ހުލާސާކޮށް އިއްޔެ: މުއިއްޒުގެ ރުޅިގަނޑު މިފަހަރު އަސްމާއަށް

Nov 29, 2025, 1:36 AM
ރައީސް މުއިއްޒު އާއި މާފަންނު މެދު ދާއިރާގެ މެންބަރު އަސްމާ

ރައީސް މުއިއްޒު އާއި މާފަންނު މެދު ދާއިރާގެ މެންބަރު އަސްމާ

ރައީސް މުހައްމަދު މުއިއްޒު މާފަންނުގެ ރައްޔިތުންނާއެކު އަންނަ ބުރާސްފަތި ދުވަހު ބާއްވާ ބައްދަލުވުމުގައި ހިޔާލުފާޅު ކުރަން ބޭނުންވާ މީހުން އަންގައި ދިނުމަށް އެދި، މާފަންނު މެދު ދާއިރާގެ ރައްޔިތުންނަށް، އެ ދާއިރާގެ މެންބަރު އަސްމާ ރަޝީދު (އަސްމާއްތަ) މެސެޖު ކުރެއްވުމުން، މުއިއްޒު އެކަމާ ކޯފާ އިސްކުރައްވައި، މަޖިލީހުގެ ކޮމިޓީތަކުގެ މުގައްރިރު ކަމުން އަސްމާ ވަކިކުރި ކަމަށް އިއްޔެ ރިޕޯޓުކުރި އެވެ.

އޭގެ އިތުރުން، އަންނަ ހަފުތާގައި އަސްމާ އިނގިރޭސި ވިލާތަށް ކުރައްވަން ނިންމާފައި އޮތް މަޖިލީހުގެ ދަތުރެއް ވެސް މުއިއްޒު އަންގަވައިގެން ވަނީ ކެންސަލްކޮށްފަ އެވެ.

އަސްމާއަށް އަށް މި ފިޔަވަޅުތައް އެޅިކަން އޭނާގެ އަރިސް ބައެއް ބޭފުޅުން އަދަދު ނޫހަށް ކަށަވަރުކޮށް ދިނެވެ.

Advertisement

މި ނޫހާ ވާހަކަ ދެއްކި މީހުން ވިދާޅުވީ ރައްޔިތުންގެ ވީހާވެސް ގިނަ ހިޔާލެއް މުއިއްޒުގެ އަރިހަށް ގެންދިޔުމުގެ މަގުސަދުގައި އަސްމާ ކުރެއްވި ކަމަކާމެދު އާންމު ރައްޔިތުންގެ މެދުގައި ބަހުސް އުފެދުމުން، އެކަމާ ކޯފާ އިސްކުރައްވައި ފިޔަވަޅު އެޅުއްވީ އިންސާފުން ނޫން ކަމަށެވެ.

"މަޖިލީހުގެ އިޖުތިމާއީ ކޮމިޓީގެ މުޣައްރިރު ކަމުން، ޔޫކޭ-މޯލްޑިވްސް ފްރެންޑުޝިޕްގެ ގްރޫޕްގެ ޗެއާގެ މަގާމުން އަސްމައްތަ ވަނީ ވަކިކޮށްފައި. އަދި މާދަމާ ނޫން އަނެއް ދުވަހު އިނގިރޭސި ވިލާތަށް ކުރައްވަން ނިންމާފައި އޮތް ދަތުރު ވެސް ކެންސަލްކޮށްފި،" މި ނޫހާ ވާހަކަ ދެއްކި އެކަކު ބުންޏެވެ.

ފޮނުވި މެސެޖުގެ ސަބަބުން މުއިއްޒު އަސްމާ ދެކެ އިންތިހާއަށް ހިތްހަމަޖެހިވަޑައިނުގެންނެވި ކަމަށާއި އެހެންވެ ދާއިރާގެ ރައްޔިތުންގެ ކިބައިން މައާފަށް ވެސް އެދުމަށް ސީދާ މުއިއްޒު އެންގެވި ކަމަށް، އެކަމުގެ މައުލޫމާތު އެނގޭ މަސްދަރުތަކުން ބުންޏެވެ.

"މިއީ ވަރަށް ދެރަވަރު. އަސްމައްތަ ކުރެއްވި މެސެޖަކީ މިވަރުގެ ފިޔަވަޅުތަކެއް އަޅަންޖެހޭ ކަމެއް ނޫން. އަދި ރައީސް މުއިއްޒު އެވަރަށް ކޯފާ ވެސް އިސްކުރައްވަންޖެހޭ ކަމެއް ނޫން،" ޕީއެންސީގެ ހަރަކާތްތަކުގައި ވެސް އިސްކޮށް އުޅުއްވާ މީހަކު ބުންޏެވެ.

"މުއިއްޒުގެ މާމާފުޅާ އެއް އުމުރެއްގެ ބޭފުޅެއް އަސްމާއްތައަކީ. އެކަމަކު މިވަރުގެ ކުޑަ ކަމެއްގައި އެއްވެސް އިހުތިރާމެއް ނެތި އަސްމައްތަ ފަލީހަތްކޮށްލީ، ފިޔަވަޅު އެޅީ."

މިކަމާ ގުޅޭ ގޮތުން އަސްމާގެ ބަހެއް ނުލިބުނެވެ.

ޕީއެންސީގެ ބައެއް މެންބަރުން ވިދާޅުވީ ރައީސް އެވަރަށް ކޯފާ އިސްކުރެއްވީ އަސްމާގެ މެސެޖުގެ ސަބަބުން އެ މަނިކުފާނު ބޮލުގައި ބަދުނާމެއް އެޅިއްޖެ ކަމަށް ގަބޫލު ކުރެއްވިގެން ކަމަށެވެ.

މުއިއްޒު މާލޭގެ އެކި ދާއިރާތަކުގެ ރައްޔިތުންނާ ވަކިވަކިން ބާއްވާ ބައްދަލުވުންތަކުގައި ސުވާލުކުރާ މީހުން ދުރާލައި ނޯޓުކުރަން އުޅޭތީ ގިނަ ބަޔަކު ކަންބޮޑުވުން ފާޅުކުރި އެވެ. ނަމަވެސް ރައީސް އޮފީހުގެ ތަރުޖަމާން ހީނާ ވަލީދު އެކަން ދޮގުކުރައްވާ ވިދާޅުވީ މިނިވަންކަމާއެކު ބައްދަލުވުންތަކުގައި ހިޔާލު ފާޅު ކުރެވޭނެ ކަމަށެވެ.

ރައީސް އޮފީހުގެ ތަރުޖަމާން ހީނާ ވަލީދު ވިދާޅުވީ ރައީސްގެ ބައްދަލުވުންތަކުގައި މިނިވަންކަމާއެކު ހިޔާލު ފާޅު ކުރެވޭނެ ކަމަށެވެ. އަދި ކުރީ ބައިގައި ސުވާލު ހުށަހަޅަންޖެހޭނެ ކަމަށް ބުނެ ދައްކާ ވާހަކައަކީ ދޮގެއް ކަމަށް އޭނާ ވިދާޅުވި އެވެ.

އަސްމާ ވެސް މިއަދު ވިދާޅުވީ މާފަންނު ރައްޔިތުންނާ މުހައްމަދު މުއިއްޒު ބައްދަލުކުރައްވާއިރު ބޭނުން ސުވާލެއް ކުރުމުގެ ފުރުސަތު އާންމުންނަށް ލިބޭނެ ކަމަށެވެ. މާފަންނު ރައްޔިތުންނާ ބައްދަލުކުރެއްވުމަށް މުއިއްޒު ބާއްވަވާ ބައްދަލުވުން އޮންނާނީ ޑިސެމްބަރު 4، ވާ ބުރާސްފަތި ދުވަހުގެރޭ 8:30 ގައި ތާޖުއްދީން ސްކޫލުގަ އެވެ.

އެންމެ ފަހުން ބައްދަލު ކުރެއްވީ މައްޗަންގޮޅީ ރައްޔިތުންނާއެވެ. އެ ބައްދަލުވުމުގައި މުއިއްޒަށް ފާޑުކިޔުމާއި، ޖަވާބު ނުދެއްވުނު ގިނަ ސުވާލުތަކެއް ރައްޔިތުން ކުރި އެވެ.

މުހިއްމު ބައެއް ހަބަރު

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox