އެމްބަސީތަކަށް ކުރާ ހަރަދާއި ވެރިންގެ ބޭރު ދަތުރުތައް އިތުރުވާއިރު ހިލޭ އެހީ ދަށްވާތީ ސަމީރުގެ ކަންބޮޑުވުން

ތޮއްޑޫ ދާއިރާގެ މެންބަރު ހުސެއިން ސަމީރު: އޭނާ ވިދާޅުވީ އެމްބަސީތަކުގެ ހަރަދު އިތުރުވާއިރު ހިލޭ އެހީ ނުލިބޭތީ ކަންބޮޑުވުން ފާޅުކޮށްފަ --- ފޮޓޯ: ރައްޔިތުންގެ މަޖިލިސް

ތޮއްޑޫ ދާއިރާގެ މެންބަރު ހުސެއިން ސަމީރު: އޭނާ ވިދާޅުވީ އެމްބަސީތަކުގެ ހަރަދު އިތުރުވާއިރު ހިލޭ އެހީ ނުލިބޭތީ ކަންބޮޑުވުން ފާޅުކޮށްފަ --- ފޮޓޯ: ރައްޔިތުންގެ މަޖިލިސް

ބޭރުގައި ހުންނަ ރާއްޖޭގެ އެމްބަސީތަކާއި، ހައި ކޮމިޝަންތަކާއި ކޮންސުލޭޓު އަދި މިޝަންތަކަށް ކުރާ ހަރަދާއި ވެރިން ބޭރު ގައުމުތަކަށް ކުރާ ދަތުރުތައް އިތުރުވި ނަމަވެސް ގައުމުތަކުން ރާއްޖެއަށް ލިބޭ ހިލޭ އެހީ ދަށްވަމުންދާތީ ތޮއްޑޫ ދާއިރާގެ މެންބަރު ހުސެއިން ސަމީރު ކަންބޮޑުވުން ފާޅުކުރައްވައިފި އެވެ.

ބަޖެޓު ބަހުސްގައި ވާހަކަދައްކަވަމުން ސަމީރު ވިދާޅުވީ އަންނަ އަހަރަށް ލަފާކޮށް ހުށަހަޅާފައިވާ ބަޖެޓުގައި އެމްބަސީތަކަށް ކުރާ ހަރަދު އިންތިހާއަށް ބޮޑުވެފައިވާ ކަމަށެވެ. އަންނަ އަހަރުގެ ބަޖެޓުގައި ފޮރިން މިނިސްޓްރީއަށް ދޭން ހިމަނާފައިވާ ޖުމްލަ 349 މިލިއަން ރުފިޔާގެ ތެރެއިން 270 މިލިއަން ރުފިޔާ އަކީ އެމްބަސީ ތަކުގެ ބަޖެޓެވެ.

ނަމަވެސް، އެމްޑީޕީ ސަރުކާރުގެ ފަސް އަހަރާއި އަޅާބަލާއިރު މި ވެރިކަމުގައި ހިލޭ އެހީ ލިބޭ މިންވަރު ވަރަށް ބޮޑުތަނުން ދައްވެފައިވާކަން އޭނާ ފާހަގަކުރެއްވި އެވެ. އޭރު ނަމްބަރުތައް ވެސް ހިއްސާކުރެއްވި އެވެ.

"2019 ގައި އެއް ބިލިއަން ރުފިޔާ އެބައޮތް ހިލޭ އެހީގެ ގޮތުގައި ދީފަ. 2020 ވަނަ އަހަރު 972 މިލިއަން ރުފިޔާ ހިލޭ އެހީގެ ގޮތުގަ. 2021 ވަނަ އަހަރު 959 މިލިއަން ރުފިޔާ ހިލޭ އެހީގެ ގޮތުގަ. 2022 ވަނަ އަހަރު 480 މިލިއަން ރުފިޔާ. 2023 ވަނަ އަހަރު އެއް ބިލިއަން ރުފިޔާ،" އިދިކޮޅު އެމްޑީޕީއަށް ނިސްބަތްވާ ސަމީރު ވިދާޅުވި އެވެ.

ނަމަވެސް، މިދިޔަ އަހަރަށް އަންދާޒާކުރި 1.2 ބިލިއަން ރުފިޔާގެ ތެރެއިން ހޯދުނީ 763 މިލިއަން ރުފިޔާ ކަމަށާއި މި އަހަރަށް އަންދާޒާކުރި 2.5 ބިލިއަން ރުފިޔާގެ ތެރެއިން ހިލޭ އެހީގެ ގޮތުގައި މިހާތަނަށް ލިބުނީ 380 މިލިއަން ރުފިޔާ ކަމަށް ސަމީރު ވިދާޅުވި އެވެ.

"ކުރިން މި ދެންނެވި ފަދައިން މި ސަރުކާރުގެ އެމްބަސީތަކަށް އެހާ ބޮޑު ހޭދައެއް ކުރަމުންދާއިރުގަ އަދި ވަޒީރުންނާއި ރައީސުލްޖުމްހުރިއްޔާ އެތައް ބައިވަރު ދަތުރުތަކެއް ރާއްޖެއިން ބޭރަށް ކުރަމުންދާއިރު މީގެން އެންމެ އެދެވޭ ނަތީޖާ ފެންނަން ނެތްކަން ހިތާމައާއެކު ފާހަގަކޮށްލަން ޖެހޭ،" ސަމީރު ވިދާޅުވި އެވެ.

އެމްބަސީތަކަށް ކުރާ ހަރަދު އިތުރުވުމާއެކު ރާއްޖެއިން ބޭރު ފައިސާ ބޭރުވާ މިންވަރު ވެސް އިތުރުވާނެ ކަމަށާއި ބޭރުގައި ތިބޭ މުވައްޒަފުންނަށް މުސާރަ ކުރުމާއި ހޭދަތަކަށް ފައިސާ ދޫކުރާނީ ބޭރުގެ ކަރަންސީތަކުން ކަން ވެސް ސަމީރު ފާހަގަކުރެއްވި އެވެ.

އެންމެ ބޮޑު ހަރަދުކުރާ އެމްބަސީ، ހައި ކޮމިޝަން އަދި މިޝަންތައް

  1. މެލޭޝިއާގައި ހުންނަ ދިވެހި އެމްބަސީ --- 27.3 މިލިއަން ރުފިޔާ
  2. ސްރީލަންކާގައި ހުންނަ ދިވެހި އެމްބަސީ --- 21.3 މިލިއަން ރުފިޔާ
  3. ރާއްޖެއިން އދ. އަށް ކަނޑައަޅާފައި ހުންނަ ދާއިމީ މިޝަން --- 20.5 މިލިއަން ރުފިޔާ
  4. ތައިލެންޑުގައި ހުންނަ ދިވެހި އެމްބަސީ --- 20.2 މިލިއަން ރުފިޔާ
  5. ޔޫއޭއީގައި ހުންނަ ދިވެހި އެމްބަސީ --- 19.4 މިލިއަން ރުފިޔާ
  6. ސިންގަޕޫރުގައި ހުންނަ ދިވެހި އެމްބަސީ --- 13.8 މިލިއަން ރުފިޔާ
  7. ޖެނީވާގައި ހުންނަ އދ. ގެ އޮފީހަށް ރާއްޖެއިން ކަނޑައަޅާފައި ހުންނަ ދާއިމީ މިޝަން --- 13.7 މިލިއަން ރުފިޔާ
  8. ޖަޕާނުގައި ހުންނަ ދިވެހި އެމްބަސީ --- 12.6 މިލިއަން ރުފިޔާ
  9. އިނގިރޭސިވިލާތުގައި ހުންނަ ދިވެހި ހައި ކޮމިޝަން --- 10.9 މިލިއަން ރުފިޔާ
  10. ޖަރުމަނުގައި ހުންނަ ދިވެހި އެމްބަސީ --- 10.8 މިލިއަން ރުފިޔާ

ބަޖެޓު ހުށަހަޅުއްވަމުން ޒަމީރު ވިދާޅުވީ ރިކަރަންޓު ހަރަދުގެ ގޮތުގައި ޖުމްލަ ބަޖެޓުގެ 39.9 ބިލިއަން ރުފިޔާ ހަރަދުވާނެ ކަމަށެވެ. މީގެ ތެރޭގައި މި ފަހުން ރައީސް މުހައްމަދު މުއިއްޒު ބޮޑުކުރަން ނިންމި މުވައްޒަފުންގެ މުސާރަ ހިމެނޭ ކަމަށް ވެސް ޒަމީރު ވިދާޅުވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox