އަނެއްކާ ވެސް "އަންނަ އަހަރު" ކަމަށް ވިދާޅުވެ އައްޑޫ ބްރިޖުގެ ވައުދު މުއިއްޒު ތަކުރާރު ކުރައްވައިފި

މުއިއްޒު ހުޅުދޫ-މީދޫއަށް މިއަދު ހެނދުނު ވަޑައިގެންނެވިއިރު، މަރުހަބާ ކިޔުމަށްޓަކައި ބްރިޖެއް ގޮތަށް ހަދާފައިވާ ޕްލެޓުފޯމު މަތިން އެ މަނިކުފާނު ހިންގާފައި ވަޑައިގަންނަވަނީ-- ފޮޓޯ: ރައީސް އޮފީސް

މުއިއްޒު ހުޅުދޫ-މީދޫއަށް މިއަދު ހެނދުނު ވަޑައިގެންނެވިއިރު، މަރުހަބާ ކިޔުމަށްޓަކައި ބްރިޖެއް ގޮތަށް ހަދާފައިވާ ޕްލެޓުފޯމު މަތިން އެ މަނިކުފާނު ހިންގާފައި ވަޑައިގަންނަވަނީ-- ފޮޓޯ: ރައީސް އޮފީސް

މިދިޔަ އަހަރު ފަށާނެ ކަމަށް ރައީސް މުއިއްޒު ވައުދުވެވަޑައިގެންނެވި އައްޑޫ ސިޓީ ހިތަދޫ އާއި ހުޅުދޫ-މީދޫ ގުޅާލާ ބްރިޖުގެ އަމަލީ މަސައްކަތުގެ އެއްވެސް މަސައްކަތެއް ނުފަށައި، ގާތްގަނޑަކަށް ދެ އަހަރު ދުއްވައިލުމަށް ފަހު، އެ ބްރިޖުގެ އަމަލީ މަސައްކަތް "އަންނަ އަހަރު" ފަށާނެ ކަމަށް ވިދާޅުވެ، ވައުދު ތަކުރާރު ކުރައްވައިފި އެވެ.

އައްޑޫއަށް ކުރައްވާ ދަތުރުގެ ތެރެއިން ހުޅުދޫ-މީދޫ ރައްޔިތުންނާ ބައްދަލުކުރައްވާ މުއިއްޒު މިއަދު ވިދާޅުވީ 15 ކިލޯމީޓަރުގެ އައްޑޫ ބްރިޖުގެ އަމަލީ މަސައްކަތް އަންނަ އަހަރު ތެރޭގައި ފެށުމަކީ އަމާޒެއް ކަމަށެވެ.

"އިރާދަކުރެއްވިއްޔާ މި އަންނަ އަހަރުގެ ތެރޭގައި މި ބްރިޖުގެ މަސައްކަތް ފެށުމަކީ އަޅުގަނޑުމެންގެ އަމާޒު. އިރާދަކުރެއްވިއްޔާ އެގޮތަށް އެކަން ދާނެ،" މުއިއްޒު ވިދާޅުވި އެވެ.

Advertisement

މުއިއްޒު ވިދާޅުވީ ބްރިޖުގެ ސާވޭ އާއި ޑިޒައިންގެ މަސައްކަތް ކުރުމަށް މިދިޔަ މަހު ޗައިނާގެ ޓީވައިލިން އިންޓަނޭޝަނަލްއާ ހަވާލުކުރުމުން އެ މަސައްކަތް އެ ކުންފުނިން ފަށާފައިވާ ކަމަށާއި އެ މަސައްކަތް އަންނަ އަހަރުގެ ކުރީކޮޅު ނިމޭނެ ކަމަށެވެ.

ސަރުކާރުން ހުށަހަޅާފައިވަނީ ތިން އޮޕްޝަނަކަށް ބަލައިގެން ބްރިޖްގެ ސާވޭ ހަދައި، އެންމެ ފީސިބަލް ގޮތެއް ހުށަހެޅުމަށެވެ. އެ މަޝްރޫއު ޗައިނަ ކުންފުންޏާ ސަރުކާރުން ހަވާލުކުރީ ތިން މިލިއަން ޑޮލަރަށެވެ.

އެގޮތުން ޗައިނާ ކުންފުނިން ހުށަހަޅާ އެންމެ ރަނގަޅު ޑިޒައިނަށް ރިޔާޔަތްކޮށް އަންނަ އަހަރުގެ ތެރޭގައި މަޝްރޫއުގެ އެއްބަސްވުން ބަޔަކާއެކު ހަދައި އެ މަސައްކަތް ފަށާނެ ކަމަށް މުއިއްޒު ވިދާޅުވި އެވެ.

"ހަ މަސް ދުވަހުގެ އެގްރީމަންޓެއް އެއޮތީ ހެދިފައި. މިހާރު މަސައްކަތް ފަށައިފި. މިދިޔަ މަހުން ފެށިގެން މަސައްކަތް ފެށީ. އެހެންވީމަ މި އަންނަ މަހުން މާޗު އޭޕްރީލްއާ ހިސާބަށް ދާއިރުގައި ސަރުކާރަށް އެ ފަރާތުން ހުށަހަޅާނެ މި ލިޔުންތައް. ހުށަހެޅީމަ ދެން އަޅުގަނޑުމެން އޭގެ ތެރެއިިން އެ ތިން އޮޕްޝަނުގެ ތެރެއިން އެއް ޑިޒައިން ޗޫޒްކޮށްފައި އަޅުގަނޑުމެން އެގްރިމަންޓް ހަދާނީ،" މުއިއްޒު ވިދާޅުވި އެވެ.

ޗައިނާގެ ކުންފުންޏަކަށް އައްޑޫ ބްރިޖްގެ ސާވޭ ކުރަން ހަވާލުކުރީ އެ މަސައްކަތް މިދިޔަ އަހަރުގެ ފެބްރުއަރީ މަހުގެ ތެރޭގައި އެ މަސައްކަތް މިސްރުގެ އަރަބް ކޮންޓްރެކްޓާސްއާ ހަވާލުކޮށްފައިވަނިކޮށެވެ. މިސްރުގެ ކުންފުނިން އައްޑޫ ބްރިޖަށް ކުރި ސާވޭއަށް ވީ ގޮތެއް ނޭގެ އެވެ.

އޭރު މުއިއްޒު ވިދާޅުވީ މިދިޔަ އަހަރު ތެރޭގައި ބްރިޖުގެ އަމަލީ މަސައްކަތް ފަށައިގެން ގޮސް ތިން އަހަރާ ބައިގެ މުއްދަތެއް ތެރޭގައި އެ މަސައްކަތް ނިންމާލެވޭނެ ކަމަށެވެ.

"މިއަދު ސޮއިކުރި އެއްބަސްވުން ދެން ބަދަލުވާނީ ކޮންޓްރެކްޓަކަށް. އަމަލީ މަސައްކަތުގެ ކޮންޓްރެކްޓަކަށް ބަދަލުވެ ހަމަ މިއަހަރުގެ ތެރޭގައި މި ބްރިޖުގެ އަމަލީ މަސައްކަތް ފަށާނަން. އަޅުގަނޑުގެ އަންދާޒާއަކީ ގާތްގަނޑަކަށް ތިން އަހަރާއި ބައި ހަތަރު އަހަރު, އިރާދުކުރެއްވިއްޔާ މި ދައުރުގެ ތެރޭގައި މަސައްކަތް ނިންމައި," މުއިއްޒު އޭރު ވިދާޅުވި އެވެ.

އައްޑޫ ބްރިޖު އެޅުމާ ގުޅޭ ދިރާސާތައް ކުރުމަށް މިދިޔަ އަހަރުގެ ބަޖެޓުގައި ވެސް 30 މިލިއަން ރުފިޔާ ކަނޑައަޅާފައި އޮތެވެ.

މުއިއްޒުގެ ރިޔާސީ ވައުދުގެ ތެރޭގައި ހިމެނޭ އައްޑޫ ބްރިޖްގެ މަސައްކަތް ވެރިކަމުގެ 100 ދުވަހުގެ ތެރޭގައި ފަށަން ސަރުކާރުގެ "ހަފްތާ 14" ގެ ރޯޑް މެޕްގައި ވެސް ހިމެނި އެވެ. ނަމަވެސް މިހާތަނަށް ވެސް އެ ބްރިޖްގެ އަމަލީ މަސައްކަތް ފެށިފައެއް ނުވެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox