ހުލާސާކޮށް އިއްޔެ: ފުވައްމުލަކުގައި ފެށި މަޝްރޫއުތަކުގެ ބިންގާ އެޅި ގޮތަށް މަސައްކަތް ހުއްޓިފައި

Nov 25, 2025, 1:07 AM
ފުވައްމުލަކު ވޭސްޓުމެނޭޖުމެންޓު ސެންޓަރުގެ އަމަލީ މަސައްކަތް ފެށިކަމަށް ދެއްކުމަށް ނޮވެމްބަރު 4، 2025 ގައި އެ އިމާރާތުގެ ބިންގާ އަޅަނީ. -- ފޮޓޯ: ރައީސް އޮފީސް

ފުވައްމުލަކު ވޭސްޓުމެނޭޖުމެންޓު ސެންޓަރުގެ އަމަލީ މަސައްކަތް ފެށިކަމަށް ދެއްކުމަށް ނޮވެމްބަރު 4، 2025 ގައި އެ އިމާރާތުގެ ބިންގާ އަޅަނީ. -- ފޮޓޯ: ރައީސް އޮފީސް

މި މަހުގެ ކުރީކޮޅު ރައީސް މުހައްމަދު މުއިއްޒު ފުވައްމުލަކަށް ކުރެއްވި ރަސްމީ ދަތުރުގެ ތެރެއިން ބިންގާ އެޅި ތަރައްގީގެ މަޝްރޫއުތަކުގެ މަސައްކަތް ކުރިއަށް ހުއްޓިފައި އޮންނަތާ އެތައް ދުވަހެއް ވެއްޖެ އެވެ.

މުއިއްޒުގެ ދަތުރުގެ ތެރެއިން ފަސް މަޝްރޫއެއްގެ ބިންގާ އަޅައި އަމަލީ މަސައްކަތް ފެށީ ނޮވެމްބަރު 4، ގަ އެވެ. އެއީ މީގެ 20 ދުވަސް ކުރި އެވެ. ރަމްޒީކޮށް ބިންގާ އެޅުމުގެ އިތުރުން އެ ޕްރޮޖެކްޓުތަކުގެ އެއްވެސް ކަމެއް ކުރިއަކަށް ނުދެ އެވެ.

މުއިއްޒުގެ ދަތުރުގައި ބިންގާ އެޅި މަޝްރޫއުތައް:

  • ވޭސްޓް މެނޭޖްމަންޓް ސެންޓަރެއް ގާއިމުކުރުމުގެ މަޝްރޫއު
  • ޏ. އަތޮޅު ތައުލީމީ މަރުކަޒުގެ އައު އިމާރާތް ގާއިމުކުރުމުގެ މަޝްރޫއު
  • 400 ހައުސިން ޔުނިޓް އިމާރާތްކުރުމުގެ މަޝްރޫއު
  • ޕޮލިސް އެކޮމޮޑޭޝަން އިމާރާތްކުރުމުގެ މަޝްރޫއު
  • ނެޝަނަލް ލައިބްރަރީގެ ގޮތްޕެއް ގާއިމުކުރުމުގެ މަޝްރޫއު

މީގެ ތެރެއިން ވޭސްޓް މެނޭޖްމަންޓު ސެންޓަރާއި ނޭޝަނަލް ލައިބްރަރީގެ ގޮފީގެ މަޝްރޫއު ހިންގާ ސަރަހައްދުގެ ބިން ވެސް ސާފުކޮށްފައެއް ނުވެ އެވެ. އަނެއް ތިން މަޝްރޫއުގެ މަސައްކަތް ކުރާ ސައިޓުގައި އެއްވެސް މީހަކު ނެތްއިރު މަސައްކަތް ކުރިއަށް ދާ މަންޒަރެއް ވެސް ނުފެނެ އެވެ.

Advertisement

ހައުސިން ޔުނިޓުތައް އަޅާ ސަރަހައްދުގައި ދެ ހައިމާކެއް އޮތްއިރު، ޕޮލިސް އެކަމަޑޭޝަން ޔުނިޓުގެ ސައިޓުގައި ދެތިން ތަނބެއް ޖެހުން ނޫން ކަމެއް ކުރެވިފައެއް ނެތެވެ. ސްކޫލުގެ އައު އިމާރާތް ތަރައްގީ ކުރާ ސައިޓުގައި ކޮނެފައި އޮތް ވަޅުގަނޑުގައި އޮތީ ފެންބޮޑުވެފަ އެވެ.

މިއިން އެއްވެސް މަޝްރޫއެއްގެ މަސައްކަތް މިހާރު ކުރިއަށް ނުދާއިރު ދަތުރުގެ ތެރެއިން ރައްޔިތުންނާ ބައްދަލުކުރައްވާ މުއިއްޒު ވަނީ މި މަޝްރޫއުތަކުގެ މަސައްކަތް ހަލުވި ކަމާއެކު ކުރިއަށްދާނެ ކަމުގެ ޔަގީންކަން ދެއްވައިފަ އެވެ. އަވަސް ދުވެލީގައި ކުރިއަށް ގެންގޮސް މަސައްކަތްތައް ވަރަށް އަވަހަށް ނިންމާނެ ކަމަށް ވެސް ވިދާޅުވި އެވެ.

ފުވައްމުލަކުގައި ބިންގާ އެޅި ތަރައްގީގެ މަޝްރޫއުތަކުގެ ތެރެއިން ގިނަ މަސައްކަތްތައް ހަވާލުކޮށްފައިވަނީ އަމިއްލަ ކުންފުނިތަކާ އެވެ. އަދި، ބައެއް މަޝްރޫއުތައް ހަވާލުކޮށްފައިވަނީ ސަރުކާރުގެ ކުންފުނިތަކާ އެވެ.

މުހިއްމު ބައެއް ހަބަރު

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox