ހުޅުމާލެ ތިނެއް ހިއްކަނީ ވެސް އެމްއޭސީއެލްއިން ވަކި ކުންފުންޏެއް ހަދައިގެން

ހުޅުމާލެ ތިނެއް ހިއްކުމުގެ މަސައްކަތުގެ ޕްލޭން މުއިއްޒު ބައްލަވާލައްވާއިރު، އަރިހުގައި ޝަރީފު: އެމްއޭސީއެލްއިން ވަނީ ބިން ހިއްކުމުގެ މަސައްކަތް ކުރަން ޕެނިންސޫލާ އިންފްރާސްޓްރަކްޗާ ކިޔާ ކުންފުންޏެއް ވެސް އުފައްދާފައި --- ފޮޓޯ: ރައީސް އޮފީސް

ހުޅުމާލެ ތިނެއް ހިއްކުމުގެ މަސައްކަތުގެ ޕްލޭން މުއިއްޒު ބައްލަވާލައްވާއިރު، އަރިހުގައި ޝަރީފު: އެމްއޭސީއެލްއިން ވަނީ ބިން ހިއްކުމުގެ މަސައްކަތް ކުރަން ޕެނިންސޫލާ އިންފްރާސްޓްރަކްޗާ ކިޔާ ކުންފުންޏެއް ވެސް އުފައްދާފައި --- ފޮޓޯ: ރައީސް އޮފީސް

ހުޅުމާލެ ފޭސް ތިނެއް ހިއްކަން އަލުން ފެށީ ވެލާނާ އެއާޕޯޓު ހިންގާ އެމްއޭސީއެލްއިން މެރިން އެންޑް އިންޓަގްރޭޓަޑް އިންފްރާސްޓްރަކްޗާ ޑިވެލޮޕްމަންޓު ކިޔާ ކުންފުންޏެއް އުފައްދައިގެން ކަން އެނގިއްޖެ އެވެ.

މިއީ ބިން ހިއްކުމުގެ މަސައްކަތް ކުރަން އެމްއޭސީއެލްއިން އުފެއްދި ދެ ވަނަ ސަބްސިޑަރީ ކުންފުންޏެވެ. އެމްއޭސީއެލްއިން ބިން ހިއްކުމުގެ މަސައްކަތްތަކަށް އުފައްދާފައިވާ އަނެއް ސަބްސިޑަރީ ކުންފުންޏަކީ ޕެނިންސޫލާ އިންފްރާސްޓްރަކްޗާ ކުންފުންޏެވެ.

މިދިޔަ ސެޕްޓެމްބަރު މަހުގެ ތެރޭގައި އުފައްދާފައިވާ މެރިން އެންޑް އިންޓަގްރޭޓަޑް އިންފްރާސްޓްރަކްޗާ ކުންފުނީގެ ބޯޑުގައި ތިބެނީ އެމްއޭސީއެލްގެ ބޯޑު މެންބަރުންނެވެ. އަދި، މި ކުންފުނީގެ ވެސް މެނޭޖިން ޑިރެކްޓަރަކީ، އެމްއޭސީއެލް އާއި ޕެނިންސޫލާގެ ކުންފުނީގެ، އިބްރާހިމް ޝަރީފެވެ.

ބިން ހިއްކުމުގެ މަސައްކަތަށް އެމްއޭސީއެލްއިން ދެ ކުންފުންޏެއް އުފައްދާފައިވާއިރު، މިކަމާ ގުޅޭ އިތުރު އެއްވެސް މައުލޫމާތެއް އެ ކުންފުނިން ނުލިބުނެވެ. އެ މައުލޫމާތު ސާފުކުރަން އެ ކުންފުނީގެ މީޑީއާ އޮފިޝަލަކާ ސުވާލުކުރުމުން އޭނާ ބުނީ އާރުޓީއައިއެއް ހުށަހެޅުމަށެވެ.

ހުޅުމާލޭ ފޭސް ތިނެއް ހިއްކުމުގެ މަސައްކަތް އެމްއޭސީއެލްއިން ހަވާލުކުރީ ކުރިން ވެސް މި މަސައްކަތް ކުރަމުން އައި ކޮންޓްރެކްޓަރު، ކެޕިޓަލް މެރިން އެންޑް ސިވިލް ކޮންސްޓްރަކްޝަން ކޮޕްމެނީ (ސީއެމްސީ) އާ އެވެ.

ބިން ހިއްކުމުގެ ފައިސާ ދައްކަން އެޗްޑީސީ އާއި އެމްއޭސީއެލްއާ ދެމެދު ހެދި އެއްބަސްވުމުގެ އެއްވެސް ތަފުސީލެއް ނޭނގެ އެވެ. މިހެން ކަމުން ދެ ކުންފުނީގެ މެދުގައި ފައިސާ ދެއްކުމުގެ ކަންކަން ހަމަޖެއްސީ ކިހިނެއް ކަމެއް ނޭނގުނެވެ.

ފޭސް ތިނެއްގެ މިހާތަނަށް ހިއްކާފައި ވަނީ 24 ހެކްޓަރެވެ. އެއީ މި މަޝްރޫއުގެ ފުރަތަމަ ފިޔަވަހީގެ ދަށުން ހިއްކި 10 ހެކްޓަރާއި ދެވަނަ ފިޔަވަހީގެ ދަށުން ހިއްކަން ބުނި 29 ހެކްޓަރުގެ ތެރެއިން 14 ހެކްޓަރެވެ. ޖުމްލަ ހިއްކަނީ 63 ހެކްޓަރެވެ.

ހުޅުމާލޭގެ މިހާރުގެ މާސްޓާޕްލޭނުގެ ދަށުން ފޭސް ތިނެއް ހިއްކަނީ، ކުރިން އުޅުނު ގޮތާ ހިލާފަށް، ފޭސް ދޭއްގެ ބިމާ އެއްކޮށްލާފަ އެވެ. ކުރިން ޕްލޭނުގައި އޮތީ ހުރިހާ ފިޔަވަހިތަކެއް ވަކިކޮށް، ފެން ދައުރުވާ ގޮތަށް ކޯރެއް ކަނޑާފައި، ހަތަރު ބްރިޖުން ގުޅާލާފަ އެވެ.

ބިން ހިއްކާ ޕްލޭނަށް ބަދަލު އަޔަސް، އެޗްޑީސީން ބުނަނީ މިހާރު ވެސް ޕްލޭންކޮށްފައި އޮތީ 63 ހެކްޓަރު ހިއްކާ ގޮތަށް ކަމަށެވެ. މިހާރުު ނުހިއްކާ ބާކީ އޮތީ 39 ހެކްޓަރެވެ.

މެރިން އެންޑް އިންފްރާސްޓްރަކްޗާ ޑިވެލޮޕްމަންޓުގެ މަސައްކަތު ތާވަލުގައިވާ ގޮތުން ބިން ހިއްކުމުގެ މަސައްކަތް އަންނަ އަހަރުގެ މާޗަށް ނިންމާލެވޭނެ އެވެ. މިއީ ޕްރޮޖެކްޓުގެ އަމަލީ މަސައްކަތް ފެށިތާ ދޮޅު އަހަރު ފަހުގެ ތާރީހެކެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox