ނޭމާ އަށް އިންޓަ މިއާމީން އޮފާ ނުކުރަން ނިންމަނީ

Dec 5, 2025, 5:26 AM
ނޭމާ އަށް އިންޓަ މިއާމީން އޮފާ ނުކުރަން ނިންމަނީ

މިއާމީ، ޔުނައިޓެޑް ސްޓޭޓްސް (ޑިސެމްބަރު 5) - ލިއޮނަލް މެސީގެ ކެޕްޓަންކަމުގައި ކުޅެމުން އަންނަ އިންޓަ މިއާމީން ބްރެެޒިލްގެ ތަރި، ނޭމާގެ ސޮއި ހޯދަން މިހާރު ޝައުގުވެރިނުވާ ކަމަށް ރިޕޯޓްތައް ބުނެފި އެވެ.

ބްރެޒިލްގެ ސަންޓޯސް އަށް މި އަހަރު ކުރީކޮޅުގައި ބަދަލުވި ނޭމާ، 33، އެ ޓީމާ އެކު ކޮންޓްރެކްޓް އާ ކުރީ މި މަހުގެ ނިޔަލަށެވެ.

ސަންޓޯސް، ރެލިގޭޝަނުން ސަލާމަތްކޮށްދިނުމަށްޓަކައި، ކަކުލުގެ އަނިޔާއެއްގައި ހުރެ ނޭމާ އަންނަނީ ކުޅެމުންނެވެ. އަދި، މެޗުތަކުގައި ދެއްކި ތަފާތާ އެކު، ސަންޓޯސް ވަނީ ރެލިގޭޝަން ޒޯނާ ފެޔަށް ޖެހިލައިފަ އެވެ. މި ސީޒަނުގައި ސަންޓޯސް އަށް ކުޅެދިން 29 މެޗުގައި ނޭމާ ވަނީ 11 ލަނޑު ޖަހައި, ހަތަރު ލަނޑު ޖަހަން ފުރުސަތު ތަނަވަސްކޮށްދީފަ އެވެ. މީގެ ތެރެއިން ތިން ގޯލު ޖެހީ އެންމެ ފަހުން، ލީގުގައި ކުޅުނު މެޗުގަ އެވެ.

Advertisement

ވޯލްޑް ކަޕްގެ ކުރިން، އެމެރިކާގެ މާހައުލަށް ހޭނުމަށާއި ރިކަވަރީ އަށް ވިސްނައިގެން ސީޒަނުގެ ބާކީބައިގައި ކުޅުމަށްޓަކައި، ނޭމާ، އިންޓަ މިއާމީ އަށް ސޮއިކޮށް، މެސީއާ އެކު، ތިން ވަނަ ކްލަބެއްގައި ކުޅޭނެ ކަމަށް އަޑުތަކެއް ފެތުރުނެވެ. މެސީ އާއި ނޭމާ ވަނީ އެކުގައި، ބާސެލޯނާ އާއި ޕީއެސްޖީގައި ކުޅެފަ އެވެ.

އެ ގޮތުން، އޭޕްރީލް މަހު، އެމެރިކާގެ ފުޓްބޯޅަ ލީގު (މޭޖަ ލީގު ސޮކާ)ގެ އާ ސީޒަން ފަށާއިރު، އިންޓަ މިއާމިން އެ ސީޒަނަށް ނުކުންނާނީ ޖޯޑީ އަލްބާ އާއި ސާޖިއޯ ބުސްކެޓްސް ނުލަ އެވެ. އެއީ، އެ ދެ ކުޅުންތެރިން ވަނީ މި ސީޒަނަށް ފަހު ރިޓަޔާކުރަން ނިންމައިފަ އެވެ.

ރިޕޯޓްތައް ބުނާގޮތުން، އިންޓަ މިއާމީގެ އޮފިޝަލުން މިހާރު ވަނީ ނޭމާ އެ ޓީމަށް ނުގެންނަން ނިންމައިފަ އެވެ. އޭގެ ބަދަލުގައި، ޔޫރަޕްގެ ކްލަބެއްގައި ކުޅޭ ވަރުގަދަ ކުޅުންތެރިއެއް ގެނައުމަށް އެ ޓީމުން ވަނީ މަޝްވަރާތައް ފަށައިފަ އެެވެ.

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox