ދިއްލީގައި ބޮން ގޮއްވި މައްސަލައިގައި ހައްޔަރު އެއް ޑޮކްޓަރު ރާއްޖޭގައި ތިން އަހަރު މަސައްކަތް ކުރި

މި މައްސަލައާ ގުޅިގެން ހައްޔަރުކުރި ޑރ. ޕަރްވޭޒް އަހުމަދު

މި މައްސަލައާ ގުޅިގެން ހައްޔަރުކުރި ޑރ. ޕަރްވޭޒް އަހުމަދު

އިންޑިއާގެ ވެރި ރަށް ދިއްލީގައި ކާރެއްގައި ހަރުކޮށްފައި އިން ބޮމެއް ގޮއްވާލައިގެން ދިން ޓެރަރިސްޓު ހަމަލައިގެ މައްސަލައިގައި ހައްޔަރު ކުރި ޑޮކްޓަރަކު ރާއްޖޭގައި ތިން އަހަރު މަސައްކަތް ކުރި ކަމަށް އިންޑިއާގެ ބައެއް ނޫސްތަކުން ބުނެފި އެވެ.

ބޮން ގޮއްވީ ނޮވެމްބަރު 10، ގައި ދިއްލީގެ ރެޑް ފޯޓް ހިސާބުގަ އެވެ. އެއީ ފަތުރުވެރިން ވަރަށް ގިނަ އަދަދަކަށް ޒިޔާރަތް ކުރާ އާސާރީ ތަނެއް ހިމެނޭ ސަރަހައްދެކެވެ. އެ ހާދިސާގައި 14 މީހަކު މަރުވެ، އިތުރު 40 މީހަކު ވަނީ ޒަހަމްވެފަ އެވެ.

އިންޑިއާގެ ނޫސްތަކުން ބުނާ ގޮތުގައި އެ މައްސަލައިގައި ހައްޔަރުކުރި އިންޓާގްރަލް ޔުނިވާސިޓީ އޮފް ލަކްނޯގެ އެސިސްޓަންޓް ޕްރޮފެސަރެއްގެ މަގާމު އަދާކުރަމުންދިޔަ ޑރ. ޕަރްވޭޒް އަންސާރީ ވަނީ 2021 ވަނަ އަހަރާ ހަމައަށް ރާއްޖޭގައި ތިން އަހަރު މަސައްކަތްކޮށްފަ އެވެ.

ޕަރްވޭޒް ރާއްޖޭގައި ހުރި ދުވަސްވަރު، ޓެރަރިސްޓެއް ކަމަށް ބެލެވޭ އިތުރު މީހަކު ރާއްޖެ އައިތޯ ވެސް ދަނީ ބަލަމުންނެވެ. އޭނާ މަސައްކަތް ކުރި ތަނެއް ނޫސްތަކުގައި ބުނެފައެއް ނުވެ އެވެ. ޕަރްވޭޒްއަކީ ހަމަ އެ މައްސަލައިގައި ހައްޔަރު ކުރި ޑރ. ޝާހީން ޝާހިދުގެ ބޭބެ އެވެ.

ޕަރްވޭޒް ރާއްޖޭގައި މަސައްކަތް ކުރިއިރު ބައްދަލު ކުރި މީހުންނާއި ބައިނަލްއަގުވާމީ އިންޓެލިޖެންސް އިދާރާތަކުން މޮނީޓާ ކުރަމުންދިޔަ އެއްވެސް މީހަކާ އޭނާ ބައްދަލު ކުރިތޯ ތަހުގީގު ތެރެއިން ބަލާނެ ކަމަށް ނޫސްތަކުން ބުނެ އެވެ.

ބޮން ގޮއްވާލީ ރިމޯޓެއް ބޭނުންކޮށްގެން ކަމަށްވެ އެވެ. ބޮން ގޮއްވާލީ ޑރ. ޝާހީން ކަމަށް ބެލެވެ އެވެ. ޝާހީން އާއި އޭނާގެ ބައިވެރިން ހަރަކާތްތެރިވަމުންދިޔަ ޓެރަރިސްޓު ސެލްއަށް ނޫސްތަކުން ދީފައިވާ ނަމަކީ "ވައިޓް ކޮލާ ޓެރާ މޮޑިއުލް" އެވެ. އެ ސެލްއަށް ޕަރްވޭޒް ރެކްރޫޓު ކުރީ ޝާހިން ކަމަށް ނޫސްތަކުން ބުނެ އެވެ.

އެންޑީޓީވީގައި ލިޔުނު ހަބަރެއްގައި ބުނެފައި ވަނީ އޭނާ ހަރަކާތްތެރިވި ޓެރަރިސްޓު ސެލްއަށް މީހުން ރެކްރޫޓު ކުރަން ޕަރްވޭޒް ވެސް މަސައްކަތްކޮށްފައިވާ ކަމަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox