫ ސިޓީއަށް ރޭ ދަންވަރުން ފެށިގެން މިއަދު ހެނދުނު ވަންދެން ބޯކޮށް ވާރޭވެހި ފެންބޮޑުވުމުގެ ސަބަބުން ގެއްލުންތަކެއް ލިބިއްޖެ އެވެ.

ނެޝަނަލް ޑިޒާސްޓާ މެނޭޖްމަންޓު އޮތޯރިޓީ (އެންޑީއެމްއޭ) އިން ބުނީ ރޭ ދަންވަރުން ފެށިގެން މިއަދު ހެނދުނު 8:30 ވަންދެން ބޯކޮށް ވާރޭވެހުމުގެ ސަބަބުން ރަށު ތެރޭގައި ފެންބޮޑުވެ ގިނަ އަދަދެއްގެ ގެއަށް ފެން ވަދެ ބައެއް ގެތަކަށް ގެއްލުންތަކެއް ލިބިފައިވާ ކަމަށެވެ.

ފެންބޮޑުވުމުގެ ސަބަބުން ބައެއް ގެތަކުން ކަރަންޓުގެ ހިދުމަތް ވެސް މެދުކެނޑުނު ކަމަށާއި މިހާރު ކަރަންޓު ކެނޑުނު ގެތަކަށް އަނބުރާ ކަރަންޓުގެ ހިދުމަތް ވަނީ ދީފައި ކަމަށް އެންޑީއެމްއޭއިން ބުންޏެވެ.

ތިނަދޫ ސިޓީގައި ފެންބޮޑުވުން: ބައެއް ގެތަކަށް ވަނީ ގެއްލުން ލިބިފައި -- ފޮޓޯ: ތިނަދޫ ސިޓީ ކައުންސިލް
ތިނަދޫ ސިޓީގައި ފެންބޮޑުވުން: ބައެއް ގެތަކަށް ވަނީ ގެއްލުން ލިބިފައި -- ފޮޓޯ: ތިނަދޫ ސިޓީ ކައުންސިލް

ތިނަދޫ ސިޓީގައި ފެންބޮޑުވުން: ބައެއް ގެތަކަށް ވަނީ ގެއްލުން ލިބިފައި -- ފޮޓޯ: ތިނަދޫ ސިޓީ ކައުންސިލް

ތިނަދޫ ސިޓީގައި ފެންބޮޑުވުމުގެ ސަބަބުން އެއްވެސް ގެއަކުން މީހުން ނެރެންޖެހޭ ފަދަ ހާލަތަކަށް ގޮސްފައި ނުވާ ކަމަށް ވެސް އެންޑީއެމްއޭއިން ބުންޏެވެ.

ފެން ވަދެ ގެއްލުން ލިބުނު ގެތަކުގެ އަދަދާއި ލިބުނު ގެއްލުމުގެ ތަފްސީލްތައް ތިނަދޫ ސިޓީ ކައުންސިލުން ދަނީ އެއްކުރަމުންނެވެ. ގެތަކަށް ލިބިފައިވާ ގެއްލުން 7531718 އަށް ގުޅައިގެން ރިޕޯޓް ކުރުމަށް ކައުންސިލުން ވަނީ އެދިފަ އެވެ.

ތިނަދޫ ސިޓީގައި ފެންބޮޑުވުމުގެ ސަބަބުން ރަށުގެ އެކި ސަރަހައްދުތަކުގައި ފެން ޕަމްޕް ބަހައްޓައިގެން އަދި ކޯރު ކަނޑައިގެން ފެން ހިއްކުމުގެ މަސައްކަތް ދަނީ ކުރަމުންނެވެ.

މި ފަހުން ރާއްޖެއަށް ކުރަމުންދާ ވިއްސާރައިގައި އެހެން ބައެއް ރަށްރަށުގައި ވެސް ފެންބޮޑުވުމާ ގުޅިގެން ގެއްލުންތަކެއް ލިބުނެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox