މަސައްކަތްތެރިންނަށް ހަޅުތާލުކުރެވޭނެ، ގާނޫނަކުން އެ ކަމަށް ހުރަސްއެޅޭނެ ގޮތެއް ނޯންނާނެ: މައުރޫފު

މި އަހަރުގެ މޭޑޭ މުޒާހަރާގެ ތެރެއިން މައުރޫފު ވާހަކަދައްކަވަނީ: މައުރޫފު ވިދާޅުވީ މަސައްކަތްތެރިންނަށް ހަޅުތާލުތަކަށް ގާނޫނުން ހުރަސް ނޭޅޭނެ ކަމަށް ---- ފޮޓޯ: އަދަދު

މި އަހަރުގެ މޭޑޭ މުޒާހަރާގެ ތެރެއިން މައުރޫފު ވާހަކަދައްކަވަނީ: މައުރޫފު ވިދާޅުވީ މަސައްކަތްތެރިންނަށް ހަޅުތާލުތަކަށް ގާނޫނުން ހުރަސް ނޭޅޭނެ ކަމަށް ---- ފޮޓޯ: އަދަދު

މުޒާހަރާ ކުރުމާއި ހަޅުތާލު ކުރުމަކީ އަސާސީ ހައްގެއް ކަމަށާއި ހާއްސަކޮށް މަސައްކަތު މާހައުލުގައި ހަޅުތާލު ކުރުމަށް ގާނޫނެއް ހަދައިގެން ހުރަސް ނޭޅޭނެ ކަމަށް ވިދާޅުވެ ކެންދޫ ދާއިރާގެ މެންބަރު، މައުރޫފް ޒާކިރު ވިދާޅުވެއްޖެ އެވެ.

މީގެ ކުރިން މަސައްކަތްތެރިންގެ ޔޫނިއަންތަކުގައި އިސްވެ މަސައްކަތް ކުރެއްވި މައުރޫފު ވަރަށް ބޮޑަށް ނުރުހުން ފާޅުކުރައްވާ މިފަދައިން ވާހަކަދެއްކެވީ އެއްވެ އުޅުމާއި ހިޔާލު ފާޅުކުރުން އަދި ހަޅުތާލު ކުރުމާއި ދެކޮޅަށް މިއަދުގެ މަޖިލީހުގައި ބައެއް މެންބަރުން ވާހަކަދެއްކެވުމާއި ގުޅިގެންނެވެ.

ކުރިއާލައި ހުއްދަ ނަގައިގެން ނޫނީ ވަކި ސަރަހައްދުތަކަކަށް އެއްވެ އުޅުން މަނާކުރާ ގާނޫނު އުވާލަން ހުށަހަޅާފައިވާ ބިލަށް ބަހުސް ކުރައްވަމުން އެކަމާއި ދެކޮޅަށް މައުރޫފުގެ ކުރިން ވާހަކަދެއްކެވީ ބާރަށު ދާއިރާގެ މެންބަރު އިބްރާހިމް ޝުޖާއު އާއި އިނގުރައިދޫ ދާއިރާގެ މެންބަރު އިބްރާހިމް ފަލާހު އަދި ވެލިދޫ ދާއިރާގެ މެންބަރު މުހައްމަދު އައްބާސް އެވެ.

އެގޮތުން، ޓޫރިސްޓު ރިޒޯޓުތަކުގައި މުޒާހަރާކޮށް ހަޅުތާލުކުރުމުގެ ފުރުސަތު ދެން ދެވިގެން ނުވާނެ ކަމަށާއި ލަދު ހަޔާތް ހުންނަން ޖެހޭނެ ކަމަށް އައްބާސް ވިދާޅުވި އެވެ.

އެ ވާހަކަތަކަށް ރައްދު ދެއްވާ މައުރޫފު ވިދާޅުވީ ފެހި ގާނޫނުއަސާސީ އަކީ މުޒާހަރާ އާއި ހަޅުތާލު ކުރުމުގެ ގާނޫނޫއަސާސީއެއް ކަމަށެވެ. އެކަމާއި ދެކޮޅަށް ވާހަކަ ދައްކަނީ ޖަންގަލީގެ އުސޫލުން ވިސްނާ ބޯދާ ބައެއްގެ ގޮތުގައި މައުރޫފު ސިފަކުރެއްވި އެވެ.

"ދިވެހި ރާއްޖޭގެ މަސައްކަތްތެރިންނަށް ހަޅުތާލު ކުރެވޭ ވާހަކަ މި ގާނޫނުއަސާސީގަ ލިޔެފަ މިތިބީ މި ލިޔުނު މީހުންނަށް އެކަން ނޭނގިގެންނެއް ނޫން. އެއީ ދުނިޔޭގަ އެކަން އޮންނަ ގޮތް. ތަހުޒީބު ގައުމުތަކުގައި އެކަން އޮންނަ ގޮތް،" ނުރުހުންވެ ހުންނަވާ މައުރޫފު ވިދާޅުވި އެވެ.

މަސައްކަތްތެރިޔަކު ރިސޯޓެއްގައި އޭނާގެ މަސައްކަތު މާހައުލުގައި ހަޅުތާލުކުރާނަމަ އެކަން ގާނޫނެއް ހަދައިގެން ނުހުއްޓުވޭނެ ކަމަށް މައުރޫފު ވިދާޅުވި އެވެ.

"އަޅުގަނޑު މަސައްކަތް ނުކޮށް މިއަދު ހުންނާނަމޭ. ހުއްޓާލައިގެންނޭ މިހުރީ ބުނީމާ. އޭނާ ލައްވާ އައްބާސް އަށް އައިސް މަސައްކަތް ކުރެވޭނެތޯ ގަދަކަމުން. ނުކުރެވޭނެ މަސައްކަތެއް ގަދަކަމަކުންނެއް. އިއްޒަތްތެރި ރައީސް. ނުކުރެވޭނެ އެހެންނެއް ގަދަކަމަކުންނެއް،" މައުރޫފު ވިދާޅުވި އެވެ.

ބައިނަލްއަގުވާމީ އިންސާނީ ހައްގުތަކުގެ މުއާހަދާތަކާއި ހިލާފަށް، ހައްގުތައް ދިނުމާއި ދެކޮޅަށް މަޖިލީހުގައި ވާހަކަދެއްކުމަކީ ކަންބޮޑުވާން ޖެހޭ ކަމެއް ކަން ވެސް މައުރޫފު ވަނީ ފާހަގަކުރައްވާފަ އެވެ.

"މިއީ އިނގުރައިދޫ ދާއިރާގެ މެންބަރަކަށް ހިފެހެއްޓޭނެ ހައްގެއް ނޫނޭ. އެހެން ވެއްޖިއްޔާ މި ގާނޫނުއަސާސީ އުވާލަން ވީ ނޫންތޯ. މި ގާނޫނުއަސާސީގަ މިހިރަ މާއްދާތައް ބާތިލުކޮށް އުވާލަން ވީތޯ،" މައުރޫފު ވިދާޅުވި އެވެ.

މަޖިލީހުގައި 100 ޕަސެންޓު ޕީއެންސީގެ މެންބަރުން ތިއްބަސް އަސާސީ ހައްގުތަކާއި ހިލާފަށް ގާނޫނުތައް ހަދައި ގާނޫނުއަސާސީއަށް ބަދަލު ގެނައުމުގެ ފުރުސަތު ނުދޭނެ ކަމަށް ވެސް މައުރޫފު ވިދާޅުވި އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox